|
گزشتہ ہفتے کے دوران پاکستان میں پیش آنے والے چند اہم
واقعات کی تصویری جھلکیاں۔
|
|
|
لاہور میں پاکستان مسلم لیگ ن کی صدر محمد شہباز شریف کی نیب میں پیشی کے
وقت پولیس اور لیگی کارکنان کے درمیان کشیدگی ہوئی۔
|
|
|
پاکستان کی سپریم کورٹ کی جانب سے بری کی جانے والی مسیحی خاتون آسیہ بی بی
کو ملتان جیل سے رہا کر دیا گیا۔ ان کے وکیل سیف الملوک نے بی بی سی سے بات
کرتے ہوئے کہا تھا کہ ان کی موکلہ کو ملتان جیل سے رہائی کے بعد محفوظ مقام
پر پہنچا دیا گیا ہے، تاہم انھوں نے یہ نہیں بتایا کہ وہ پاکستان میں ہیں
یا نہیں۔
|
|
|
دوسری جانب مذہبی جماعتوں کی جانب سے آسیہ بی بی کی رہائی کے خلاف مظاہرے
کیے گئے۔
|
|
|
دنیا بھر کی طرح پاکستان میں بسنے والی ہندو برادری نے بھی اپنا مذہبی
تہوار دیوالی منایا۔ اس موقع پر ہندو برادری نے مندروں اور گھروں میں
چراغاں کیا اور خصوصی تقریبات کا اہتمام کیا۔
|
|
|
صوبہ خیبرپختونخوا کے دارالحکومت پشاور میں محکمہ جنگلی حیات کے حیات کے
اہلکاروں نے سمگلروں سے ضبط کیا گیا ایک عقاب آزاد کیا ۔
|
|
|
سرگودھا میں پاکستانی فوج کے کیپٹن زرغم فرید کی نماز جنازہ ادا کی گئی۔
کپٹن زرغم فرید سات نومبر کو افغان سرحدی علاقے مہمند ایجنسی میں ایک آئی
ای ڈی دھماکے میں ہلاک ہوگئے تھے۔
|
|
|
|
نیوزی لینڈ اور پاکستان کے درمیان تین ایک روزہ میچوں کی
سیریز کے کھیلے گئے دو میچوں میں دونوں ٹیموں نے ایک، ایک میچ جیتا۔ جمعے کو
ابوظہبی میں دوسرے میچ میں پاکستان نے نیوزی لینڈ کی ٹیم کو چھ وکٹوں سے شکست
دی۔ اس سے قبل بدھ کو ابوظہبی میں ہی کھیلے جانے والے پہلے ایک روزہ میچ میں
نیوزی لینڈ کے ٹرینٹ بولٹ کی ہیٹ ٹرک کی وجہ سے پاکستان 47 رنز سے شکست ہوئی
تھی۔ |
 |