2018 میں یوٹیوب کی ٹاپ وائرل ویڈیوز

یوٹیوب نے 2018 میں دنیا بھر میں سب سے زیادہ مقبول یا وائرل ہونے والی ویڈیوز کی فہرست جاری کی ہے۔ ڈان کے مطابق اس فہرست کو ٹاپ ٹرینڈنگ اور ٹاپ میوزک کی کیٹیگریز میں تقسیم کیا گیا ہے اور ان کا انتخاب ویوز، لائیکس، کمنٹس، شیئرز اور دیگر عوامل کو مدنظر رکھ کر کیا گیا۔

چونکہ یہ دنیا میں ویڈیوز کی سب سے بڑی سائٹ ہے تو اس میں مقبول ترین ویڈیوز سے عندیہ ملتا ہے کہ سال بھر میں دنیا بھر میں لوگوں کو کیا دیکھنا پسند رہا۔

ٹاپ ٹرینڈنگ میں شامل 10 ویڈیوز کو گوگل کے اس ویڈیو پلیٹ فارم پر 63 کروڑ بار سے زیادہ دیکھا گیا ہے۔
 

ویت نامی کامیڈی فلم
یہ پہلی بار ہے کہ یوٹیوب کی ٹاپ 10 ویڈیوز میں کسی ویت نامی ویڈیو کو شامل کیا گیا ہے اور یہ فلم ویت نام کے ای گلوکار لام چان کھانگ کی ہے جو کہ میوزیکل کامیڈی ہے۔

بہن بھائی کی اسکول لائف
یہ ویڈیو بھارت کے مقبول ترین یوٹیوب اسٹار امیت Bhadana کی تیار کردہ ہے جس میں بہن بھائی کی لڑائی کو دلچسپ انداز سے دکھایا گیا ہے۔

یوٹیوب اوریجنلز : کوبرا کائی پہلی قسط
یوٹیوب کی اپنی تیار کردہ اس سیریز کی پہلی قسط کے حصے میں 8 واں نمبر آیا۔

خندق نما سوئمنگ پول تیار کرنا
زندگی کے تحفظ کی ٹرکس بتانے والے یوٹیوب چینیل Primitive Survival Tool کی جانب سے خندق جیسا سوئمنگ پول تیار کرنے کی ویڈیو اس سال کافی مقبول ثابت ہوئی ہے۔

فیفا ورلڈ کپ میچ
فیفا فٹبال ورلڈکپ کے دیگر میچز یوٹیوب پر دیکھے گئے ہوں یا نہیں مگر 2 فیورٹ سمجھی جانے والی ٹیموں پرتگال اور اسپین کے درمیان کھیلے گئے میچ کی جھلکیاں ضرور سب سے زیادہ پسند کی گئیں جو کہ اس فہرست میں چھٹے نمبر پر ہیں۔

یانی یا لورل
رواں سال Yanny یا Laurel سننے کا معاملہ سوشل میڈیا پر کافی وائرل ہوا تھا اور اس حوالے سے 'سائنسی وضاحت' پر مبنی ویڈیو بھی یوٹیوب پر وائرل ہوگئی تھی۔