انسان ہے یا پھر جن؟ ناقابلِ یقین صلاحیت - ویڈیو

4863 views

آپ نے یہ تو ضرور سنا ہوگا کہ چڑیل کے پاؤں الٹے یا پیچھے کی جانب ہوتے ہیں جبکہ چڑیل کی اس خصوصیت کو تو چھوڑیے خود چڑیل نامی شے کی بھی کوئی حقیقت نہیں ہے- لیکن دلچسپ بات یہ ہے کہ چڑیل کی حقیقت سے قطع نظر اس کی یہ مشہور ناقابلِ یقین صلاحیت امریکی ریاست مشی گن کے Moses Lanham میں ضرور موجود ہے-

جی ہاں 57 سالہ Moses Lanham جنہیں مسٹر پلاسٹک بھی کہا جاتا ہے اپنی ٹانگیں اپنے گھنٹوں سمیت 180 ڈگری کے زاویے پر موڑ سکتے ہیں بلکہ اسی حالت میں چل بھی سکتے ہیں-
 

image


مسٹر پلاسٹک میں یہ ناقابلِ یقین صلاحیت اس وقت دریافت ہوئی جب وہ صرف 14 سال کے تھے- وہ جم کلاس میں رسی پر چڑھنے کی کوشش کے دوران اپنی گرفت مضبوط نہ رکھ سکے اور نیچے زمین پر آگرے-

آغاز میں سمجھا گیا کہ حادثے کی وجہ سے ان کے اعضاﺀ اپنی جگہ سے ہٹ گئے ہیں- لیکن جلد ہی مسٹر پلاسٹک کو احساس ہوا کہ وہ یہ سب کچھ بغیر کسی درد کو محسوس کیے کر سکتے ہیں-

میڈیکل ٹیسٹ میں انکشاف ہوا کہ ان کے کولہوں٬ ٹخنوں اور گھٹنوں میں دوہری cartilage موجود ہے جس کی وجہ سے وہ اپنے ان اعضاﺀ کو 180 ڈگری کے زاویے پر موڑنے کی صلاحیت رکھتے ہیں-

مسٹر پلاسٹک فخریہ انداز میں بتاتے ہیں کہ “ جب میں اپنی اس صلاحیت کا مظاہرہ لوگوں کے سامنے کرتا ہوں تو وہ بہت حیران ہوتے ہیں“-

مسٹر پلاسٹک اپنی اس حیران کن صلاحیت کی مدد سے دو ورلڈ ریکارڈ بھی توڑ چکے ہیں جن میں سے ایک ریکارڈ اب بھی ان کے پاس ہے- انہوں نے دنیا کے سب سے لچکدار پاؤں کے مالک کا ریکارڈ تو کھو دیا تاہم اب بھی پاؤں پیچھے کی جانب کر کے تیز رفتاری سے چلنے کا ریکارڈ ان کے پاس ہی ہے-
 

Comments
YOU MAY ALSO LIKE:

Written byNews Desk

Hamariweb's editorial desk covering news, guides and explainers on everyday life in Pakistan.

Moses Lanham, a 57-year-old man from Michigan, has become known as ‘Mr. Plastic’ for his unusual ability to turn his legs along with his knees 180 degrees and walk backward. Mr Plastic discovered his superhuman ability when he was only 14-years-old. He was climbing a rope in gym class when he lost his grip and crashed to the floor, landing awkwardly.