پاکستانی پائلٹس ان جنگی طیاروں کے ماہر نکلے جنہیں بھارت خرید رہا ہے

پاکستانی پائلٹس نے بھارت کے جنگی طیارے گرا کر اپنی صلاحیتوں کا لوہا نہ صرف پاکستان ں بلکہ دنیا بھر میں منوایا ہے۔ اسی حوالے سے بھارتی میڈیا پر یہ خبر نشر ہونے کے بعد کہ پاکستانی پائلٹس بھی رافیل طیارے اڑا سکتے ہیں بھارتی فوج اور مودی سرکار کے ہوش اڑاد ئیے ۔
 

بھارت میں ایک میڈیا کی رپورٹ کےمطابق پاکستانی پائلٹس نے 2017 میں قطر ایئر فورس کے رافیل اڑانے کے لیے فرانس میں باقاعدہ رافیل طیارے اُڑانے کی ٹریننگ حاصل کی تھی ۔

بھارت کے وزیراعظم نریندر مودی نے رافیل طیاروں کی موجودگی کی اہمیت پر اس وقت زور دیا تھا جب پاکستان نے بھارت کے دو لڑاکا طیارے مار گرائے تھے اور ایک بھارتی پائلٹ کو گرفتار بھی کر لیا تھا-

اس وقت بھارتی وزیراعظم نریندر مودی کا کہنا تھا کہ اگر آج ہمارے پاس رافیل طیارے ہوتے تو ہماری یہ حالت ہرگز نہ ہوتی-
 

بھارت کو رافیل طیارے ستمبر میں فرانسیسی کمپنی کی جانب سے فراہم کر دیے جائیں گے۔

دوسری جانب ایک روز قبل ہی بھارت کی سپریم کورٹ نے رافیل طیاروں کی ڈیل کے خفیہ دستاویزات کی جانچ پڑتال کا حکم سنایا ہے جس کے بعد مودی سرکار کو طیاروں کی خریداری میں کرپشن کے الزامات کا سامنا ہے۔