|
اس وقت شاید ہی کوئی ایسا پاکستانی شہری ہو جو پاکستان
میں تعمیر کیے جانے والے ڈیم کے لیے قائم کیے جانے والے فنڈز سے ناواقف ہو-
اور یہ بھی ایک حقیقت ہے سپریم کورٹ کی جانب سے قائم کیے جانے والے اس فنڈ
میں پاکستانی شہریوں نے فراخ دلی کا مظاہرہ کرتے ہوئے ڈیموں کی تعمیر کے
لیے اب تک کروڑوں روپے عطیہ دیا۔ لیکن کچھ رقوم یا عطیات ایسے بھی ہیں جن
کا حقیقت سے دور کا واسطہ نہیں ہے- یہ بھاری مگر جعلی عطیات صرف سوشل میڈیا
پر مختلف مشہور شخصیات کے ناموں سے منسوب خبروں کی صورت میں گردش کرتے
دکھائی دیتے ہیں-
|
|
|
پاکستانی نژاد امریکی تاجر شاہد خان جو کہ پاکستان کی امیر ترین شخصیت بھی
ہیں کے حوالے سے سوشل میڈیا پر پاکستانی ڈیم کے لیے 1 بلین ڈالر کا عطیہ
دینے کی خبر وائرل ہوئی- اس خبر کی بعد میں شاہد خان کی جانب سے تردید کی
گئی کہ “ میں نے ایسا کوئی بیان نہیں دیا“ - تھوڑا رک جاتے مفت کا ثواب مل
رہا تھا-
|
|
|
سوشل میڈیا پر ایسی ہی ایک جھوٹی خبر سابق صدر پرویز مشرف کے حوالے سے بھی
سامنے آئی جس میں انہوں نے اپنی برطانیہ اور دبئی کی جائیداد فروخت کر کے
پاکستانی ڈیم کے لیے عطیہ دینے کی بات کی- خبر کی حقیقت جاننے تک تو ہماری
آنکھوں میں آنسو رہے-
|
|
|
ایسے میں انجلینا جولی بھی کیوں پیچھے رہتی ہیں؟ آخر وہ بھی پاکستانی عوام
کی خیر خواہ ہیں- سوشل میڈیا پر ان کے نام سے بھی فنڈ کے لیے عطیہ دینے کے
حوالے سے ایک جھوٹی خبر چلائی گئی-
|
|
|
اسی طرح کرسٹینو رونالڈو کو بھی پاکستان میں موجود اپنے پرستاروں کا خیال
آگیا اور انہوں نے بھی سوشل میڈیا کے ذریعے پاکستانی ڈیم کے لیے ایک بھاری
رقم عطیہ کرنے کا اعلان کرڈالا- بس اب آپ سے راز رکھیے کیونکہ یہ بات صرف
سوشل میڈیا کو ہی معلوم ہے یہاں تک کہ خود کرسٹینو رونالڈو کو بھی نہیں-
|
|
|
|
بھارت نے چاہے ہمارا پانی روک رکھا ہو لیکن بھارتی شہری ہمارے لیے پانی
ضرور ذخیرہ کر رہے ہیں- جی ہاں سوشل میڈیا پر تو مسٹر بجاج کی جانب سے بھی
پاکستانی ڈیم کے لیے عطیہ دینے کی جھوٹی خبریں وائرل ہوتی رہیں- |