ڈاکٹرز کے مطابق صبح کا وقت وزن کم کرنے کے حوالے سے انتہائی فائدہ مند
ثابت ہوتا ہے۔ درحقیقت صبح کے وقت آپ کا میٹابولزم تیز کام کرتا ہے جس کی
وجہ سے آپ جو بھی کھاتے ہیں وہ جلد ہی ہضم بھی ہوجاتا ہے۔ ایسے افراد جو
اپنا اضافی وزن کم کرنے کے خواہشمند ہیں تو وہ اگر مندرجہ ذیل ٹپس اختیار
کر کے اپنی اس خواہش کی تکمیل کرسکتے ہیں-
|
نیم گرم پانی اور شہد
اپنے دن کا آغاز نیم گرم پانی پی کر کریں اور اگر اس پانی میں شہد اور لیمو
کا رس شامل کر لیا جائے تو یہ آپ کو مزید فائدہ پہنچا سکتے ہے- اس طریقے پر
استعمال کیا جانے والا مشروب میٹابولزم کی کارکردگی میں مزید اضافہ کردیتا
ہے۔ جس کے باعث نہ پیٹ سے فاسد مادے خارج ہوتے ہیں بلکہ نظامِ ہضم بھی صحیح
رہتا ہے- |
|
پانی کی بوتل ساتھ رکھیں
اپنے ساتھ پانی کی بوتل ضرور رکھیں کیونکہ بعض اوقات کیونکہ اکثر ایسا بھی
ہوتا ہے کہ جب آپ کو پیاس لگتی ہے تو آپ کا دماغ اسے بھوک تصور کرتا ہے- دن
بھر مختلف اوقات میں پانی پینے سے نہ صرف چست رہیں گے بلکہ آپ کو بھوک کا
احساس بھی نہیں ہوگا- ایسے میں آپ حد سے زیادہ کھانے سے بھی پرہیز کریں گے-
|
|
پروٹین اور فائبر سے بھرپور ناشتہ
اگر آپ جنک فوڈ جیسی غیر صحت بخش غذاؤں کے عادی ہیں تو پھر اپنے ناشتہ میں
ایسی غذائیں شامل کریں جن میں پروٹین اور فائبر کی بھاری مقدار پائی جاتی
ہو- ان غذاؤں کی بدولت آپ کی جلد بھوک لگنے کا احساس نہیں ہوگا اور آپ جنک
فوڈ کی جانب متوجہ نہیں ہوں گے- جنک فوڈ ذائقہ تو فراہم کرتا ہے لیکن ساتھ
ہی وزن میں اضافے کا سبب بھی بنتا ہے-
|
|