افغانستان بمقابلہ انگلینڈ، بہترین اور بدترین ٹیم آمنے سامنے

آج کرکٹ ورلڈ کپ کی دنیا میں افغانستان اور انگلینڈ کی ٹیمیں ایک دوسرے کے مدِ مقابل ہوں گی- اس وقت انگلینڈ کی ٹیم کو فیورٹ قرار دیا جارہا ہے جبکہ افغانستان کی ٹیم اس ورلڈ کپ میں کوئی خاص کارکردگی کا مظاہرہ نہیں کرسکی-

مندرجہ ذیل ویڈیو میں آپ ڈان نیوز کے سینیر اسپورٹس تجزیہ کار عبدالغفار کی زبانی افغانستان اور انگلینڈ کی ٹیموں کے حوالے سے ایک جاندار تجزیہ سن سکتے ہیں:
 

اس اعتبار سے انگلینڈ کی ٹیم کے لیے یہ ایک انتہائی آسان میچ ثابت ہوسکتا ہے- البتہ انگلینڈ کو چاہیے کہ وہ اس میچ میں اپنے ان کھلاڑیوں کو بھی جانچ لیں جنہیں اب تک کھیلنے کا موقع نہیں ملا- اس کے علاوہ جو چند کمزوریاں باقی ہیں ان پر بھی اس میچ میں کھیلتے ہوئے قابو پا لیں-

دوسری جانب افغانستان کی ٹیم کو کوئی خاص پرفارمنس نہ ہونے کے باوجود مکمل طور پر نظر انداز نہیں کیا جاسکتا- افغانستان کی ٹیم کو انگلینڈ کے ساتھ سخت مقابلہ کرنے کے لیے ناقابلِ یقین کارکردگی کا مظاہرہ کرنا ہوگا-
 

بعض اوقات میچ ایسی صورت بھی اختیار کر جاتے ہیں کہ کمزور ٹیم بھی طاقتور ٹیم پر حاوی ہوجاتی ہے- اگر افغانستان اپنی شاندار کارکردگی کی بدولت ایسا کرنے میں کامیاب ہوجاتا ہے تو یقیناً یہ اس کی ٹیم کے جوش کو بڑھانے کے لیے ایک بہترین قدم ہوگا-