سردیوں کا تحفہ کشمیری چائے۔۔۔فوائد سے بھرپور

ہر موسم اپنے ساتھ کوئی نا کوئی تحفہ لے کر آتا ہے۔۔۔اور سردیاں تو ان تحائف سے مالا مال ہوتی ہیں۔۔۔کینو، مونگ پھلیاں، دیگر خشک میوہ جات، مچھلی، سوپ ، کافی اور کشمیری چائے۔۔۔

چائے پینے والے تو ہر موسم کو چائے کا ہی موسم مانتے ہیں لیکن کشمیری چائے کو صرف سردیوں میں پینے کا مزہ ہے اور اس کے فوائد پھر پورا سال باقی رہتے ہیں۔۔۔

اسے بنانے کا طریقہ بالکل بھی مشکل نہیں۔۔۔ایک کپ کشمیری چائے بنانے کے لئے تقریباً دو کپ پانی کو کھولائیں۔۔۔اس میں دار چینی، بادیان کے پھول اور سبز الائچی دالیں۔۔۔اور ساتھ ہی گرین ٹی کے پتہ ایک چمچہ شامل کردیں۔۔۔اب اچھی طرح پکانے کے بعد اس میں آدھا چمچہ بیکنگ سوڈا شامل کریں اور خوب پکائیں۔۔۔اس کا رنگ سرخ ہوجائے گا کیونکہ بیکنگ سوڈا گرین ٹی میں تیز آنچ پر ملنے کی وجہ سے اپنا رنگ بدل لیتا ہے۔۔۔اب اس مکسچر کو آدھا کپ رہ جانے تک پکائیں اور چھان لیں۔۔۔ایک کپ دودھ ابالیں اور اس میں یہ مکسچر اور چینی ڈال کر پکائیں۔۔۔اب بادام اور پستے شامل کریں اور لطف اندوز ہوں۔۔۔
 

فوائد:
کشمیری چائے پینے والوں کے لئے سب سے بڑی خوشخبری ہے کہ یہ آپ کی جلد پر جھریاں نہیں آنے دیتی۔۔۔کشمیر میں کیونکہ سردی کا موسم گرمی کی نسبت طویل ہوتا ہے تو وہاں یہ پینا عام ہے اور وہاں کے لوگ دیر سے بوڑھے ہوتے ہیں۔۔۔

اس میں اینٹی آکسیڈینٹس شامل ہوتے ہیں جو کئی قسم کے جلدی انفیکشنز کا علاج کرتے ہیں۔۔۔جن میں کیل مہاسے، خشکی، اور پھٹی ہوئی جلد شامل ہیں۔۔اور پستے بادام اس میں شامل کرنے سے اسکن کو خاص چمک ملتی ہے جو ضروری ہے۔۔۔

ایک کپ کشمیری قہوہ پینے سے نظام ہضم جیسے نیا ہوجاتا ہے۔۔۔یہ جسم سے فاضل مادوں کو کھینچ کر نکال لیتی ہے۔۔۔اور میٹا بالزم کو تیز کرتی ہے تاکہ ہاضمہ تیز ہو اور قبض سے بھی نجات ملے۔۔۔
 

صبح صبح اگر اسے پیا جائے تو پورا دن انرجی ملتی ہے اور اس میں چینی کی جگہ اگر شہد اور ایک چٹکی زعفران ملا دیا جائے تو اس سے بہتر انرجی ڈرنک کوئی نہیں۔۔۔کیونکہ یہ ذہن کو کھول دیتا ہے اور سستی بھی بھاگ جاتی ہے۔۔۔

اس میں وٹامن بی 2 اور رائبو فلیون شامل ہیں۔۔۔یہ وائٹامن جسم کے قوت مدافعت کو بڑھانے میں اہم کردار ادا کرتا ہے اور ریڈ بلڈ سیلز کی تعداد کو بھی بڑھاتا ہے ۔۔۔

اس میں میٹھا اگر بالکل شامل نا کیا تو جائے تو یہ وزن گھٹانے کے لئے بہترین ہے۔۔۔یہ جسم سے کولیسٹرول کو کھینچتا ہے اور دل کی بیماریوں سے بھی بچاتا ہے۔۔۔

تو کشمیری چائے کو زندگی کا حصہ بنائیں اور ان سردیوں میں اسے زیادہ سے زیادہ پیئں۔۔