اس بات میں کوئی شک نہیں کہ پیٹ کی اضافی چربی یا موٹاپا
بدترین چیزوں میں سے ایک ہے- یہ نہ صرف برا لگتا ہے بلکہ کئی خطرناک
بیماریوں کو بھی دعوت دیتا ہے- سوال یہ پیدا ہوتا ہے کہ آخر پیٹ کی اضافی
چربی سے نجات کیسے حاصل کی جائے؟ تو ہم یہاں آپ کو ایسی 4 عادات بتارہے ہیں
جنہیں آپ اپنی طرز زندگی کا حصہ بنا کر باآسانی اس مسئلے سے چھٹکارا حاصل
کرسکتے ہیں- |
ریشہ دار غذائیں
آپ کو روزانہ کی بنیاد پر ایسی غذائیں استعمال کرنی چاہئیں جن میں فائبر یا
ریشہ لازمی پایا جاتا ہو- فائبر ایک صحت مند پیٹ کے حوالے سے مددگار ثابت
ہوتا ہے- یہاں تک کہ اگر آپ روزانہ فائبر پر مشتمل غذائیں استعمال کرتے ہیں
تو آپ اس کے علاوہ بھی جو مرضی کھائیں آپ کے لیے مسائل پیدا نہیں ہوں گے-
|
|
بادام
یقیناً اکثر والدین امتحانات کے دنوں میں اپنے بچوں کو بادام کھانے پر
مجبور کرتے ہیں تاکہ ان کا حافظہ بہترین ہوسکے- تحقیق میں یہ بات سامنے آئی
ہے کہ بادام دماغ کے علاوہ پیٹ کے لیے بھی بہترین ہیں کیونکہ یہ فائبر حاصل
کرنے کا ایک معیاری ذریعہ بھی ہیں- ایسے افراد جو روزانہ بادام کھاتے ہیں
ان کے پیٹ کی چربی دیگر افراد کے مقابلے میں زیادہ تیزی سے کم ہوتی ہے-
|
|
ورزش میں مشکل
روزانہ ورزش کرنا مشکل لگتا ہے- آغاز میں ہفتے کے تین دن ورزش کے لیے مختص
کرلیں- ویٹ لفٹنگ پیٹ کی چربی کم کرنے اور پٹھے مضبوط بنانے کے حوالے سے
ایک بہترین ورزش ہے- اس کے علاوہ دیگر دنوں کے لیے 30 منٹ کی چہل قدمی اور
تیراکی بھی بہترین ہے- روزانہ کی جانے والی یہ ورزشیں آپ کا وزن بڑھنے نہیں
دیں گی-
|
|
پانی
آپ کو پانی لازمی پینا چاہیے اور وہ بھی ایک اچھی مقدار میں- روزانہ کی
بنیاد پر 8 سے 10 گلاس پانی پینا آپ کی پیٹ کی چربی کم کرنے کے حوالے سے
فائدہ مند ثابت ہوتا ہے- پانی آپ کے میٹابولزم کی رفتار کو بڑھاتا ہے اور
آپ کھانا بھی کم کھاتے ہیں- بہتر طریقہ یہ ہے کہ آپ صبح ناشتے سے قبل دو
گلاس پانی٬ دوپہر کھانے سے قبل دو کلاس پانی٬ شام کی چائے وغیرہ سے قبل دو
گلاس پانی اور رات کے کھانے سے قبل دو گلاس پانی ضرور پیجیے-
|
|