|
دولہا اور دلہن اپنے کمرے میں تھے- رات آدھی سے زیادہ گزر
چکی تھی- دولہا کے ماں باپ اپنے کمرے میں باتوں میں مصروف تھے-
"بیگم یاد ہے تم بھی ایک روز ایسے ہی اس گھر میں آئی تھیں"-
دولہا کی ماں مسکرانے لگی-
دولہا کے باپ نے پھر کہا "خدا بخشے اماں کو- ان کا تحقیر آمیز رویہ تمہیں
یاد ہے؟"
لڑکے کی ماں کو سب یاد تھا- بولی- "اس برے وقت میں آپ کے ابّا نے میرا بہت
ساتھ دیا تھا"-
"بس بیگم تم اس بات کا خیال رکھنا کہ مجھے کبھی بہو کا ساتھ نہ دینا پڑے"- |