صحت چاہتے ہیں تو اپنے آپ کو بدلیں، 40 سال کی عمر کے بعد کیا ہوتا ہے؟

کون انسان ہے جو صحت مند، تندرست اور توانا نظر آنا نہیں چاہتا یقیناً سب ہی چاہیں گے کہ وہ کبھی بیمار نہ ہوں- لیکن بد قسمتی سے جانے اور ان جانے میں اپنا خیال نہیں رکھتے اور ایسی غذا کا استعمال کر رہے ہوتے ہیں جو ہمارے لئے مضر صحت ہے خاص طور پر جب ہماری عمر چالیس سال سے زیادہ ہونے لگے تو ہمیں پھر اپنی صحت کا خیال زیادہ رکھنے کی ضرورت ہے۔
 

کیونکہ اس عمر کے بعد جسم میں جلد تبدیلیاں آنا شروع ہو جاتی ہیں اگر ہم اس عمر میں بھی اپنا خیال نہیں رکھیں گے تو کئی امراض کا شکار ہو جائیں گے۔ حقیقت تو یہ ہے کہ ہم تب ہی صحت مند ہو سکتے ہیں جب ہماری روح،ہمارا جسم اور ہمارا دماغ صحت مند ہوں ۔ہمیں صحت مند رہنے کے لئے کن باتوں پر عمل کرنے کی ضرورت ہے۔۔۔آئیے دیکھتے ہیں۔

٭رات کو جلدی سو جائیں اور صبح سویرے جلدی اٹھیں
٭روزانہ نہانے کی عادت ڈالیں
٭ورزش کو اپنا روز کا معمول بنائیں
٭تازہ پھلوں اور سبزیوں کا استعمال کریں
٭روزانہ کم از کم بارہ گلاس پانی پیئیں
٭میوہ جات کا استعمال کریں
٭مچھلی،دیسی مرغی ،گوشت اور دالوں کا استعمال ضرور کریں
٭روزانہ ایک انڈہ ضرور لیں
٭دودھ یا دودھ سے بنی اشیاء کو اپنی خوراک کا حصہ بنائیں
٭کھانوں میں زیتون کا تیل استعمال کریں
٭وقت پر کھانا کھانے کی عادت بنائیں-
 

٭ذہنی تناؤ کو کم کریں اور خوش رہنے کی عادت ڈالیں
٭دوسروں کی مدد کریں
٭زیادہ دیر تک بیٹھنے کی عادت ترک کر دیں
٭سگریٹ نوشی اور شراب نوشی کا استعمال مضر صحت ہے
٭چھٹی والے دن گھر والوں کو کھلی فضا میں ضرور لے کر جائیں تا کہ تازہ آکسیجن مل سکے
٭آٹھ سے بارہ گھنٹے کی نیند پوری کریں
٭رات سونے سے پہلے چائے کا استعمال ترک کر دیں
٭اپنا وزن نہ بڑھنے دیں
٭چالیس سال کی عمر کے بعد اپنا معائینہ اور ضروری ٹیسٹ ہر چھ ماہ بعد ضرور کروائیں ۔