سچ تو یہ ہے - پہلا حصہ

 منظرنمبر ۱
ایک کمرہ میں تین چارپائیاں بچھی ہوئی ہیں پندرہ سالہ احمدبخش اوربارہ سالہ عبدالرحیم ایک چارپائی پرایک ہی چادراوڑھ کرایک دوسرے کی طرف پشت کرکے سورہے ہیں ۔ایک چارپائی پردس سالہ سلطانہ سورہی ہے۔چالیس سالہ عبدالمجیدکے دونوں بازوؤں سے پانی کے قطرے گررہے ہیں تولیہ سے چہرہ صاف کرتے ہوئے آوازدیتاہے ۔احمدبخش، عبدالرحیم بیٹا اٹھوبیٹا،وضوکرواورنمازپڑھو۔احمدبخش بولتاہے سونے دوابھی وقت ہے پڑھ لوں گانماز، عبدالرحیم انگڑائی اورجمائی لیتے ہوئے اٹھ کربیٹھ جاتاہے۔
عبدالمجید۔۔۔ بیٹا احمدبخش وقت بہت کم ہے نمازقضاہوجائے گی
احمدبخش ۔۔۔ چادرمیں منہ چھپاتے ہوئے نہیں ابوسونے دو میری نیندخراب کردی ہے آپ نے
عبدالمجیداحمدبخش کے منہ سے چادراتاردیتاہے اوراس کے سرکے نیچے ہاتھ ڈال کراسے چارپائی پربٹھادیتاہے ،آوازیں سن کردس سالہ سلطانہ بھی جاگ جاتی ہے۔ آنکھیں کھول کرادھرادھردیکھتی ہے۔
عبدالمجید ۔۔۔ دیکھواحمدبخش تیری چھوٹی بہن بھی جاگ گئی ہے۔
عبدالمجید۔۔۔ غصہ سے اٹھ اب جلدی کر، فریش ہوکر وضوکراورنمازاداکر
احمدبخش چارپائی سے اتر کرکمرے سے باہرنکل جاتاہے۔
منظرنمبر ۲
پچاس سالہ بشیراحمد جس نے کرتا اوررنگدارچادر (شلوارکی جگہ)پہنی ہوئی ہے ،کندھے پر پگڑی سے چھوٹا ذراسامیلے رنگ کاکپڑا رکھاہواہے اپنے اٹھارہ سالہ بیٹے فیاض سے کہتا ہے کہ بیٹا دن چڑھ گیاہے ، جا گدھاکھول کے لے آ ۔
بشیرا حمد بیس سالہ بیٹی سمیراسے بیٹی پانی لاؤ شدیدپیاس لگی ہے
سمیرا گلاس میں پانی لے آتی ہے اوربائیں ہاتھ سے باپ کودینے لگتی ہے
بشیراحمد سمیرا سے تواتنی بڑی ہوگئی ہے تجھے ابھی تک یہ بھی نہیں پتہ کہ پانی کیسے دیتے ہیں
سمیرسرجھکاکر اپنے پاؤں کی طرف دیکھتی ہے ،پانی کاگلاس بائیں ہاتھ سے دائیں ہاتھ میں پکڑتی ہے اورباپ کی طرف ہاتھ بڑھادیتی ہے اورساتھ ہی کہتی ہے ابو دوہفتے ہوگئے چاول نہیں پکائے میرادل کرتاہے کہ آج رات کوچاول پکائیں
اسی وقت فیاض گدھا کھول کرلے آتاہے
بشیراحمد جب شام کوواپس آؤں گا ایک کلولے آؤں گا
فیاض گدھے کی رسی کوہاتھ میں لپیٹتاہے پھرہاتھ سے اتاردیتاہے سرنیچے کرکے پوچھتاہے ابوجی کیالے آئیں گے۔
بشیراحمد تیری بہن کہتی ہے کہ میرادل کرتاہے کہ آج چاول پکائیں میں نے کہا کہ اس کادل کررہاہے تومیں شام کولے آؤں گا۔
فیاض ابو چاول آج نہ لائیں
بشیراحمد فیاض سے کیاتونہیں چاہتا کہ تیری بہن کی یہ خواہش پوری ہو
فیاض ایسی کوئی بات نہیں ۔۔۔۔میں کوئی اوربات سوچ رہاتھا
بشیراحمد وہ کیا
فیاض مجھے استادصاحب جمعرات کوخرچہ دیں گے ۔جب بھی جمعرات کادن آتاہے تواستادصاحب دعاکرتے ہیں کہ یااﷲ آج کپڑے اٹھانے والے بھیج دے میں نے شاگردوں کوخرچہ دیناہے کہ یہ پورا ہفتہ محنت کرتے ہیں ، اس دن سلائی کم اورکپڑوں کواستری کرنے، بٹن لگانے کاکام زیادہ کیاجاتاہے۔استادصاحب اتنے اچھے ہیں کہ جمعرات کوجتنی بھی آمدنی ہوتی ہے اپنے شاگردوں میں تقسیم کردیتے ہیں ۔صرف وہی پیسے رکھ لیتے ہیں جوکاری گروں کواس دن کی سلائی کے دینے ہوتے ہیں۔آس پاس کے درزی سوٹ لے جاتے ہیں اورسلائی کرکے دے جاتے ہیں ۔ استادصاحب انہیں سلائی کے پیسے دے دیتے ہیں۔
بشیراحمد ۔۔۔یہ تواچھی بات ہے۔۔۔۔۔اچھاتوکیاسوچ رہاتھا۔
فیاض۔۔۔۔۔مجھے جمعرات کوخرچہ ملے گا۔۔۔۔پانچ کلوچاول لے لیں گے۔۔۔۔جمعہ کی نمازکے بعدگھرمیں برکت کے لیے قرآن خوانی کرالیں گے
بشیراحمد۔۔۔۔یہ توبہت اچھی بات ہے
سمیرا۔۔۔۔۔ٹھیک ہے ابوبھائی ٹھیک کہہ رہے ہیں۔
بشیراحمد۔۔۔۔دونوں بہن بھائیوں کی رائے ایک ہے توایساہی کرلیتے ہیں۔۔۔۔آج آلودال پکالیں
بشیراحمدفیاض سے گدھے کی رسی لے لیتاہے
منظر ۳
پچاس سالہ جاوید بکریوں کے کمرے میں جاتاہے اوراپنی پچیس سالہ بیٹی صابراں بی بی کوآوازدیتاہے اورکہتاہے میری بیٹی صابراں آؤبکریاں باہرباندھ لیں ۔۔۔صابراں بکریوں کے کمرے میں آتی ہے توجاویدبکریاں کھول رہاہوتاہے۔۔۔صابراں سے کہتاہے کہ میں بکریاں کھول کردے رہاہوں تم انہیں باہرباندھ لو۔۔۔۔صابراں دودوبکریاں ہاتھ میں پکڑتی ہے اورباری باری بیس بکریاں باہرباندھ دیتی ہے۔صابراں بکریاں باہرباندھ کربکریوں کے کمرے میں داخل ہوتی ہے تواس کے باپ جاویدنے ہاتھ میں جھاڑوپکڑاہواہے۔
صابراں جاوید سے ابویہ آپ نے جھاڑوکیوں ہاتھ میں لیاہواہے۔
جاوید۔۔۔ صفائی کرنے لگاہوں
صابراں ۔۔۔جھاڑوپکڑکر۔۔۔۔ابوجھاڑومجھے دیں میں صفائی کردیتی ہوں
صابراں جھاڑوہاتھ میں لے کرصفائی کرنے لگ جاتی ہے۔
جاوید۔۔۔صابراں بیٹی ! اﷲ تعالیٰ تجھے طویل عمرعطاکرے ۔۔۔توساران کام کرتی ہے کیاتوتھکتی نہیں ہے
صابراں۔۔۔۔ابوگھرکے ہی کام توکرتی ہوں۔۔۔۔کام کرنے سے تھاوٹ توہوتی ہے مگر
جاوید۔۔۔مگرکیا
صابراں۔۔۔۔بکریوں کی مینگنیاں پرانی تغاری میں ڈالتے ہوئے۔۔۔۔۔مگرکام کرنے سے صحت بھی ٹھیک رہتی ہے۔۔۔۔موٹاپابھی نہیں ہوتا۔
جاوید۔۔۔توبہنوں کوکوئی کام نہیں بتاتی۔۔۔۔کوئی کام ان سے بھی کرالیاکرو
صابراں۔۔۔۔ابومیری چاروں بہنیں مجھ سے چھوٹی ہیں ۔۔۔۔جب ان کی بڑی بہن گھرمیں موجودہے تووہ کچھ دن سکون سے زندگی گزارلیں
جاوید۔۔۔ وہ توٹھیک ہے۔۔۔۔تم ان سے روزانہ کوئی نہ کوئی کام ضرورکرایاکرو۔
صابراں۔۔۔وہ کیوں
جاوید۔۔۔تیری بہنیں کام کریں گی توآہستہ آہستہ سیکھ جائیں گی کہ کون ساکام کیسے کرناہے ۔۔۔تمہیں بھی کچھ سکون مل جائے گا۔۔۔۔۔اوروہ بھی گھرداری سیکھ جائیں گی۔
صابراں مینگنیوں کی تغاری سرپراٹھاکرباہرچلی جاتی ہے اورجاویدگھرکی طرف چل پڑتاہے
منظر ۴
عبدالمجید۔۔۔ اپنی ۳۵ سالہ بیوی راشدہ سے ۔۔۔۔تم گھراوربچوں کاخیال کرنا۔۔۔۔میں ایک کام کرکے آتاہوں۔۔۔۔مجھے دیرہوجائے توپریشان نہ ہونا
راشدہ۔۔۔۔جوچارپائی پرٹانگیں لہراکی بیٹھی تھی کھڑی ہوگئی۔۔۔۔دوپٹہ درست کرتے ہوئے۔۔۔۔آٹاختم ہوگیاہے
عبدالمجید۔۔۔۔ایک ،دودن تک توگزاراہوجائے گا۔۔۔تب تک اورآٹاپسوالیں گے
راشدہ۔۔۔۔ابھی ناشتہ بنایاہے۔۔۔۔دوپہرکی روٹی پکانے کے لیے آٹانہیں ہے
عبدالمجید۔۔۔۔عجیب عورت ہو
راشدہ۔۔۔۔میں نے ایسی کیابات کہہ دی ہے
عبدالمجید۔۔۔۔میں نے درجنوں بارکہاہے۔۔۔۔کہ ۔۔۔دوتین دن کاآٹاابھی پڑاہوتوبتادیاکرو۔۔۔۔اچھاتم گندم صاف کرو۔۔۔۔میں واپس آکرآٹاچکی پرلے جاؤں گا
یہ کہہ کرعبدالمجیدگھرسے باہرچلاجاتاہے۔۔۔راشدہ جھاڑواٹھاتی ہے اور۔۔۔گھرکے صحن کی صفائی کرنے لگ جاتی ہے۔۔۔ابھی تھوڑی صفائی کی ہی تھی کہ باہردروازے پردستک ہوتی ہے ۔۔۔راشدہ آوازدیتی ہے۔۔۔۔سلطانہ بیٹی ۔۔۔جاؤ۔۔۔۔دیکھوباہرکون آیاہے۔۔۔۔راشدہ صحن کی صفائی کررہی ہے۔۔۔۔سلطانہ دروازہ کھولتی ہے توباہرکھڑی ہوپچاس سالہ خاتون ۔۔۔۔سلطانہ سے پیاربھرے اندازپوچھتی ہے۔۔۔۔تیری ماں گھرمیں ہے۔۔۔۔اس سے پہلے سلطانہ کچھ بتاتی ۔۔۔وہ خاتون گھرمیں داخل ہوجاتی ہے۔۔۔۔راشدہ ابھی جھاڑولگارہی ہے۔۔۔۔پورے صحن میں دھول اڑرہی ہے۔۔۔۔وہ خاتون ہاتھ کے اشارے سے دھول کابچاؤ کرتے ہوئے آگے بڑھ رہی ہے۔۔۔۔راشدہ اس خاتون کی طرف دیکھے بغیرکہتی ہے۔۔۔۔سعیدہ بہن ۔۔۔۔چارپائی پربیٹھ۔۔۔۔میں جھاڑولگاکرآتی ہوں۔۔۔۔ساتھ ہی آوازدیتی ہے ۔۔۔۔سلطانہ بیٹی ۔۔۔۔چچی کوتازہ پانی پلاؤ۔۔۔۔سعیدہ خاتون پانی کاگلاس ہاتھ میں لے کرپینے کے لیے منہ کی طرف بڑھارہی تھی کہ ۔۔۔۔راشدہ اس کے پاس آکربیٹھ گئی۔
سعیدہ خاتون۔۔۔۔پانی کاگلاس چارپائی کے ایک طرف رکھتے ہوئے۔۔۔۔۔سارے گھرمیں دھول پھیلائی ہوئی تھی ۔۔۔۔جھاڑولگانے سے پہلے تھوڑاساپانی چھڑک دیاکرو
منظر۵
ابھی سورج غروب ہونے میں وقت تھا کہ بشیراحمدریڑھی گھرلے آتاہے ۔۔۔۔ریڑھی سے گدھے کوالگ کرنے کے لیے رسیاں کھولنے لگتاہے۔
اریبہ(بشیراحمدکی ۴۵ سالہ بیوی) ۔۔۔اپنے بیٹے فیاض سے۔۔۔۔فیاض بیٹا!۔۔۔۔تیرے ابوریڑھی لے کرآئے ہیں ۔۔۔۔جا۔۔۔ریڑھی سے گدھے کوکھول کرکھیتوں میں لے جا۔۔۔۔
فیاض۔۔۔بھاگ کربشیراحمدکے پاس آکر۔۔۔السلام علیکم ۔۔ابو۔۔۔ابوآپ تھکے ہوئے ہیں۔۔۔آپ آرام کریں۔۔۔گدھے کومیں لے جاتاہوں
بشیراحمد۔۔۔بیٹا۔۔۔تھکاہواتوتوبھی ہے
فیاض۔۔۔ابو۔۔۔کوئی بات نہیں۔۔۔۔آپ آرام کریں۔
بشیراحمدفیاض کوتھپکی لگاتاہے اورپگڑی نماکپڑے سے چہرہ صاف کرتے ہوئے چلاجاتاہے
فیاض ریڑھی سے گدھے کوالگ کرکے کھیتوں میں لے جاتاہے۔۔۔وہاں اس کادوست دوست مشاق آجاتاہے
بیس سالہ مشتاق۔۔۔۔۔السلام علیکم ۔۔۔۔فیاض بھائی
فیاض۔۔۔۔وعلیک السلام۔۔۔۔مشتاق بھائی۔۔۔سناؤ
مشتاق۔۔۔۔کیاحال چال ہیں۔۔۔میرے دوست کے
فیاض۔۔۔۔اﷲ تعالیٰ کالاکھ لاکھ شکرہے۔۔۔۔تم سناؤ۔۔۔۔تم کیسے ہو
مشتاق۔۔۔۔کرم ہے پروردگارکا۔۔۔۔تمہاری سلائی کاکام کیسے جارہاہے
فیاض۔۔۔۔میری سلائی؟۔۔۔۔میری سلائی کیسے ہوسکتی ہے
مشتاق ۔۔۔تم ۔۔۔سلائی کاکام سیکھنے جوجاتے ہو۔۔۔۔اس کی بات کررہاہوں
فیاض۔۔۔۔اﷲ سے فضل سے ۔۔۔۔بہترین جارہاہے
بشیراحمدچارپائی پربیٹھاسستارہاہے
سمیرا۔۔۔۔باپ کی چارپائی پرتکیہ رکھتے ہوئے۔۔۔۔۔ابوپانی لے آؤں
بشیراحمد۔۔۔۔ابھی نہیں۔۔۔۔ابھی مجھے سانس لینے دو۔۔۔۔جب کھاناکھائیں گے تو۔۔۔اس وقت میں۔۔۔۔پانی پی لوں گا
اریبہ۔۔۔۔سمیراکوآوازدے کر۔۔۔۔کھاناتیارہے۔۔۔سمیرا۔۔۔۔ابوکوکھانادے دو
اسی دوران فیاض آجاتاہے۔سمیراباپ کے ہاتھ دھلوارہی ہے
بشیراحمد۔۔۔سمیراسے ۔۔۔۔بھائی کے ہاتھ بھی دھلوادو
فیاض۔۔۔۔میں خود۔۔۔دھوکرآیاہوں۔۔۔۔تم کھانادے دو
سب گھروالے کھاناکھارہے ہیں
بشیراحمد۔۔۔فیاض سے۔۔۔۔کل مسجدمیں یاددلانا۔۔۔۔۔مولوی صاحب کو۔۔۔۔گھرمیں قرآن خوانی کی دعوت دیں گے
فیاض۔۔۔۔۔ابو۔۔۔قرآن خوانی کے بعدمیلادبھی کرالیں گے
بشیراحمد۔۔۔ٹھیک ہے۔۔۔۔ایساہی کریں گے۔
منظر۶
صابراں مٹی سے بنے ہوئے چولھے پردیگچی چڑھائے ہوئے ہے۔ لکڑیاں درست کرتے ہوئے آگ جلارہی ہے۔ساتھ ہی اس کی ۴۵ سالہ ماں رحمتاں ہاتھ میں تسبیح پڑھ رہی ہے۔
صابراں۔۔۔امی۔۔۔۔میں کہہ رہی تھی۔۔۔اس کے بعدخاموش ہوجاتی ہے
رحمتاں۔۔۔۔خاموش کیوں ہوگئی ہو۔۔۔۔کہو۔۔۔۔جوکہہ رہی تھی
صابراں۔۔۔۔۔امی۔۔۔۔آپ کی ۔۔۔۔چاروں بیٹیوں کو۔۔۔۔سلائی کڑھائی کاکام سکھادیاجائے۔۔۔۔تو۔۔۔۔کیسارہے گا
رحمتاں۔۔۔۔تیرے ابو۔۔۔آجائیں۔۔۔۔ان سے مشورہ کرلینا۔۔۔۔یہ نہ بتاناکہ پہلے۔۔۔۔اپنی ماں سے۔۔۔۔مشورہ کرچکی ہو
صابراں۔۔۔ابو نے پوچھ لیا۔۔۔۔۔کہ ماں سے پوچھاہے۔۔۔۔وہ کیاکہتی ہے ۔۔۔۔تومیں کیاکہوں گی
رحمتاں۔۔۔۔تیرے ابو۔۔۔۔تجھ سے یہ نہیں پوچھیں گے۔۔۔۔پوچھ بھی لیں تو۔۔۔۔کہہ دینا۔۔۔۔پہلے آپ بتائیں۔۔۔۔آپ کیاکہتے ہیں
صابراں۔۔۔۔رات کوجب کھاناکھائیں گے۔۔۔۔تو۔۔۔ابوسے ۔۔۔۔بات کروں گی
رحمتاں۔۔۔۔دیگچی سے پلیٹ اٹھاکر۔۔۔۔دیگچی میں چمچ پھیرتے ہوئے۔۔۔۔۔نمک مرچ۔۔۔۔چیک کرلے۔۔۔۔۔ورنہ شکایتوں کاسلسلہ شروع ہوجائے گا
صابراں۔۔۔۔۔یہ بات تو۔۔۔۔آپ نے ہی۔۔۔۔مجھ سے کہی تھی کہ۔۔۔۔جتنی بھی کوشش کرلو۔۔۔۔شکایتیں پیچھانہیں چھوڑتیں۔
رحمتاں۔۔۔۔ہاں۔۔۔۔میں نے کہاتھا۔۔۔۔اس کایہ مطلب بھی نہیں۔۔۔۔۔کہ شکایتیں سننے کاموقع ۔۔۔۔۔اپنی لاپرواہی سے۔۔۔۔۔خودہی دے دیاجائے۔۔۔۔اب توتجھے۔۔۔۔سالن میں نمک مرچ کا۔۔۔۔تجربہ ہوجاناچاہیے۔
صابراں۔۔۔۔امی۔۔۔۔میں توکوشش کرتی ہوں۔۔۔۔نمک مرچ نہ کم ہوں نہ زیادہ ۔۔۔۔مرچیں کبھی کبھی بہت تیزذائقہ والی ہوتی ہیں۔۔۔۔اورکبھی کم ذائقہ والی۔
رحمتاں۔۔۔۔یہ بات توہے۔۔۔۔پھربھی رحمتاں خاموش ہوجاتی ہے
صابراں۔۔۔۔امی۔۔۔۔آپ کچھ کہہ رہی تھیں۔۔۔۔۔میں سمجھ گئی ہوں۔۔۔۔آپ کیاکہناچاہ رہی ہیں
منظر۷
عبدالمجیدنئی قدرے پرانی کَسی سے کھیتوں میں کھال صاف کررہاہے۔احمدبخش کھال کے کناروں سے الگ کیاہواگھاس ،کانٹے اورکھال میں پڑی ہوئی چھوٹی چھوٹی لکڑیاں ہاتھوں میں اٹھااٹھاکرڈھیریاں بنارہاہے۔
عبدالمجید۔۔۔۔احمدبخش سے۔۔۔۔کھال صاف کراکے۔۔۔۔چھوٹی کین ۔۔۔۔گھرسے اٹھاکر۔۔۔۔دکان سے تیل لے آنا
احمدبخش ۔۔۔۔اچھاابوجی۔۔۔۔لے آؤں گا۔۔۔۔پیسے دے دیں
عبدالمجید۔۔۔۔دکاندار سے کہنا۔۔۔دوتین دن میں۔۔۔۔دے دیں گے ۔۔۔۔اس وقت ابوکے پاس پیسے نہیں تھے
احمدبخش۔۔۔۔پچھلی مرتبہ بھی تیل ادھارلیاتھا۔۔۔۔آپ نے کہا تھا۔۔۔۔میں پیسے دے آؤں گا۔۔۔۔دے آئے تھے
عبدالمجید۔۔۔وہ مانگ لے تو۔۔۔۔کہہ دینا۔۔۔۔پچھلے پیسے اورآج کے پیسے۔۔۔۔ابوکہہ رہے تھے۔۔۔۔دوتین دن میں ۔۔۔۔ایک ساتھ دے دوں گا
احمدبخش۔۔۔۔پچھلی مرتبہ بھی دکاندار۔۔۔۔ادھارنہیں دے رہاتھا۔۔۔۔کہہ رہاتھا۔۔۔۔اتنامنافع نہیں ہوتا۔۔۔۔جتناتم ادھارلے جاتے ہو۔۔۔۔بڑی مشکل سے میں۔۔۔۔تیل لے کرآیاتھا۔۔۔۔۔آج پھرادھارہے۔۔۔۔ مجھے نہیں دے گا۔۔۔۔تیل وہ
عبدالمجید۔۔۔۔کیوں۔۔۔نہیں دے گا۔۔۔۔ہم اس کے گاہک ہیں
احمدبخش۔۔۔۔گاہک ہونے کاکیایہ مطلب ہے کہ۔۔۔۔اھارپہ ادھارلیتے رہو۔۔۔۔دکاندارنے بھی بڑے دکاندارکو۔۔۔۔پیسے دینے ہوتے ہیں۔۔۔۔بڑے دکاندارادھاربھی نہیں کرتے
عبدالمجید۔۔۔۔بحث نہ کر۔۔۔۔میں سب جانتاہوں۔۔۔۔۔جااورتیل لے آ
احمدبخش۔۔۔۔میں نہیں جاؤں گا۔۔۔۔آپ خود۔۔۔۔جائیں
عبدالمجیداحمدبخش کوتھپڑ ماردیتاہے اورکہتاہے۔کام نہیں کرنا۔باتیں سن لو۔ احمدبخش روتاہواچلاجاتاہے
منظر۸
تیس سالہ سجاداحمداپنی درزیوں کی دکان پرچائے پی رہاہے۔
سجاداحمد۔۔۔۔اپنے بارہ سالہ شاگردنعیم سے۔۔۔۔۔جاکر۔۔۔۔کاج بٹن والی دکان سے۔۔۔۔کپڑے اٹھالاؤ۔
نعیم اس وقت دکان کی صفائی کررہاہوتاہے۔وہ صفائی نامکمل چھوڑ کرکھڑاہوجاتاہے اورجوتے پہننے لگتاہے۔
سجاداحمد۔۔۔۔کدھرجارہاہے
نعیم۔۔۔۔استادجی۔۔۔۔کپڑے اٹھانے جارہاہوں
سجاداحمد۔۔۔صفائی توکرلو۔۔۔۔صفائی کرکے جانا
سجاداحمدجیب سے پیسے نکال کرنعیم کودے کرکہتاہے کہ کاج بٹن والوں کودے دینا
نعیم پھرسے صفائی کرنے لگ جاتاہے
سجاداحمد۔۔۔فیاض سے۔۔۔۔جن کپڑوں کے کاج بٹن۔۔۔۔ہوچکے ہیں۔۔۔۔انہیں پریس کرکے۔۔۔۔پیکنگ کر۔۔۔۔گاہک آنے والے ہوں گے۔۔۔۔انہیں۔۔۔۔انتظارنہ کرناپڑے۔۔۔۔وہ آئیں اوراپنے۔۔۔۔کپڑے لے کر۔۔۔۔چلے جائیں
فیاض ۔۔۔استری آن کرنے کے بعد۔۔۔استادجی۔۔۔۔پھرخاموش ہوجاتاہے
سجاداحمد۔۔۔۔کہو۔۔۔۔جوکہناہے
فیاض۔۔۔۔استادجی۔۔۔۔کل جمعہ کی نمازکے بعد۔۔۔۔ہمارے گھرمیں قرآن خوانی۔۔۔۔اورمیلادکی محفل ہے۔۔۔۔ابوکہہ رہے تھے۔۔۔۔اپنے استادصاحب کو۔۔۔۔بھی۔۔۔۔دعوت دے دینا
سجاداحمد۔۔۔۔کیاکھلاؤگے
فیاض۔۔۔۔چاول
سجاداحمد۔۔۔۔کتنے چاول پکاؤگے
فیاض۔۔۔۔پانچ کلوگرام۔۔۔۔اس میں۔۔۔۔چنے بھی ڈالیں گے۔۔۔۔اس کے علاوہ۔۔۔۔پھل بھی ہوں گے
سجاداحمد۔۔۔۔دس کلوگرام چاول۔۔۔۔کریانہ والے سے۔۔۔۔میرے کھاتے میں ۔۔۔۔لے جانا
فیاض۔۔۔۔استادجی۔۔۔اس تکلف کی۔۔۔۔ضرورت تونہیں
سجاداحمد۔۔۔۔قرآن خوانی اورمیلادہے۔۔۔۔اس میں تکلف والی۔۔۔۔کوئی بات نہیں
فیاض سلے ہوئے کپڑے پریس کرنے لگ جاتاہے ۔الماری میں پیک شدہ کپڑے کھڑے ہیں۔سجاداحمدان کپڑوں کودیکھتاہے اورباہرچلاجاتاہے
منظر۹
ایک چارپائی پرجاویدبیٹھاہے ۔دوسری چارپائی پررحمتاں بیٹھی ہے۔اس کے ساتھ روٹیاں اورسالن رکھاہواہے۔رحمتاں روٹیاں اورسالن صابراں کودیتی ہے ۔صابراں روٹی اورسالن جاویدجاویدکے آگے رکھ دیتی ہے۔اس کے بعدگلاس میں پانی ڈال کرجاویدکے ہاتھ دھلواتی ہے۔چاروں بہنوں کوباری باری کھانااورپانی دیتی ہے۔اس کے بعدصابراں چارپائی پربیٹھ جاتی ہے۔
صابراں۔۔۔۔کھاناشروع کرنے سے پہلے۔۔۔۔ابو۔۔۔۔ایک بات پوچھوں
جاوید۔۔۔۔پوچھو۔۔۔میری بیٹی۔۔۔۔جوپوچھناہے۔۔۔پوچھو
صابراں۔۔۔۔ابو۔۔۔۔میں پوچھ رہی تھی کہ۔۔۔۔بہنوں کوسلائی، کڑھائی کاکام۔۔۔۔سکھادیں۔۔۔۔ایک کودرزیوں کاکام سکھادیتے ہیں۔۔۔۔عورتوں کے کپڑوں کی۔۔۔۔سلائی کرتی رہے گی
جاوید۔۔۔۔یہ اچھی سوچ ہے۔۔۔۔توجب بھی ۔۔۔سوچتی ہے۔۔۔۔کسی نہ کسی کی۔۔۔۔بھلائی ہی سوچتی ہے۔۔۔بہنوں سے پوچھ لو۔۔۔۔یہ کیاچاہتی ہیں
صابراں۔۔۔۔ابوآپ ۔۔۔۔اجازت دے دیں گے تو۔۔۔۔یہ بھی ۔۔۔۔کام سیکھنے کے لیے۔۔۔۔مان جائیں گی
جاوید۔۔۔۔میری طرف سے۔۔۔۔اجازت ہے
صابراں۔۔۔۔ابوآپ۔۔۔۔بہت اچھے ہیں
جاوید۔۔۔۔دوچھوٹی بہنوں ۔۔۔۔میں سے ۔۔۔۔ایک کوسلائی اورایک کو۔۔۔۔کڑھائی کاکاکام سکھاؤ۔۔۔۔اوردوبڑی بہنوں کو۔۔۔۔گھرداری سکھاؤ۔۔۔۔اب تمہارے۔۔۔۔ہاتھ بھی۔۔۔۔پیلے کرنے ہیں
صابراں۔۔۔۔جی ابو۔۔۔۔ایساہی کرلیتے ہیں
جاوید۔۔۔۔میں توچاہتاہوں۔۔۔۔تم جہاں بھی۔۔۔۔شادی کے بعدجاؤ۔۔۔۔خودبھی۔۔۔۔عزت سے ۔۔۔۔زندگی گزارو۔۔۔۔اور۔۔۔۔ماں باپ کی عزت میں بھی۔۔۔۔اضافہ کرو
صابراں۔۔۔۔ابو۔۔۔۔آپ کی دعائیں۔۔۔۔ہمارے ساتھ ہیں۔۔۔۔اﷲ کے کرم سے۔۔۔۔آپ کی۔۔۔۔یہ خواہش ۔۔۔۔ضرورپوری ہوگی
رحمتاں۔۔۔۔کتنی خوشی۔۔۔۔کی بات ہے۔۔۔۔کہ باپ اوربیٹی۔۔۔۔دونوں کی سوچ۔۔۔۔ایک ہی ہے
جاوید۔۔۔۔فرماں بردار۔۔۔۔بیٹیوں کی۔۔۔۔یہی خوبی۔۔۔۔ہوتی ہے۔۔۔۔کہ وہ۔۔۔۔ماں باپ کی۔۔۔۔خواہشات کا۔۔۔۔احترام کرتی ہیں
رحمتاں۔۔۔۔اچھے والدین ۔۔۔۔کی بھی ۔۔۔۔یہ خوبی ہوتی ہے۔۔۔۔کہ وہ۔۔۔۔بچیوں کی۔۔۔۔اچھی تربیت کرتے ہیں۔۔۔۔والدین تربیت کے وقت۔۔۔۔اپنی ذمہ داری پوری کریں تو۔۔۔۔بچے ۔۔۔۔ماں باپ کے ۔۔۔۔نافرمان نہیں ہوتے
جاوید۔۔۔۔بہترتربیت کے ساتھ ساتھ۔۔۔۔اولادکو۔۔۔۔فرماں برداربنانے کے لیے۔۔۔۔ایک اورکام بھی۔۔۔۔ضروری ہے
رحمتاں۔۔۔۔وہ کیا
جاوید۔۔۔۔وہ یہ ہے کہ ۔۔۔۔والدین اولادکی۔۔۔۔اچھی تربیت کے ساتھ ساتھ۔۔۔۔انہیں۔۔۔۔رزق حلال بھی۔۔۔۔کھلائیں
رحمتاں۔۔۔۔آپ ۔۔۔۔صحیح کہہ رہے ہیں۔۔۔۔یہ بات بھی۔۔۔۔ضروری ہے۔۔۔۔ہم نے بھی۔۔۔۔اپنی بچیوں کو۔۔۔۔رزق حلال ہی۔۔۔۔کھلایاہے۔
منظر۱۰
ایک کمرہ میں چارمیزیں اورہرمیزکے ساتھ تین تین کرسیاں رکھی ہوئی ہیں۔کرسیوں پرافرادبیٹھے ہوئے ہیں
چالیس سالہ اخترحسین۔۔۔۔کرسیوں پربیٹھے ہوئے افرادسے۔۔۔۔دوستو۔۔۔۔تمہیں اس لیے۔۔۔۔بلایاگیاہے۔۔۔۔آپ سب لوگوں سے۔۔۔۔ایک مشورہ۔۔۔۔کرناہے۔۔۔۔مجھے اچھاسوچنے۔۔۔۔اوراچھاکام۔۔۔۔کرنے کی عادت ہے۔۔۔۔میں
سمجھتاہوں کہ۔۔۔۔تم لوگ۔۔۔۔بہترمشورہ۔۔۔۔دے سکتے ہو
پچیس سالہ رشیداحمد۔۔۔۔اخترحسین صاحب۔۔۔۔آپ ہم سے ۔۔۔۔کیامشورہ چاہتے ہیں۔۔۔۔ہم کوشش کریں گے۔۔۔۔بہترمشورہ دے سکیں
اسی دوران ایک بیس سالہ لڑکاکاشف بسکٹ کی تین تین اورنمکوکی ایک ایک پلیٹ ہرمیزپررکھ دیتاہے
اخترحسین۔۔۔۔بہترین چائے بھی۔۔۔۔پلاؤان کو
تیس سالہ ناصراقبال۔۔۔۔رشیداحمد۔۔۔۔ٹھیک کہہ رہاہے۔۔۔۔ہم کوشش کریں گے کہ ۔۔۔۔بہترمشورہ۔۔۔۔دے سکیں
۳۵سالہ عمیرنواز۔۔۔۔آپ ہم سے ۔۔۔۔کیامشورہ کرناچاہتے ہیں
اخترحسین۔۔۔۔دوستو۔۔۔۔بات یہ ہے کہ ۔۔۔۔اپنے لیے۔۔۔۔اپنے گھروالوں کے لیے۔۔۔۔اپنے رشتہ داروں کے لیے۔۔۔۔توہرشخص ۔۔۔۔کام کرتاہے۔۔۔۔کوشش کرتاہے۔۔۔۔دنیامیں ایسے لوگ۔۔۔۔بھی ہیں جو۔۔۔۔دوسروں کے لیے۔۔۔۔کام کرتے ہیں۔۔۔۔دوسروں کی۔۔۔۔بھلائی۔۔۔۔چاہتے ہیں۔۔۔۔کمزوراوربے سہارا۔۔۔۔لوگوں کا۔۔۔۔سہارا بنتے ہیں۔۔۔۔ان کی مددکرتے ہیں۔۔۔۔ان کے دکھ درد۔۔۔۔دورکرنے کی کوشش کرتے ہیں۔۔۔۔دوستو۔۔۔۔میں چاہتاہوں۔۔۔۔ہم سب لوگ بھی۔۔۔۔مل جل کرایسے ہی لوگوں میں۔۔۔۔شامل ہوجائیں۔۔۔۔ہم بھی۔۔۔۔دوسروں کی بھلائی ۔۔۔۔کے لیے کام کریں۔۔۔۔ہم بھی۔۔۔۔کمزوراور۔۔۔۔بے سہارالوگوں کا۔۔۔۔سہارابنیں۔۔۔۔ہم بھی ۔۔۔۔ان کے دکھ درد۔۔۔۔دورکرنے کی ۔۔۔۔کوشش کریں۔۔۔۔ہم بھی ۔۔۔۔ان کی۔۔۔۔مددکریں۔
ناصراقبال۔۔۔۔اخترحسین۔۔۔۔ آپ کی سوچ ۔۔۔۔بہت اچھی ہے۔۔۔۔ہمیں خوشی ہے کہ ۔۔۔۔آپ نے۔۔۔۔اتنے اچھے مشورے کے لیے۔۔۔۔ہم سب کو۔۔۔۔بلایاہے۔
عمیرنواز۔۔۔۔اخترحسین نے ۔۔۔۔بہت اچھا۔۔۔۔فیصلہ کیاہے۔۔۔۔ہمیں واقعی ۔۔۔۔کمزوراور۔۔۔۔بے سہارالوگوں کی۔۔۔۔مددکرنی چاہیے
رشیداحمد۔۔۔۔ہمیں ایسا۔۔۔۔کیاکرناچاہیے۔۔۔۔کہ ہم ۔۔۔۔دوسروں کے۔۔۔۔دکھ درددورکرسکیں۔۔۔۔ضرورت مندوں کی۔۔۔۔مددکرسکیں
اخترحسین۔۔۔۔میں نے ۔۔۔۔اسی لیے تو۔۔۔۔آپ لوگوں کو۔۔۔۔دعوت دی ہے کہ ۔۔۔۔ہمیں ایساکیاکرناچاہیے کہ۔۔۔۔دکھیوں کے دکھ اور۔۔۔۔درددورکرسکیں۔۔۔۔ان کی۔۔۔۔مددکرسکیں
ناصراقبال۔۔۔۔اس کے لیے ابھی ابھی ۔۔۔۔مشورہ دینا۔۔۔۔مناسب نہیں۔۔۔۔رہے گا۔۔۔۔اس کے لیے ۔۔۔۔ایک ماہ بعد۔۔۔۔ہمیں۔۔۔۔ایک بارپھر۔۔۔۔مل بیٹھناہوگا۔۔۔۔ہم سب لوگ۔۔۔۔اس بارے۔۔۔۔سوچیں گے۔۔۔۔غورکریں
گے۔۔۔۔غورکریں گے۔۔۔۔تاکہ ہم کوئی ۔۔۔۔بہترمشورہ ۔۔۔۔کرسکیں
اخترحسین۔۔۔۔ٹھیک ہے۔۔۔۔میں بھی ۔۔۔۔غورکروں گا۔۔۔۔تم بھی اس بارے۔۔۔۔غورکرنا۔۔۔۔سوچنا۔۔۔۔ایک ماہ کے بعد۔۔۔۔میں خودتمہیں۔۔۔۔ دعوت دوں گا۔۔۔۔چائے پی لو۔۔۔۔اس کے بعد سب کو۔۔۔۔اجازت ہے۔۔۔۔جہاں چاہیں ۔۔۔۔ جاسکتے ہیں
اخترحسین ۔۔۔۔آوازدے کر۔۔۔۔کاشف ۔۔۔۔چائے ۔۔۔۔لے آؤ
منظر۱۱
عبدالرحیم اورسلطانہ ایک ہی چار پائی پربیٹھ کرایک دوسرے کی طرف منہ کرکے سکولوں سے ملاہواذمیہ کام کررہے ہیں،دونوں کے سکول بیگ، کتابیں،کاپیاں اورپنسلیں دونوں کے سامنے پڑی ہوئی ہیں۔عبدالرحیم گودمیں کتاب رکھ کر پڑھ رہاہے، اس نے سرکواپنے ہاتھ پررکھاہواہے۔سلطانہ کتاب سے دیکھ کرکاپی پرلکھ رہی ہے۔عبدالمجیداورراشدہ دوالگ الگ چارپائیوں پربیٹھے ہوئے دونوں کوغورسے دیکھ رہے ہیں۔
راشدہ۔۔۔۔ہمارے دونوں بچوں کو۔۔۔۔پڑھنے لکھنے کا۔۔۔۔کتناشوق ہے۔۔۔۔سلطانہ کے ابا۔۔۔۔دیکھو۔۔۔۔کتنی توجہ اور۔۔۔۔محنت سے۔۔۔۔اپنااپنا۔۔۔۔سکول کاکام کررہے ہیں
عبدالمجید۔۔۔۔اﷲ ۔۔۔۔ہمارے دونوں بچوں کو۔۔۔۔کام یاب کرے
راشدہ ۔۔۔۔ دعامانگتے وقت۔۔۔۔کنجوسی نہیں کرنی چاہیے
عبدالمجید۔۔۔۔کنجوسی تو۔۔۔۔اخراجات میں ہوتی ہے۔۔۔۔جواخراجات نہ کرتاہو۔۔۔۔اسے کنجوس کہاجاتاہے۔۔۔۔دعامیں کنجوسی کیسی
راشدہ۔۔۔۔دعامیں نہ تو۔۔۔۔کنجوسی کرنی چاہیے اور۔۔۔۔نہ ہی ۔۔۔۔خودغرضی کی ۔۔۔۔دعامانگنی چاہیے
عبدالمجید۔۔۔۔پہلے صرف ۔۔۔۔کنجوسی کی دعاتھی۔۔۔۔اب خود غرضی کی دعابھی۔۔۔۔سامنے آگئی ہے۔۔۔۔میں سمجھانہیں۔۔۔۔کنجوسی اورخودغرضی کی دعا۔۔۔۔کیاہوتی ہے
راشدہ۔۔۔۔ کنجوسی میں دعاکرنے اور۔۔۔۔خودغرضی کی دعا۔۔۔۔مانگنے کا۔۔۔۔مطلب یہ ہوتا ہے کہ ۔۔۔۔دعامانگنے والاصرف اپنے اور۔۔۔۔اپنے گھروالوں کے لیے ۔۔۔۔دعامانگے
عبدالمجید۔۔۔۔دعاتواپنے اوراپنے۔۔۔۔گھروالوں کے لیے ہی۔۔۔۔مانگنی چاہیے
راشدہ۔۔۔۔یہ بات توٹھیک ہے۔۔۔۔مگر
عبدالمجید۔۔۔۔مگرکیا
راشدہ۔۔۔۔ مگریہ کہ ۔۔۔۔اﷲ تعالیٰ کے خزانے۔۔۔۔محدودنہیں ہیں۔۔۔۔اس کی۔۔۔۔رحمتوں۔۔۔۔برکتوں۔۔۔۔عنایتوں کی۔۔۔۔کوئی کمی نہیں۔۔۔۔اس لیے جب بھی۔۔۔۔اﷲ تعالیٰ سے۔۔۔۔دعا۔۔۔۔مانگی جائے۔۔۔۔توسب مسلمانوں کے لیے۔۔۔۔مانگی جائے
عبدالمجید۔۔۔۔واقعی۔۔۔۔دعا۔۔۔۔اسی طرح ۔۔۔۔مانگنی چاہیے
راشدہ۔۔۔۔نہ جانے ۔۔۔۔لوگ۔۔۔۔کنجوسی اور۔۔۔۔خود غرضی کی دعا۔۔۔۔کیوں مانگتے ہیں
عبدالمجید۔۔۔۔ایسے لوگوں کو۔۔۔۔سمجھانے کی ۔۔۔۔ضرورت ہے کہ ۔۔۔۔دعا۔۔۔۔کیسے مانگنی چاہیے
عبدالرحیم۔۔۔۔ابو۔۔۔۔میں۔۔۔۔ایک بات کہوں
عبدالمجید۔۔۔۔ہاں۔۔۔۔کہوبیٹا
عبدالرحیم ۔۔۔۔استاد صاحب۔۔۔۔بتارہے تھے کہ ۔۔۔۔اﷲ تعالیٰ۔۔۔۔ہم سب کی ۔۔۔۔دعائیں سنتاہے۔۔۔۔ہم کہہ جاتے ہیں کہ ۔۔۔۔اﷲ تعالیٰ نے ۔۔۔۔ہماری دعا۔۔۔۔نہیں سنی۔۔۔۔ایسانہیں کہناچاہیے۔۔۔۔اﷲ تعالیٰ ۔۔۔۔ہم سب کی۔۔۔۔دعائیں۔۔۔۔سنتابھی ہے ۔۔۔۔اورقبول بھی کرتاہے