چنبل سے نجات کے 10 طریقے

(Hafiz Umar, )

چنبل یا سوریاسس (Psoriasis) جلد کی ایک بہت پرانی اور تکلیف دہ بیماری کا نام ہے جس کی وجہ سے جلد کے اُوپری حصے Epidermis پر چھوٹے چھلکے جیسے نشانات اُبھرتے ہیں۔ سوریاسِس کی ابتدائی علامات میں جلد کے متاثرہ حصے پر ہلکی سوجن اور سرخی نمایاں ہوتی ہے۔ پھر اس حصے میں جلن اور درد کا احساس ہوتا ہے، جس کے بعد سفیدی مائل نوکیلے دانے اُبھرنے شروع ہوتے ہیں۔بے چینی کی کیفیت میں زخم پر خارش کرنے کی صورت میں زخم سے چھلکے اتر جاتے ہیں اور خون جاری ہوجاتا ہے۔ یہ مرض جسم کے اس حصہ پر پیدا ہوتا ہے جو حصہ کپڑے سے ڈھکا ہوا ہو۔ مثلاً سر، کہنیاں، گھٹنے، ٹخنے، بازو اور کبھی یہ زخم سارے جسم پر بھی پھیل جاتا ہے۔ اس مرض میں انسان کی جلد سخت بھی ہو جاتی ہے۔ ایک تحقیق کے مطابق دُنیا میں سوریاسِس کے مریضوں کی تعداد 50 لاکھ سے زائد ہو چکی ہے۔

سوریاسِس کی اقسام
1. Psoriasis Vulgarisسوریاسِس کی اس قسم میں جلد کے اُوپر ٹیبلیٹ کی طرح گول 2 سے 5 سینٹی میٹر کے دائرے نمایاں ہوتے ہیں اور پیٹھ، جوڑوں، پیٹ اور بیٹھنے والے حصے پر سفید داغ اور دانے اُبھرتے ہیں۔
2. Ausptiz Signاس حالت میں اگر جلد کی سوجن والے حصے کو ہلکا چیرا لگایا جائے تو وہاں سے خون اور پیپ نکلے گا۔
3. Kobner's Phenomenonاس حالت میں جلد سکڑ جاتی ہے اور اس حصے میں جلن اور درد کا احساس بھی ہوتا ہے۔ اگر جسم کا کوئی حصہ جھلس جائے، استری کے نشانات، بجلی کا کرنٹ لگنے یا کسی سخت چیز کے ٹکرانے سے بننے والے نشانات یا زخم کا دُرست علاج نہ ہو تو یہ سوریاسِس کی شکل اختیار کرسکتے ہیں۔
4. Guttate Psoriasis اس حالت میں جسم پر پانی کے قطرے کی مانند چھالے پھیل جاتے ہیں۔ گلے میں خراش کا باعث بننے والا جرثومہ Streptococcus بھی اس کا سبب بنتا ہے۔ ایسی علامات اکثر بچوں میں رُونما ہوتی ہیں۔
5. Flexural Psoriasis سوریا سِس کی یہ قسم Inverse Psoriasis بھی کہلاتی ہے۔ اس میں بغل، چھاتیوں کے نچلے حصے، اور ستھروں پر سرخ دائرے نمایاں ہوتے ہیں۔ بچوں کے Hips بھی متاثر ہوتے ہیں۔
6. Seborrheic Psoriasisاس حالت میں سر میں زیادہ خارش ہوتی ہے، اس میں سفید اور زرد رنگ کے دائرے اُبھرتے ہیں۔ جسم کے چکنائی والے حصوں مثلاً چہرے، بریسٹ، کھوپڑی اور جسم کے نچلے حصوں پر زیادہ ہوتے ہیں۔
7. Psoriasis of Nails ناخنوں میں ہونے والی یہ سوریاسِس پیچیدہ ہے۔ اس میں ناخنوں پر لکیریں ظاہر ہوتی ہیں، بعض حالات میں ناخن ٹیڑھے بھی ہو جاتے ہیں۔
8. Psoriasis of Palms ,Soles ہاتھوں، پیروں کے تلوؤں پر چوڑے گول دائرے چھلکے (Scaling) بن جاتے ہیں۔ اس کی شکل اکثر داد/ چنبل نما ہوتی ہے۔ اسے چیرنے سے پیپ نکلتا ہے۔
9. Erythorodemic Psoriasis اس کا سبب اکثر دواؤں کا غلط استعمال ہوتا ہے۔ جلن کا احساس اور بالوں کا زیادہ جھڑنا بھی اس کی علامات ہیں۔
10. Patule Psoriasis اس بیماری کے دوران ہاتھوں، پیروں میں چھالے پڑ جاتے ہیں۔ بیماری کی یہ قسم یورپ میں عام ہے۔
11. Von-Zumbusch اس حالت میں Pastule کیساتھ بخار بھی ہوتا ہے۔
12. Psoriasis Arthritis اس حالت میں متاثر مریضوں میں 3 سے 7 فیصد جوڑوں کے درد میں مبتلا ہوتے ہیں، ان کے ہاتھوں پیروں کی ہڈّیاں ٹیڑھی ہوجاتی ہیں۔

سوریاسِس کی علامات محسوس کرتے ہی فوراً کسی اچھے ڈاکٹر سے رجوع کرنا چاہیے اور مکمل بلا ناغہ علاج ہی اس سے چھٹکارا دلا سکتا ہے۔

چنبل کی تشخیص
• چنبل کو پہچاننا بالعموم آسان ہوتا ہے اور بمشکل کوئی ہیوی تشخیص درکار ہوتی ہے۔
• اگر چنبل کا حملہ گلے کی وجہ سے ہو رہا ہو تو ڈاکٹر ایک ٹیسٹ کر سکتا ہے جس سے پتہ چل سکے گا کہ کہیں گلے میں ہیمولائیٹک اسٹرپٹو کوکی نام کا جراثیم موجود تو نہیں۔ اگر ایسا ہو تو اینٹی بایوٹک کورس سے اس میں مدد مل سکتی ہے۔
• اگر جوڑوں کے درد سے پریشانی ہو تو ڈاکٹر آپ کے خون ٹیسٹ سے اس کا پتہ کروائے گا، اگر متعدد جوڑوں میں سوجن ہو یا ملائم ہوں تو آپ کو ریماٹولوجسٹ یعنی جوڑوں کے درد کے امراض کے ماہر سے تشخیص کروانی پڑے گی۔

چنبل سے نجات کے 10 طریقے
(1) گرم پانی سے غسل کرنے کے بعد تھوڑا سا ویجی ٹیبل آئل پانی میں شامل کریں اور جسم کے متاثرہ حصے کو مزید پانچ منٹ کے لئے اس میں بھکو دیں۔
(2) جئی(Oat) کا آٹا خارش سے نجات کے لئے مؤثر ٹوٹکا ہے۔اسے پانی میں شامل کر کے آمیزہ سا بنا کر متاثرہ حصے پر ڈالیں۔
(3) غسل کے بعد جسم پر ایسی موئسچرائزنگ کریم استعمال کریں جس میں بابونہ(Chamoline) موجود ہو۔یہ جلد کو خشکی اور پھٹنے سے محفوظ رکھتا ہے۔
(4) سوزش سے بچنے کے لئے روزانہ 10 سے15 منٹ دھوپ میں بیٹھیں۔
(5) ٹی ٹری آئل(ایک مخصوص درخت کا تیل ) کو جسم پر لگانا خارش سے نجات دلانے کے علاوہ جلد کو نرم و ملائم بھی رکھتا ہے۔
(6) السی کے تیل کو کھانوں یا کھانے کی دیگر اشیاء میں شامل کر کے استعمال کریں۔
(7) خشکی کی زیادتی کے باعث جلد پپڑیوں کی صورت میں اترنے لگتی ہے۔اس سے نجات کے لئے پٹرولیم جیلی کا استعمال فائدہ مند ہے۔
(8) مچھلی کے تیل کے کیپسول کے استعمال یا ہفتے میں ایک بار مچھلی کھانے سے جلد کی سوزش سے آرام ملتا ہے۔
(9) خارش اور سوزش سے نجات حاصل کرنے کے لئے متاثرہ حصے پر کوارگندل (aloe vera)کا گودا لگائیں۔
(10) ذہنی دباؤ پیدا کرنے والے حالات سے بچیں۔اس کے لئے ورزش یا چہل قدمی کو اپنی عادت بنائیں ۔

< Previous لہسن متعدد قیمتی فوائد کا حامل NEXT > توند اور پھولتا چہرہ٬ 7 عادتیں فوراً چھوڑ دیں

Comments

09 Oct, 2018

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.