پاکستانی سیاست میں کھانا پینا ایک لازمی جز ہے ہمارے
سیاست دان جب اقتدار میں آتے ہیں تو بڑی بڑی رقوم بغیر ڈکار لیے کھا لیتے
ہیں رقوم کے ساتھ ساتھ سرکاری اسکول ، جعلی ہسپتال ، بڑے بڑے پل اور سڑکیں
بھی ان کی خوراک کا حصہ بن جاتے ہیں جن کی مد میں رقوم اور کک بیکس بھی ان
سیاست دانوں کی خوراک کا حصہ بن جاتے ہیں مگر آج ہم آپ کو ان سیاست دانوں
کی ان غذاؤں کے بارے میں بتائيں گے جو کہ وہ کھانے کی ٹیبل پر بیٹھ کر
کھاتے ہیں اور ان کے اس کھانے سے ان کی طرز زندگی کے بارے میں اچھی طرح پتہ
چلتا ہے-
عمران خان
وزیراعظم عمران خان جو کہ اسپورٹ بیک گراؤنڈ سے تعلق رکھتے ہیں ان کے کھانے
پینے کی عادات ان کی بائیس سالہ جدوجہد کے وقت میں سامنے آتی رہی ہیں جس سے
یہ اندازہ ہوتا ہے کہ وہ سادہ غذا کھانے کے شوقین ہیں اس کے ساتھ ساتھ وہ
سخت ترین ورزش کرنے کے بھی عادی ہیں جس کے سبب وہ آج بھی اپنی عمر کے دوسرے
لوگوں سے زیادہ فٹ ہیں - |
|
نواز شریف اور شہباز شریف
لاہور کے خوش خوراک پس منظر سے متعلق ہونے کے سبب یہ دونوں بھائی ان تمام
خوراکوں کے شوقین ہیں جو اس علاقے کا طرہ امتیاز ہیں ان میں پاۓ ، نہاری سر
فہرست ہیں اس کے ساتھ مرغن غذاؤں کی ایک لمبی فہرست ہے جو ہمیشہ ان کے دستر
خوان پر موجود رہتی ہے اور وہ کھانے اور کھلانے والے لوگوں میں شمار ہوتے
ہیں-
|
|
سراج الحق
سادہ اور سرحدی پس منظر رکھنے والے سراج الحق کو ابھی اقتدار کے کوچوں کی
ہوا نہیں لگی ہے اسی سبب ان کی خوراک بھی ان کے سیاسی پس منظر کی طرح سادہ
ہے اور وہ اپنی جماعت کے لوگوں کے ساتھ ان میں شامل ہو کر سادہ کھانے سے
لطف اندوز ہونا پسند کرتے ہیں-
|
|
آصف علی زرداری
آصف علی زرداری کی خوراک میں عام طور پر سبزیوں کا استعمال زیادہ کیا جاتا
ہے مگر اس کے ساتھ ساتھ وہ اپنی صحت کے سبب پرہیزی کھانوں کو جس میں کم
مرچیں اور کم نمک شامل ہوتا ہے فوقیت دیتے ہیں-
|
|
مولانا فضل الرحمن
مولانا فضل الرحمن چونکہ کے پی کے سے تعلق رکھتے ہیں اسی وجہ سے اس کی
مناسبت سے ان کی خوراک میں گوشت کا استعمال بہت زیادہ ہوتا ہے شوگر ، بلڈ
پریشر اور کولیسٹرول جیسے امراض میں مبتلا ہونے کےباوجود مولانا ایک خوش
خوراک انسان ہیں اور دھرنے کے ان دنوں میں بھی وہ گھر کا پکا ہوا کھانا ہی
کھاتے ہیں جس میں ناشتے سے لے کر رات کے کھانے تک میں دنبے ، گاۓ اور بکرے
کا گوشت شامل ہوتا ہے اس کے ساتھ ساتھ مچھلی بھی ان کی پسندیدہ غذاؤں میں
شامل ہے میٹھے میں مولانا کو مکھڈی حلوہ بہت پسند ہے جو وہ کھانے کے دوران
بار بار کھاتے رہتے ہیں-
|
|