سبزیاں اگر خواب میں آئیں تو یہ کس بات کا اشارہ ہے!

خوابوں کا زندگی پر بہت گہرا اثر ہوتا ہے۔۔۔اور اکثر لوگ خواب میں اپنے ساتھ ہونے والی زندگی کی بہت ساری آفتوں اور پریشانیوں سے آگاہ بھی ہوجاتے ہیں۔۔۔کچھ خواب محض فکر، پریشانی یا بدہضمی کی شکایت سے بھی آتے ہیں لیکن کچھ خواب ایسے بھی ہوتے ہیں جن کا لگاتار آنا، کسی خاص وقت پر آنا یا کسی خاص حوالے سے آنا ،کسی نا کسی بات کی طرف اشارہ ہوتا ہے۔۔۔بات چل نکلی ہے کہ ایک دن سبزیاں کھانا بھی خواب ہوجائے گا۔۔۔تو شاید اسی فکر میں سبزیوں نے خواب میں آنا شروع کردیا ہے لیکن ہر سبزی سے جڑی ہے ہر خواب کی ایک الگ تعبیر-
 


پالک یا ساگ کا خواب میں نظر آنا
اکثر لوگ خواب میں پالک یا ساگ پکتے ہوئے یا کاٹتے ہوئے دیکھتے ہیں۔۔۔یہ خواب شدید پریشانیوں اور آنے والے فتنہ فساد کی طرف اشارہ کرتا ہے۔۔۔خواب دیکھنے والے کی زندگی میں دنیا کے کئی نئے روپ سامنے آنے والے ہیں جو اسے بہت تکلیف دینے والے ہیں۔۔۔


خواب میں آلو نظر آنا
اگر خواب میں آپ آلو خود کو کھاتے ہوئے دیکھیں تو یہ آپ کے بزنس میں کامیابی کی طرف نشاندہی کرتا ہے ۔۔۔آپ اپنے باس کی نظروں میں نمایاں ہوجائیں گے اگر نوکری کرتے ہیں۔۔۔اگر آپ خود کو خواب میں آلو کا پودا لگاتے دیکھیں تو یہ محبت کی شادی کی علامت ہے اور اس میں آپ کا من پسند رشتہ آپ کے گھر آنے کا اشارہ ہے۔۔۔ساتھ ہی کوئی بہتر نوکری یا کوئی خوشی بھی گھر میں قدم رکھ سکتی ہے۔۔۔ لیکن اگر آپ نے خواب میں سڑا ہوا یا گلا ہوا آلو دیکھا ہے تو آپ افواہوں کی زد میں آنے کے لئے تیار ہوجائیں۔۔۔


خواب میں ٹماٹر دیکھنا
ویسے تو آج کل یہ خوابوں میں بھی نظر نہیں آتے مہنگائی کی وجہ سے لیکن اگر یہ خواب میں نظر آجائیں تو اس کا مطلب گھریلو زندگی میں خوشیاں اور سکون رہے گا ۔۔۔پکا ہوا ٹماٹر دیکھنا خوشحال شادی شدہ زندگی کی نشانی ہے اور اگر گلا سڑا ٹماٹر دیکھیں تو محبت میں ناکامی کا منہ دیکھنا پڑ سکتا ہے۔۔۔اگر آپ خواب میں ٹماٹر کھا رہے ہیں تو یہ اچھی صحت کی علامت ہے۔۔۔


خواب میں ہری مرچ دیکھنا
خواب میں ہری مرچ کو دیکھنا امید، اور امن بڑھنے کی نشانی ہوتی ہے لیکن حاملہ خواتین اگر خواب میں ہری مرچ دیکھیں تو چائنہ میں یہ بیٹا پیدا ہونے کا اشارہ مانا جاتا ہے۔۔۔اور اگر آپ نے ہری مرچ کے کھیت سے صرف ایک ہری مرچ اٹھائی تو پھر آپ کا صرف ایک ہی بیٹا ہوگا-


خواب میں بھنڈی دیکھنا
خواب میں بھنڈی دیکھنے کا مطلب مسائل، خوشی اور کسی بھی قسم کی تبدیلی کی علامت ہوسکتے ہیں۔۔اگر تو آپ بھنڈیا اپنے پاس جمع کر رہے ہیں تو یہ ظاہر کرتا ہے کہ جب تک آپ بزنس یا نوکری میں خود کو ثابت کرتے رہیں گے تو ہر طرح کے ماحول میں آپ کو عزت ملتی رہے گی ۔۔۔لیکن اگر آپ خواب میں بھنڈیا کاٹ رہے ہیں اور اس میں خراب بھی نکل رہی ہیں تو یہ کسی بڑی خواشی کے واپس چلے جانے کی نشانی ہے۔۔۔


خواب میں بینگن کو دیکھنا
اگر آپ خواب میں بینگن کچھ اس طرح سے دیکھیں کہ کوئی آپ کو تحفے میں دے رہا ہے یا آپ کے گھر کوئی لایا ہے تو یہ آپ کے گھر یا کسی بہت قریبی کے گھر بچے کی پیدائش کی طرف اشارہ کرتا ہے۔۔۔


خواب میں کریلا دیکھنا
خواب میں کسی بھی قسم کے کڑوے پھل یا کڑوی سبزی کو دیکھنا اداسی، پریشانی، بزدلی، خوف، اور بے چینی کی نشاندہی کرتا ہے۔۔۔لیکن کریلے کو دیکھنا ہر بار پریشانی نہیں لاتا۔۔۔اگر آپ خواب میں خود کو کریلے کی بیل کی چھاؤں میں دیکھیں تو خاندان میں ایکا ہونے یا پرانی مخالفتیں دور ہونے کی طرف اشارہ ہے-


ہر سبزی کے ذائقے کی طرح ہر سبزی کی تعبیر بھی ہے جدا۔۔۔لیکن قسمت اور تقدیر کا فیصلہ کرتا ہے صرف خدا۔۔۔ اس لئے خواب جو بھی دیکھیں تعبیر ہمیشہ مثبت سوچیں کیونکہ ہوگا وہی جو اﷲ چاہے گا-

 
Rate it:
Share Comments Post Comments
Total Views: 3989 Print Article Print

YOU MAY ALSO LIKE:

Reviews & Comments

Language: