حضرت جابر بن عبد اللہ رضی اﷲ
عنہما سے روایت ہے کہ حضور نبی اکرم صلی اللہ علیہ وآلہ وسلم نے فرمایا :
ہر نبی کے لیے ایک خاص مقبول دعا تھی جسے اس نے اپنی امت کے حق میں کیا
جبکہ میں نے اپنی دعا کو قیامت کے دن اپنی امت کی شفاعت کے لیے مخصوص کر
دیا ہے۔
:: مسلم شریف، کتاب ايمان، 1 / 190، الرقم : 201،
حضرت ابو ہریرہ رضی اللہ عنہ سے روایت ہے کہ حضور نبی اکرم صلی اللہ علیہ
وآلہ وسلم نے فرمایا : ہر نبی کو ایک خاص دعائے مستجاب کا حق ہوتا ہے جو وہ
کرتا ہے، میں چاہتا ہوں کہ اِنشاء اﷲ اپنی اس خاص دعا کو آخرت میں اپنی امت
کی شفاعت کے لیے مؤخر کر کے رکھوں۔
:: بخاری شریف، کتاب دعوات، 5 / 2323، الرقم : 5945،
حضرت انس رضی اللہ عنہ سے روایت ہے کہ حضور نبی اکرم صلی اللہ علیہ وآلہ
وسلم نے فرمایا : ہر نبی نے اللہ تعالیٰ سے سوال کیا، یا آپ صلی اللہ علیہ
وآلہ وسلم نے فرمایا : ہر نبی کے لیے ایک مقبول دعا ہوتی ہے جسے اس نے کیا
تو قبول کر لی گئی، پس میں نے اپنی دعا قیامت کے دن اپنی امت کی شفاعت کے
لیے مخصوص کر دی ہے
:: بخاری شریف، کتاب دعوات، 5 / 2323، الرقم : 5946،
حضرت ابو ہریرہ رضی اللہ عنہ سے روایت ہے کہ حضور نبی اکرم صلی اللہ علیہ
وآلہ وسلم نے فرمایا : ہر نبی کو ایک خاص دعائے مستجاب کا حق ہوتا ہے پس ہر
نبی نے اپنی دعا میں جلدی کی جبکہ میں نے اپنی اس دعا کو قیامت کے دن اپنی
امت کی شفاعت کے لیے مخصوص کردیا ہے۔ وہ اِنشاء اللہ میری امت کے ہر اس فرد
کو پہنچنے والی ہے جو اس حال میں فوت ہوا کہ اللہ کے ساتھ کسی کو شریک نہ
کرتا ہو۔
:: مسلم شریف،کتاب ايمان، 1 / 189، الرقم : 199،
حضرت انس بن مالک رضی اللہ عنہ سے روایت ہے کہ حضور نبی اکرم صلی اللہ علیہ
وآلہ وسلم نے فرمایا : ہر نبی کے لیے مقبول دعا تھی جسے اس نے اپنی امت کے
حق میں کیا۔ بے شک میں نے اپنی اس دعا کو قیامت کے دن اپنی امت کی شفاعت کے
لیے مخصوص کر دیا ہے۔
:: مسلم شریف،کتاب ايمان،1 / 190، الرقم : 200،
حضرت ابو ہریرہ رضی اللہ عنہ سے روایت ہے کہ حضور نبی اکرم صلی اللہ علیہ
وآلہ وسلم نے فرمایا : ہر نبی کے لیے ایک مقبول دعا ہوتی ہے جسے اس نے اپنی
امت کے حق میں کیا تو اسے قبول کرليا گیا جبکہ میں چاہتا ہوں اِنشاء اللہ
اپنی اس دعا کو قیامت کے دن اپنی امت کی شفاعت کے لیے مؤخر کر دوں۔
:: مسلم شریف،کتاب ايمان، 1 / 190، الرقم : 199،
حضرت ابو ہریرہ رضی اللہ عنہ نے کعب احبار سے کہا کہ یقیناً حضور نبی اکرم
صلی اللہ علیہ وآلہ وسلم نے فرمایا : ہر نبی کو ایک خاص مقبول دعا کا حق
ہوتا ہے جسے وہ کرتا ہے۔ میں چاہتا ہوں اِنشاء اﷲ اپنی اس دعا کو قیامت کے
دن اپنی امت کی شفاعت کے لیے مؤخر کر کے رکھوں۔ حضرت کعب نے حضرت ابوہریرہ
سے کہا : کیا آپ نے حضور نبی اکرم صلی اللہ علیہ وآلہ وسلم کو یہ فرماتے
ہوئے سنا؟ انہوں نے کہا : جی ہاں
:: مسلم شریف،کتاب ايمان، 1 / 189، الرقم : 198، |