ﺁﺯﺍﺩﯼ

ﺳﺮﺩﯼ ﺍﭘﻨﮯ ﻋﺮﻭﺝ ﭘﺮ ﺗﮭﯽ ۔ﺳﻮﺭﺝ ﮈﻭﺑﻨﮯ ﮐﮯ ﺑﻌﺪ ﺳﺒﮭﯽ ﺍﻧﺴﺎﻥ ،ﭼﺮﻧﺪ ﭘﺮﻧﺪ ﺍﭘﻨﮯ ﺍﭘﻨﮯ ﮔﮭﺮﻭﮞ ﮐﯽ ﺭﺍﮦ ﻟﯿﺘﮯ ﺍﻭﺭ ﺳﻮﺭﺝ ﻃﻠﻮﻉ ﮨﻮﻧﮯ ﺗﮏ ﺍﭘﻨﮯ ﺑﺴﺘﺮﻭﮞ ﻣﯿﮟ ﺩﺑﮑﮯ ﺭﮨﺘﮯ ﺗﮭﮯ ۔
ﮨﺮ ﻃﺮﻑ ﺧﺎﻣﻮﺷﯽ ﺍﻭﺭ ﺳﮑﻮﻥ ﺩﯾﮑﮫ ﮐﺮ ﺑﺮ ﮔﺪ ﮐﺎ ﺑﻮﮌﮬﺎ ﺩﺭﺧﺖ ﺟﻠﺪﯼ ﺍﻭﻧﮕﮭﻨﮯ ﻟﮕﺎ ﺍﻭﺭ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﮔﮩﺮﯼ ﻧﯿﻨﺪ ﺳﻮ ﮔﯿﺎ ﻟﯿﮑﻦ ﺍﺱ ﮔﮩﺮﮮ ﺳﻨﺎﭨﮯ ﻣﯿﮟ ﺍﭼﺎﻧﮏ ﮨﯽ ﭨﭗ ﭨﭗ ،ﭨﭗ ﮐﯽ ﺁﻭﺍﺯ ﮐﮯ ﺳﺎﺗﮫ ﺍﺱ ﮐﮯ ﺍﻧﺪﺭ ﻧﻤﯽ ﺍﺗﺮﻧﮯ ﻟﮕﯽ ۔
ﺳﺮﺩ ﺗﺮﯾﻦ ﺭﺍﺕ ﻣﯿﮟ ﺑﮭﯿﮕﻨﮯ ﮐﮯ ﺍﺣﺴﺎﺱ ﻧﮯ ﺍﺱ ﮐﯽ ﻧﯿﻨﺪ ﺗﻮﮌ ﺩﯼ ۔ﯾﮧ ﮐﻮﻥ ﺑﺪ ﺗﻤﯿﺰ ﮨﮯ ﺟﻮ ﺍﺗﻨﯽ ﺳﺮﺩﯼ ﻣﯿﮟ ﺭﺍﺕ ﮐﮯ ﻭﻗﺖ ﻣﺠﮫ ﭘﺮ ﭘﺎﻧﯽ ﮈﺍﻝ ﺭﮨﺎ ﮨﮯ ۔ﻭﮦ ﻏﺼﮯ ﺍﻭﺭ ﺳﺮﺩﯼ ﺳﮯ ﮐﺎﻧﭙﺘﯽ ﮨﻮﺋﯽ ﺁﻭﺍﺯ ﻣﯿﮟ ﺑﻮﻻ۔
ﯾﮧ ﭨﻮﭨﻮ ﻃﻮﻃﺎ ﺗﮭﺎ۔ ﺟﻮ ﺍﺱ ﮐﯽ ﺳﺎﺧﻮﮞ ﻣﯿﮟ ﻣﻨﮧ ﭼﮭﭙﺎﺋﮯ ﺧﺎﻣﻮﺷﯽ ﺳﮯ ﺁﻧﺴﻮ ﺑﮩﺎﺭ ﮨﺎ ﺗﮭﺎ ۔
ﻣﻌﺎﻑ ﮐﺮﻧﺎ ﺑﺮﮔﺪ ﭼﺎﭼﺎ ! ﻣﯿﺮﯼ ﻭﺟﮧ ﺳﮯ ﺗﻤﮩﺎﺭﯼ ﻧﯿﻨﺪ ﺧﺮﺍﺏ ﮨﻮﺋﯽ ۔
‏( ﺟﺎﺭﯼ ﮨﮯ ‏)
ﺍﺱ ﻧﮯ ﺁﻧﺴﻮ ﭘﻮﻧﭽﮭﺘﮯ ﮨﻮﺋﮯ ﮐﮩﺎ ۔
ﺑﮭﺎﺋﯽ ﭨﻮﭨﻮ ! ﺍﮔﺮ ﺗﻢ ﺑﺮﺍﻧﮧ ﻣﺎﻧﻮ ﺗﻮ ﻣﯿﮟ ﺗﻤﮩﺎﺭﮮ ﺭﻭﻧﮯ ﮐﯽ ﻭﺟﮧ ﭘﻮﭼﮫ ﺳﮑﺘﺎ ﮨﻮﮞ ۔ﺑﻮﮌﮬﮯ ﺑﺮﮔﺪﻧﮯ ﺩﻭﺳﺘﺎﻧﮧ ﺍﻧﺪﺍﺯ ﻣﯿﮟ ﮐﮩﺎ ۔
ﮐﯿﺎ ﮐﺮﻭ ﮔﮯ ﭘﻮﭼﮫ ﮐﺮ ۔
ﯾﮧ ﺳﻤﺠﮫ ﻟﻮ ﺍﭘﻨﯽ ﻗﺴﻤﺖ ﭘﺮ ﺭﻭ ﺭﮨﺎ ﮨﻮﮞ ۔ﭨﻮﭨﻮ ﻧﮯ ﺍﯾﮏ ﺳﺮﺩ ﺁﮦ ﺑﮭﺮﯼ۔
ﮐﯿﺎ ﮨﻮﺍ ﮨﮯ ﺗﻤﮩﺎﺭﯼ ﻗﺴﻤﺖ ﮐﻮ ۔ﺍﭼﮭﮯ ﺑﮭﻠﮯ ﺗﻮ ﮨﻮ ۔ﮐﭽﮫ ﺑﮭﯽ ﺗﻮ ﺍﭼﮭﺎ ﻧﮩﯿﮟ ﮨﮯ ۔ﺳﺎﺭﯼ ﺩﻧﯿﺎ ﻣﺠﮭﮯ ﺑﺮﺍ ﺳﻤﺠﮭﺘﯽ ﮨﮯ ﺩﻧﯿﺎ ﻣﯿﮟ ﻣﯿﺮﯼ ﺑﮯ ﻭﻓﺎﺋﯽ ﮐﮯ ﻗﺼﮯ ﻣﺸﮩﻮﺭ ﮨﯿﮟ ۔ﺍﺱ ﺑﺎﺭﮮ ﻣﯿﮟ ﺑﮩﺖ ﺳﮯ ﻣﺤﺎﻭﺭﮮ ﺍﻭﺭ ﮐﮩﺎﻭﺗﯿﮟ ﮐﮩﯽ ﮔﺌﯽ ﮨﯿﮟ۔
ﭨﻮﭨﻮﻧﮯ ﺩﮐﮭﯽ ﺩﻝ ﺳﮯ ﺍﭘﻨﺎ ﻏﻢ ﺑﯿﺎﻥ ﮐﯿﺎ ﺗﻮ ﺑﻮﮌﮬﮯ ﺑﺮﮔﺪ ﮐﻮ ﺍﺱ ﺳﮯ ﮨﻤﺪﺭﺩﯼ ﻣﺤﺴﻮﺱ ﮨﻮﺋﯽ ۔ﺍﺱ ﻧﮯ ﺍﭘﻨﯽ ﺍﯾﮏ ﻧﺮﻡ ﻭﻧﺎﺯﮎ ﺷﺎﺥ ﭨﻮﭨﻮ ﮐﮯ ﺳﺮ ﭘﺮ ﭘﮭﯿﺮﺗﮯ ﮨﻮﺋﮯ ﺍﺳﮯ ﺗﺴﻠﯽ ﺩﯼ ،ﺟﺲ ﺳﮯ ﭨﻮﭨﻮ ﮐﻮ ﮐﭽﮫ ﺳﮑﻮﻥ ﻣﻼ ﺍﻭﺭ ﺗﮭﻮﮌﯼ ﮨﯽ ﺩﯾﺮ ﺑﻌﺪ ﻭﮦ ﺑﻮﮌﮬﮯ ﺑﺮﮔﺪ ﮐﯽ ﺷﻔﯿﻖ ﺁﻏﻮﺵ ﻣﯿﮟ ﺳﻮﮔﯿﺎ۔
ﺍﺱ ﮐﮯ ﺑﻌﺪ ﺍﮐﺜﺮ ﺍﯾﺴﺎ ﮨﻮﺗﺎ ﮐﮧ ﺍﻧﺘﮩﺎﺋﯽ ﺳﺮﺩ ﺭﺍﺗﻮﮞ ﻣﯿﮟ ﺑﻮﮌﮬﺎ ﺑﺮﮔﺪ ﺍﭘﻨﮯ ﺍﻭﭘﺮ ﺁﻧﺴﻮﺅﮞ ﮐﯽ ﻧﻤﯽ ﻣﺤﺴﻮﺱ ﮐﺮﺗﺎ ۔ﻣﮕﺮ ﭘﮭﺮ ﮐﺒﮭﯽ ﺍﺱ ﻧﮯ ﭨﻮﭨﻮ ﮐﻮ ﻧﮩﯿﮟ ﮈﺍﻧﭩﺎ ۔ﺁﺧﺮ ﺍﯾﮏ ﺭﻭﺯ ﭨﻮﭨﻮ ﻧﮯ ﺧﻮﺩ ﮨﯽ ﺍﭘﻨﯽ ﮐﮩﺎﻧﯽ ﺷﺮﻭﻉ ﮐﺮﺩﯼ ۔
ﭨﻮﭨﻮ ﻧﮯ ﮐﮩﺎ ﯾﮧ ﺍﻥ ﺩﻧﻮﮞ ﮐﯽ ﺑﺎﺕ ﮨﮯ ﺟﺐ ﻣﯿﮟ ﺻﺮﻑ ﭼﻨﺪ ﺩﻧﻮﮞ ﮐﺎ ﺗﮭﺎ ۔
ﺗﺐ ﻣﺠﮭﮯ ﻣﯿﺮﯼ ﻣﺎﮞ ﺳﮯ ﺟﺪﺍ ﮐﺮ ﮐﮯ ﺍﯾﮏ ﺁﺩﻣﯽ ﮐﮯ ﺣﻮﺍﻟﮯ ﮐﺮ ﺩﯾﺎ ﮔﯿﺎ ۔ﻣﺎﮞ ﺳﮯ ﺟﺪﺍ ﮨﻮﺟﺎﻧﮯ ﮐﯽ ﻭﺟﮧ ﺳﮯ ﻣﯿﮟ ﺑﮩﺖ ﺍﺩﺍﺱ ﺍﻭﺭ ﭘﺮﯾﺸﺎﻥ ﺭﮨﻨﮯ ﻟﮕﺎ ﺗﮭﺎ۔ ﺍﮔﺮ ﻭﮦ ﺁﺩﻣﯽ ﻣﺠﮭﮯ ﺍﺗﻨﯽ ﺯﯾﺎﺩﮦ ﺗﻮﺟﮧ ﺍﻭﺭ ﺗﺤﻔﻆ ﻧﮧ ﺩﯾﺘﺎ ﺗﻮ ﺷﺎﯾﺪ ﻣﯿﮟ ﻣﺮﭼﮑﺎ ﮨﻮﺗﺎ ﻟﯿﮑﻦ ﺍﺱ ﻧﮯ ﻧﮧ ﺻﺮﻑ ﻣﯿﺮﺍ ﺧﯿﺎﻝ ﺭﮐﮭﺎ ﺑﻠﮑﮧ ﻣﺠﮭﮯ ﺍﺱ ﻗﺎﺑﻞ ﮐﺮﺩﯾﺎ ﮐﮧ ﻣﯿﮟ ﺍﺱ ﮐﯽ ﺯﺑﺎﻥ ﻣﯿﮟ ﺑﺎﺕ ﭼﯿﺖ ﮐﺮﺳﮑﻮﮞ ۔
ﻣﺠﮭﮯ ﺑﻮﻟﻨﺎ ﺁﮔﯿﺎ ﺗﻮ ﻣﯿﮟ ﮨﺮ ﻭﻗﺖ ﺍﭘﻨﯽ ﻣﯿﭩﮭﯽ ﺑﺎﺗﻮﮞ ﺳﮯ ﺍﺱ ﮐﺎ ﺩﻝ ﺑﮩﻼﻧﮯ ﮐﯽ ﮐﻮﺷﺶ ﮐﺮﺗﺎ ﺭﮨﺘﺎ ،ﻣﯿﺮﮮ ﺍﺱ ﻃﺮﺡ ﭘﻮﭼﮭﻨﮯ ﭘﺮﻭﮦ ﻣﺠﮫ ﺳﮯ ﺧﻮﺵ ﮨﻮ ﮐﺮ ﭘﮩﻠﮯ ﺳﮯ ﺑﮭﯽ ﺯﯾﺎﺩﮦ ﻣﯿﺮﺍ ﺧﯿﺎﻝ ﮐﺮﻧﮯ ﻟﮕﺘﺎ ۔ﻣﯿﮟ ﻭﮨﺎﮞ ﺍﭼﮭﯽ ﺯﻧﺪﮔﯽ ﮔﺰﺍﺭﺭﮨﺎ ﺗﮭﺎ ۔ﻟﯿﮑﻦ ﭘﮭﺮ ﺑﮭﯽ ﮐﮩﯿﮟ ﮐﭽﮫ ﮐﻤﯽ ﺗﮭﯽ ۔
ﻣﯿﺮﯼ ﺯﻧﺪﮔﯽ ﺍﺩﺍﺱ ﺗﮭﯽ ۔ﺷﺎﯾﺪ ﻣﯿﮟ ﺍﺱ ﻗﯿﺪ ﮐﯽ ﺯﻧﺪﮔﯽ ﺳﮯ ﺗﻨﮓ ﺁﭼﮑﺎ ﺗﮭﺎ ﺍﻭﺭ ﺁﺯﺍﺩ ﮨﻮﻧﺎ ﭼﺎﮨﺘﺎ ﺗﮭﺎ ۔ﻣﯿﮟ ﭼﺎﮨﺘﺎ ﺗﮭﺎ ﮐﮧ ﮐﺎﺵ ! ﻭﮦ ﺧﻮﺩ ﮨﯽ ﻣﯿﺮﮮ ﺩﻝ ﮐﯽ ﺑﺎﺕ ﺳﻤﺠﮫ ﻟﮯ ﺍﻭﺭ ﻣﺠﮫ ﺁﺯﺍﺩ ﮐﺮﺩﮮ ۔ﻟﯿﮑﻦ ﯾﮧ ﺻﺮﻑ ﻣﯿﺮﯼ ﺑﮭﻮﻝ ﺗﮭﯽ ۔ﺁﺧﺮ ﺍﯾﮏ ﺭﻭﺯ ﮨﻤﺖ ﮐﺮﮐﮯ ﻣﯿﮟ ﻧﮯ ﺍﭘﻨﮯ ﺩﻝ ﮐﯽ ﺑﺎﺕ ﺍﺱ ﺳﮯ ﮐﮩﮧ ﺩﯼ ۔
ﻣﯿﮟ ﺍﺱ ﮐﮯ ﺟﻮﺍﺏ ﮐﺎ ﻣﻨﺘﻈﺮ ﺗﮭﺎ ،ﻟﯿﮑﻦ ﻭﮦ ﮐﻮﺋﯽ ﺟﻮﺍﺏ ﺩﯾﮯ ﺑﻐﯿﺮ ﭼﻼ ﮔﯿﺎ ۔
ﻣﯿﮟ ﻧﮯ ﺩﻭﺳﺮﮮ ،ﺗﯿﺴﺮﮮ ﺍﻭﺭ ﭘﮭﺮ ﭼﻮﺗﮭﮯ ﺩﻥ ﺑﮭﯽ ﺍﺱ ﺳﮯ ﯾﮩﯽ ﺑﺎﺕ ﮐﯽ ،ﻟﯿﮑﻦ ﺍﺱ ﻧﮯ ﭘﮭﺮ ﺑﮭﯽ ﮐﻮﺋﯽ ﺟﻮﺍﺏ ﻧﮧ ﺩﯾﺎ ۔
ﺟﺐ ﻣﯿﮟ ﻧﮯ ﭘﺎﻧﭽﻮﯾﮟ ﺩﻥ ﺑﮭﯽ ﺍﺱ ﺳﮯ ﯾﮩﯽ ﺑﺎﺕ ﮐﯽ ﺗﻮ ﻏﺼﮯ ﺳﮯ ﺑﮯ ﺗﺤﺎﺷﮧ ﭼﯿﺨﺘﮯ ﮨﻮﺋﮯ ﮐﮩﺎ ﮐﮧ ﺗﻢ ﻣﺠﮭﮯ ﯾﮧ ﺟﺘﺎ ﺭﮨﮯ ﮨﻮ ﮐﮧ ﯾﮩﺎﮞ ﻣﯿﮟ ﻧﮯ ﺗﻤﮩﯿﮟ ﻗﯿﺪ ﮐﺮﮐﮯ ﺭﮐﮭﺎ ﮨﻮﺍ ﮨﮯ ۔
ﺟﻮ ﻋﯿﺶ ﺗﻤﮩﯿﮟ ﯾﮩﺎﮞ ﻣﻼ ،ﻭﮦ ﺳﺐ ﺑﮭﻮﻝ ﮔﺌﮯ ۔ﺗﻢ ﺑﮭﻮﻝ ﮔﺌﮯ ﮐﮧ ﻣﯿﮟ ﻧﮯ ﺗﻤﮩﺎﺭﯼ ﺁﺭﺍﻡ ﮐﺎ ﮐﺲ ﻃﺮﺡ ﺧﯿﺎﻝ ﺭﮐﮭﺎ ،ﺗﻤﮩﯿﮟ ﯾﮩﺎﮞ ﮐﻮﺋﯽ ﺗﮑﻠﯿﻒ ﻧﮧ ﮨﻮﻧﮯ ﺩﯼ ۔ﮨﻤﯿﺸﮧ ﺍﭼﮭﮯ ﺳﮯ ﺍﭼﮭﺎ ﮐﮭﻼ ﯾﺎ ۔
ﺍﺣﺴﺎﻥ ﻓﺮﺍﻣﻮﺵ ﺍﻭﺭ ﺑﮯ ﻭﻓﺎ ﻃﻮﻃﮯ ! ﻣﯿﮟ ﺟﺎﻧﺘﺎ ﺗﮭﺎ ﮐﮧ ﺍﯾﮏ ﻧﮧ ﺍﯾﮏ ﺩﻥ ﺗﻢ ﺍﭘﻨﯽ ﺍﺻﻠﯿﺖ ﺩﮐﮭﺎ ﮐﮯ ﺭﮨﻮ ﮔﮯ ۔
ﺗﻢ ﮐﺒﮭﯽ ﮐﺴﯽ ﮐﮯ ﻧﮩﯿﮟ ﮨﻮ ﺳﮑﺘﮯ۔
ﺁﺩﻣﯽ ﮐﺎ ﻏﺼﮧ ﺍﺗﻨﺎ ﮐﭽﮫ ﮐﮩﮧ ﮐﺮ ﺑﮭﯽ ﮐﻢ ﻧﮧ ﮨﻮﺍ ﺗﻮ ﺍﺱ ﻧﮯ ﻣﺠﮭﮯ ﺩﻭﻧﻮﮞ ﮨﺎﺗﮭﻮﮞ ﺳﮯ ﭘﮑﮍ ﮐﺮ ﻣﯿﺮﯼ ﭨﺎﻧﮓ ﻣﺮﻭﮌ ﺩﯼ۔ ﯾﮩﺎﮞ ﺗﮏ ﮐﮧ ﻣﯿﺮﯼ ﺁﻧﮑﮭﯿﮟ ﺑﮭﯽ ﺯﺧﻤﯽ ﮐﺮﺩﯾﮟ ۔ﻣﯿﮟ ﺗﮑﻠﯿﻒ ﻣﯿﮟ ﺗﮍﭖ ﺍﭨﮭﺎ ،ﭘﮭﺮ ﺟﺐ ﺍﺱ ﺷﺨﺺ ﻧﮯ ﻣﺠﮭﮯ ﭘﻨﺠﺮﮮ ﺳﮯ ﺑﺎﮨﺮ ﭘﮭﯿﻨﮏ ﺩﯾﺎ ﺗﻮ ﻣﯿﺮﺍ ﻏﺼﮯ ﺍﻭﺭ ﺗﮑﻠﯿﻒ ﺳﮯ ﺑﺮﺍ ﺣﺎﻝ ﮨﻮﺭﮨﺎ ﺗﮭﺎ ۔
ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﮐﮧ ﻭﮦ ﻣﯿﺮﮮ ﺳﺎﺗﮫ ﺍﺗﻨﺎ ﺑﮯ ﺭﺣﻤﺎﻧﮧ ﺳﻠﻮﮎ ﮐﺮﮮ ﮔﺎ۔
ﺁﺯﺍﺩﯼ ﮐﺎ ﺣﻖ ﻣﺎﻧﮕﻨﮯ ﭘﺮ ﺍﺱ ﻧﮯ ﻣﯿﺮﮮ ﺍﻭﭘﺮ ﺑﮯ ﻭﻓﺎ ﮨﻮﻧﮯ ﮐﯽ ﻣﮩﺮ ﻟﮕﺎﺩﯼ ﺗﮭﯽ۔ﻭﮦ ﺷﺨﺺ ﻧﮩﯿﮟ ﺟﺎﻧﺘﺎ ﺗﮭﺎ ﮐﮧ ﺍﯾﮏ ﭘﺮﻧﺪﮮ ﺳﮯ ﺍﺱ ﮐﯽ ﺍﮌﺍﻥ ﮐﺎ ﺣﻖ ﭼﮭﯿﻦ ﻟﯿﻨﺎ ﮐﺘﻨﺎ ﺑﮍﺍ ﻇﻠﻢ ﮨﮯ ۔
ﺗﮑﻠﯿﻒ ﮐﮯ ﻣﺎﺭﮮ ﻣﯿﺮﺍ ﺑﺮﺍ ﺣﺎﻝ ﮨﻮﺭﮨﺎ ﺗﮭﺎ ۔ﻣﯿﮟ ﮐﭽﮫ ﺩﯾﺮ ﺗﮏ ﺭﮎ ﮐﺮ ﺳﮑﻮﻥ ﮐﺎ ﺳﺎﻧﺲ ﻟﯿﻨﺎ ﭼﺎﮨﺘﺎ ﺗﮭﺎ ۔ﻟﯿﮑﻦ ﻣﺤﻠﮯ ﮐﯽ ﭘﻠﯽ ﮨﻮﺋﯽ ﺑﻠﯽ ﮐﯽ ﻟﻠﭽﺎﺋﯽ ﮨﻮﺋﯽ ﻧﻈﺮﻭﮞ ﻧﮯ ﻣﺠﮭﮯ ﺍﺗﻨﯽ ﺑﮭﯽ ﻣﮩﻠﺖ ﻧﮧ ﺩﯼ ۔ﺍﺱ ﺳﮯ ﭘﮩﻠﮯ ﮐﮧ ﻭﮦ ﺑﻠﯽ ﻣﯿﺮﮮ ﺯﺧﻤﯽ ﺟﺴﻢ ﭘﺮ ﺟﮭﭙﭧ ﻟﯿﺘﯽ ،ﻣﯿﮟ ﻧﮯ ﮨﻮﺍ ﮐﮯ ﺩﻭﺵ ﭘﺮ ﺍﭘﻨﮯ ﭘﺮﻭﮞ ﮐﻮ ﭘﮭﯿﻼ ﻟﯿﺎ ۔
ﻧﯿﻠﮯ ﺁﺳﻤﺎﻥ ﮐﯽ ﻭﺳﻌﺘﻮﮞ ﺍﻭﺭ ﺗﺎﺯﮦ ﮨﻮﺍﺅﮞ ﻧﮯ ﻣﺠﮭﮯ ﺣﻮﺻﮧ ﺩﯾﺎ ﯾﮧ ﺷﺎﯾﺪ ﺁﺯﺍﺩ ﻓﻀﺎ ﻣﯿﮟ ﻣﯿﺮﯼ ﭘﮩﻠﯽ ﺍﮌﺍﻥ ﺗﮭﯽ ۔ﮨﻮﺍ ﮐﮯ ﺑﺎﺯﻭﺅﮞ ﭘﺮ ﭘﺮﻭﺍﺯ ﮐﺮﺗﮯ ﮨﻮﺋﮯ ﻣﯿﮟ ﺍﭘﻨﺎ ﮨﺮ ﺩﮐﮫ ﺍﻭﺭ ﮨﺮ ﺗﮑﻠﯿﻒ ﺑﮭﻮﻝ ﮔﯿﺎ ﺗﮭﺎ ،ﭼﮭﻮﭨﮯ ﭼﮭﻮﭨﮯ ﮔﮭﺮ ،ﮐﮭﯿﺖ ،ﺩﺭﺧﺖ ،ﺳﺒﺰﮦ ،ﭘﮩﺎﮌ ،ﭼﻤﮑﺘﮯ ﮨﻮﺋﮯ ﺟﮭﺮﻧﮯ ﻣﺠﮭﮯ ﺑﮩﺖ ﭘﯿﺎﺭﮮ ﻟﮓ ﺭﮨﮯ ﺗﮭﮯ ۔
ﭘﺮﻧﺪﻭﮞ ﮐﮯ ﻏﻮﻝ ﮐﮯ ﻏﻮﻝ ﺍﮌﺗﮯ ﮨﻮ ﺋﮯ ﺍﺩﮬﺮ ﺳﮯ ﺍﺩﮬﺮ ﭼﻠﮯ ﺟﺎ ﺭﮨﮯ ﺗﮭﮯ ۔ﻣﯿﮟ ﺑﮭﯽ ﺍﻥ ﮐﮯ ﺳﺎﺗﮫ ﮨﻮ ﻟﯿﺎ ﺍﻭﺭ ﭘﮭﺮ ﺗﮭﮏ ﮐﺮﺗﻤﮩﺎﺭﯼ ﺷﻔﯿﻖ ﭘﻨﺎﮦ ﻣﯿﮟ ﺁﮔﯿﺎ ﺍﻭﺭ ﺍﺏ ﯾﮩﯽ ﻣﯿﺮﺍ ﻣﺴﺘﻘﻞ ﭨﮭﮑﺎﻧﺎ ﺑﻦ ﮔﯿﺎ۔
ﭨﻮﭨﻮ ﺍﺏ ﺍﯾﮏ ﺁﺯﺍﺩ ﺯﻧﺪﮔﯽ ﮔﺰﺍﺭ ﺭﮨﺎ ﺗﮭﺎ ۔ﺍﭘﻨﯽ ﻓﻄﺮﺕ ﮐﮯ ﻋﯿﻦ ﻣﻄﺎﺑﻖ ،ﻟﯿﮑﻦ ﻣﺎﺿﯽ ﮐﯽ ﺗﻠﺦ ﯾﺎﺩﯾﮟ ﺍﺏ ﺑﮭﯽ ﺍﺳﮯ ﺑﮯ ﭼﯿﻦ ﮐﺮﺩﯾﺘﯽ ﺗﮭﯿﮟ ۔
ﻭﮦ ﺳﻮﭼﺘﺎ ﮐﮧ ﮐﯿﺎ ﻭﺍﻗﻌﯽ ﺍﺱ ﻧﮯ ﺁﺩﻣﯽ ﮐﮯ ﺳﺎﺗﮫ ﺑﮯ ﻭﻓﺎﺋﯽ ﮐﯽ ﮨﮯ ۔ﺍﯾﺴﮯ ﻣﯿﮟ ﺑﻮﮌﮬﺎ ﺑﺮﮔﺪﺍﺳﮯ ﺳﻤﺠﮭﺎﺗﺎ ﮐﮧ ﮐﺴﯽ ﮐﮯ ﺑﺮﺍ ﮐﮩﮧ ﺩﯾﻨﮯ ﺳﮯ ﮐﻮﺋﯽ ﺑﺮﺍ ﻧﮩﯿﮟ ﺑﻦ ﺟﺎﺗﺎ ۔ﺍﺱ ﻃﺮﺡ ﺍﻧﺴﺎﻥ ﮐﮯ ﺑﮯ ﻭﻓﺎ ﮐﮩﮧ ﺩﯾﻨﮯ ﺳﮯ ﺗﻢ ﺑﮯ ﻭﻓﺎ ﻧﮩﯿﮟ ﺑﻦ ﮔﺌﮯ۔ﺗﻢ ﻧﮯ ﺟﻮ ﮐﯿﺎ ﮨﮯ ﭨﮭﯿﮏ ﮐﯿﺎ ﮨﮯ ۔
ﻟﯿﮑﻦ ﭘﮭﺮ ﯾﮧ ﮐﮩﺎﻭﺗﯿﮟ ﺍﻭﺭ ﻣﺤﺎﻭﺭﮮ ﺁﺧﺮ ﮐﯿﻮﮞ ﻣﺸﮩﻮﺭ ﮨﯿﮟ ․․․․ ؟ﻃﻮﻃﺎﭼﺸﻤﯽ ﮐﮯ ﺑﺎﺭﮮ ﻣﯿﮟ ﭨﻮﭨﻮ ﺑﺤﺚ ﭘﺮ ﺍُﺗﺮ ﺁﺗﺎ ․․․․․ ﺗﻮ ﺑﺮﮔﺪ ﺷﻔﻘﺖ ﺳﮯ ﺟﻮﺍﺏ ﺩﯾﺘﮯ ﮨﻮﺋﮯ ﮐﮩﺘﺎ ۔ﻣﺠﮭﮯ ﯾﻘﯿﻦ ﮨﮯ ﮐﮧ ﯾﮧ ﺳﺎﺭﯼ ﺑﺎﺗﯿﮟ ﮐﻢ ﺍﺯ ﮐﻢ ﺗﻤﮩﺎﺭﮮ ﻟﯿﮯ ﻧﮩﯿﮟ ﮨﯿﮟ ۔ﯾﻮﮞ ﺍﻥ ﮐﯽ ﺑﺤﺚ ﺧﺘﻢ ﮨﻮ ﺟﺎﺗﯽ ۔
ﮐﺎﻓﯽ ﻋﺮﺻﮧ ﮔﺰﺭ ﮔﯿﺎ ۔ﭨﻮﭨﻮ ﮐﯽ ﺧﻮﺵ ﺍﺧﻼﻗﯽ ﺩﯾﮑﮫ ﮐﺮ ﮐﺌﯽ ﭘﺮﻧﺪﻭﮞ ﻧﮯ ﺍﺱ ﺳﮯ ﺩﻭﺳﺘﯽ ﮐﺮﻟﯽ ﺗﮭﯽ ۔ﭨﻮﭨﻮ ﺩﻥ ﺑﮭﺮ ﺍﭘﻨﮯ ﺩﻭﺳﺘﻮﮞ ﮐﮯ ﺳﺎﺗﮫ ﮔﮭﻮ ﻣﺘﺎ ﭘﮭﺮ ﺗﺎ ،ﻟﯿﮑﻦ ﺭﺍﺕ ﮐﻮ ﭘﮭﺮ ﺍﭘﻨﮯ ﺳﺐ ﺳﮯ ﭘﺮﺍﻧﮯ ﺍﻭﺭ ﮔﮩﺮﮮ ﺩﻭﺳﺖ ﺑﻮﮌﮬﮯ ﺑﺮﮔﺪ ﮐﮯ ﺩﺭﺧﺖ ﮐﮯ ﭘﺎﺱ ﭘﮩﻨﭻ ﺟﺎﺗﺎ ﺗﮭﺎ۔
ﺍﺏ ﺧﺰﺍﮞ ﮐﺎ ﻣﻮﺳﻢ ﺁﭘﮩﻨﭽﺎ ﺗﮭﺎ ۔ﮨﺮﯾﺎﻟﯽ ﺍﻭﺭ ﺳﺒﺰﮮ ﮐﯽ ﺟﮕﮧ ﺯﺭﺩﯼ ﭼﮭﺎ ﮔﺌﯽ ﺗﮭﯽ ۔ﺩﺭﺧﺘﻮﮞ ﮐﮯ ﭘﺘﮯ ﭨﻮﭦ ﮐﺮ ﮔﺮﻧﮯ ﻟﮕﮯ ۔ﺑﻮﮌﮬﺎ ﺑﺮﮔﺪﺍﺏ ﺍﻭﺭ ﺑﮭﯽ ﮐﻤﺰﻭﺭ ﮨﻮ ﮔﯿﺎ ﺗﮭﺎ ۔ﺍﺱ ﮐﮯ ﺯﯾﺎﺩﮦ ﺗﺮﭘﺘﮯ ﭨﻮﭦ ﮐﺮ ﺟﮭﮍ ﭼﮑﮯ ﺗﮭﮯ ﺍﻭﺭ ﺷﺎﺧﯿﮟ ﺳﻮﮐﮫ ﮔﺌﯽ ﺗﮭﯿﮟ ۔ﯾﮩﺎﮞ ﺑﺴﯿﺮ ﺍ ﮐﺮﻧﮯ ﻭﺍﻟﮯ ﭘﺮﻧﺪﮮ ﮐﮩﯿﮟ ﺍﻭﺭ ﭼﻠﮯ ﮔﺌﮯ ﺗﮭﮯ ۔
ﺻﺮﻑ ﺍﯾﮏ ﭨﻮﭨﺎ ﺗﮭﺎ ﺟﻮ ﺍﺑﮭﯽ ﺗﮏ ﺍﺱ ﮐﮯ ﺳﺎﺗﮫ ﺗﮭﺎ۔
ﺑﻮﮌﮬﺎ ﺑﺮﮔﺪﺍﮐﺜﺮ ﺍﺱ ﺳﮯ ﮐﮩﺘﺎ ۔ﺩﻭﺳﺮﮮ ﭘﺮﻧﺪﻭﮞ ﮐﯽ ﻃﺮﺡ ﺍﺏ ﺗﻤﮩﯿﮟ ﺑﮭﯽ ﮐﻮﺋﯽ ﺍﻭﺭ ﺟﮕﮧ ﺗﻼﺵ ﮐﺮﻟﯿﻨﯽ ﭼﺎﮨﯿﮯ ،ﮐﯿﻮﻧﮑﮧ ﺍﺏ ﻧﮧ ﻣﯿﮟ ﺗﻤﮩﯿﮟ ﺩﻥ ﻣﯿﮟ ﺗﭙﺘﯽ ﺩﮬﻮﭖ ﺳﮯ ﺑﭽﺎ ﺳﮑﺘﺎ ﮨﻮﮞ ﺍﻭﺭ ﻧﮧ ﭘﮩﻠﮯ ﮐﯽ ﻃﺮﺡ ﺭﺍﺕ ﮐﻮ ﻣﯿﺮﯼ ﻧﺮﻡ ﺷﺎﺧﯿﮟ ﺗﻤﮩﯿﮟ ﺁﺭﺍﻡ ﺩﮮ ﺳﮑﺘﯽ ﮨﯿﮟ ۔
ﭨﻮﭨﻮ ﮨﺮ ﻣﺮﺗﺒﮧ ﺳﺨﺘﯽ ﺳﮯ ﺍﻧﮑﺎﺭ ﮐﺮﺩﯾﺘﺎ ،ﻭﮦ ﮐﮩﺘﺎ ﺳﭽﺎ ﺩﻭﺳﺖ ﻭﮨﯽ ﮨﮯ ﺟﻮ ﻣﺼﯿﺒﺖ ﻣﯿﮟ ﺑﮭﯽ ﺳﺎﺗﮫ ﻧﮧ ﭼﮭﻮﮌﮮ ﺍﻭﺭ ﻣﯿﮟ ﺗﻤﮩﺎﺭﺍ ﺳﭽﺎﺩﻭﺳﺖ ﮨﻮﮞ ۔
ﺑﺮﮔﺪ ﮐﺎﺩﺭﺧﺖ ﺍﺱ ﮐﯽ ﺑﺎﺕ ﺳﻦ ﮐﺮ ﺧﺎﻣﻮﺷﯽ ﺳﮯ ﺳﺮ ﺟﮭﮑﺎ ﻟﯿﺘﺎ ۔ﯾﮧ ﻣﺸﮑﻞ ﻭﻗﺖ ﺑﮭﯽ ﺟﻠﺪ ﮨﯽ ﮔﺰﺭ ﮔﯿﺎ ۔ﻧﺌﯽ ﮐﻮ ﻧﭙﻠﯿﮟ ﭘﮭﻮﭨﻨﮯ ﻟﮕﯿﮟ ﺍﻭﺭ ﺟﺐ ﺩﺭﺧﺘﻮﮞ ﭘﺮ ﻧﺌﮯ ﭘﺘﮯ ﺁﮔﺌﮯ ﺗﻮ ﯾﮩﺎﮞ ﺳﮯ ﺟﺎﻧﮯ ﻭﺍﻟﮯ ﭘﺮﻧﺪﮮ ﺑﮭﯽ ﺩﻭﺑﺎﺭﮦ ﻟﻮﭦ ﺁﺋﮯ ۔
ﺍﺏ ﺑﻮﮌﮬﺎ ﺑﺮﮔﺪ ﺩﻭﺳﺮﮮ ﭘﺮﻧﺪﻭﮞ ﮐﮯ ﺳﺎﻣﻨﮯ ﭨﻮﭨﻮ ﮐﯽ ﻭﻓﺎ ﺩﺍﺭﯼ ﮐﯽ ﺗﻌﺮﯾﻒ ﮐﺮﺗﺎ ﺍﻭﺭ ﮐﮩﺘﺎ ﮐﮧ ﭨﻮﭨﻮ ﻧﮯ ﺑﺮﮮ ﻭﻗﺖ ﻣﯿﮟ ﺑﮭﯽ ﺍﺱ ﮐﺎ ﺳﺎﺗﮫ ﻧﮧ ﭼﮭﻮﮌﺍ ﺍﻭﺭ ﺍﯾﮏ ﺳﭽﮯ ﺩﻭﺳﺖ ﮨﻮﻧﮯ ﮐﺎ ﺛﺒﻮﺕ ﺩﯾﺎ ۔ﺩﻭﺳﺮﮮ ﭘﺮﻧﺪﮮ ﯾﮧ ﺳﺐ ﺳﻦ ﮐﺮ ﺷﺮﻣﻨﺪﮦ ﮨﻮﺟﺎﺗﮯ ،ﻟﯿﮑﻦ ﭨﻮﭨﻮ ﺧﻮﺵ ﮨﻮ ﮐﺮ ﺍﺱ ﮐﯽ ﺷﺎﺧﻮﮞ ﭘﺮ ﭨﯿﮟ ﭨﯿﮟ ﮐﺮﮐﮯ ﺯﻭﺭ ﺯﻭﺭ ﺳﮯ ﺟﮭﻮﻟﻨﮯ ﻟﮕﺘﺎ ۔
ﺍﯾﮏ ﺭﻭﺯ ﭨﻮﭨﻮ ﺣﺴﺐ ﻣﻌﻤﻮﻝ ﺩﺍﻧﮯ ﺩﻧﮑﮯ ﮐﯽ ﺗﻼﺵ ﻣﯿﮟ ﺗﮭﺎ ﮐﮧ ﺍﮌﺗﮯ ﺍﮌﺗﮯ ﺍﺳﮯ ﯾﻮﮞ ﻣﺤﺴﻮﺱ ﮨﻮﺍ ﮐﮧ ﮐﻮﺋﯽ ﻧﯿﭽﮯ ﺳﮯ ﺍﺳﮯ ﭘﮑﺎﺭ ﺭﮨﺎ ﮨﮯ ۔ﭨﻮﭨﻮ ﻧﮯ ﻧﯿﭽﮯ ﺟﮭﮏ ﮐﺮ ﺩﯾﮑﮭﺎ ․․․․ ﯾﮧ ﻭﮨﯽ ﺁﺩﻣﯽ ﺗﮭﺎ ﺟﺲ ﻧﮯ ﺍﺳﮯ ﺑﭽﭙﻦ ﺳﮯ ﭘﺎﻻ ﺗﮭﺎ۔ ﺍﺱ ﻧﮯ ﺩﻭﺭ ﺳﮯ ﺍﺳﮯ ﭘﮩﭽﺎﻥ ﮐﺮ ﺁﻭﺍﺯﯾﮟ ﺩﯾﻨﯽ ﺷﺮﻭﻉ ﮐﺮﺩﯼ ﺗﮭﯿﮟ ۔
ﭨﻮﭨﻮ ﺑﺠﻠﯽ ﮐﯽ ﺳﯽ ﺗﯿﺰﯼ ﺳﮯ ﻧﯿﭽﮯ ﻟﭙﮑﺎ ﺍﻭﺭ ﺍﺱ ﮐﮯ ﮨﺎﺗﮫ ﭘﺮ ﺑﯿﭩﮫ ﮔﯿﺎ ۔ﺍﻧﺴﺎﻥ ﮐﯽ ﻣﺤﺒﺖ ﺩﯾﮑﮫ ،ﭨﻮﭨﻮ ﺣﯿﺮﺍﻥ ﺳﺎ ﺗﮭﺎ ﮐﮧ ﯾﮧ ﻭﮨﯽ ﮨﮯ ﺟﺲ ﻧﮯ ﺍﺳﮯ ﺍﻧﺘﮩﺎﺋﯽ ﺣﻘﺎﺭﺕ ﺳﮯ ﺑﮯ ﻋﺰﺕ ﮐﺮﮐﮯ ﮔﮭﺮ ﺳﮯ ﺑﺎﮨﺮ ﭘﮭﯿﻨﮏ ﺩﯾﺎ ﺗﮭﺎ ۔ﺁﺝ ﻭﮨﯽ ﺷﺨﺺ ﺍﺱ ﺳﮯ ﮨﺎﺗﮫ ﺟﻮﮌ ﮐﺮ ﻣﻌﺎﻓﯽ ﻣﺎﻧﮕﺘﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ ․․․․․
ﻣﯿﺮﮮ ﭘﯿﺎﺭﮮ ﭨﻮﭨﻮ ! ﻣﯿﮟ ﺗﻢ ﺳﮯ ﺑﮯ ﺣﺪ ﺷﺮﻣﻨﺪﮦ ﮨﻮﮞ ۔
ﻣﺠﮭﮯ ﻣﻌﺎﻑ ﮐﺮﺩﻭ ․․․․ ﺷﺎﯾﺪ ﯾﮧ ﺗﻤﮩﺎﺭﯼ ﮨﯽ ﺑﺪ ﺩﻋﺎ ﺗﮭﯽ ﮐﮧ ﻣﯿﮟ ﺗﻤﮩﺎﺭﮮ ﺟﺎﻧﮯ ﮐﮯ ﺑﻌﺪ ﺍﭘﻨﯽ ﺯﻧﺪﮔﯽ ﻣﯿﮟ ﺧﻮﺷﯽ ﻣﺤﺴﻮﺱ ﻧﮧ ﮐﺮ ﺳﮑﺎ ﺍﻭﺭ ﮐﻤﺮﮮ ﻣﯿﮟ ﺑﻨﺪ ﮨﻮ ﮐﺮ ﺻﺮﻑ ﺗﻤﮩﯿﮟ ﮨﯽ ﯾﺎﺩ ﮐﺮﺗﺎ ﺭﮨﺘﺎ ﺗﮭﺎ۔ ﺷﺎﯾﺪ ﯾﮧ ﺗﻢ ﭘﺮ ﺑﮯ ﻭﺟﮧ ﻇﻠﻢ ﮐﺮﻧﮯ ﮐﯽ ﺳﺰﺍ ﻣﻠﯽ ﺗﮭﯽ ۔ﺑﺲ ﺭﻭﺭﻭﮐﺮﺩﻝ ﮨﯽ ﺩﻝ ﻣﯿﮟ ﺍﭘﻨﯽ ﺯﯾﺎﺩﺗﯽ ﮐﯽ ﻣﻌﺎﻓﯽ ﻣﺎﻧﮕﺘﺎ ﺭﮨﺘﺎ ﺗﮭﺎ ۔
ﺷﺎﯾﺪ ﺗﺐ ﮨﯽ ﻣﯿﮟ ﻭﮨﺎﮞ ﺳﮯ ﻓﺮﺍﺭ ﮨﻮﻧﮯ ﻣﯿﮟ ﮐﺎﻣﯿﺎﺏ ﮨﻮ ﮔﯿﺎ ﮨﻮﮞ ۔
ﺍﺱ ﺁﺩﻣﯽ ﻧﮯ ﮐﮩﺎ ﭨﻮﭨﻮ ! ﺗﻢ ﺁﺯﺍﺩﯼ ﮐﺎ ﺣﻖ ﻣﺎﻧﮕﻨﮯ ﻣﯿﮟ ﺩﺭﺳﺖ ﺗﮭﮯ ،ﺑﮯ ﻭﻓﺎ ﺗﻢ ﻧﮩﯿﮟ ﺑﻠﮑﮧ ﻣﯿﮟ ﮨﯽ ﺗﮭﺎ ۔ﺟﺎﺅ ﭨﻮﭨﻮ ! ﯾﮧ ﺁﺯﺍﺩ ﻓﻀﺎﺋﯿﮟ ﺗﻤﮩﺎﺭﮮ ﻟﯿﮯ ﮨﯿﮟ ﺗﻢ ﺍﯾﮏ ﺁﺯﺍﺩ ﭘﻨﭽﮭﯽ ﮨﻮ۔ﺗﻤﮭﯿﮟ ﺁﺯﺍﺩ ﮨﯽ ﺭﮨﻨﺎ ﭼﺎﮨﯿﮯ ۔ﺍﻧﺴﺎﻥ ،ﻃﻮﻃﮯ ﮐﻮ ﺍﭘﻨﮯ ﮨﺎﺗﮭﻮﮞ ﺳﮯ ﺁﺯﺍﺩ ﮐﺮﺗﮯ ﮨﻮﺋﮯ ﻧﺪﺍﻣﺖ ﺳﮯ ﮐﮩﮧ ﺭﮨﺎ ﺗﮭﺎ ﺍﻭﺭ ﻃﻮﻃﺎ ﮨﻮﺍ ﮐﮯ ﺩﻭﺵ ﭘﺮ ﺑﻠﻨﺪ ﮨﻮﺗﮯ ﮨﻮﺋﮯ ﺍﯾﺴﺎ ﻣﺤﺴﻮﺱ ﮐﺮﺭﮨﺎ ﺗﮭﺎ ﺟﯿﺴﮯ ﺁﺝ ﮨﯽ ﺍﺳﮯ ﺻﺤﯿﺢ ﻣﻌﻨﻮﮞ ﻣﯿﮟ ﺁﺯﺍﺩﯼ ﺣﺎﺻﻞ ﮨﻮﺋﯽ ﮨﻮ ۔