ہفتے میں ایک بار چہرے کو بھاپ دیں اور 5 مسائل سے چھٹکارا پائیں

یہ ایک ایسا وقت ہے جو ہمارے چہرے کے لیے کسی صورت مناسب نہیں ہے- ہوا میں موجود بےپناہ آلودگی ہمارے چہرے کو مختلف اقسام کی گندگی سے آلودہ کردیتی ہے جس سے ہماری جلد وقت سے پہلے ہی بدنما دکھائی دینے لگتی ہے- لیکن اگر آپ ہفتے میں ایک بار ضرور اپنے چہرے کو گرم پانی کی بھاپ فراہم کریں تو کئی مسائل سے محفوظ رہ سکتے ہیں-

چہرے کی صفائی
چہرے کی صفائی کے لیے بھاپ بہترین ہے- جب آپ اپنے چہرے کو بھاپ دیتے ہیں تو پانی کے بخارات کی گرمی آپ کے چہرے کے مسام کو نرم کرتی ہے اور ساتھ ہی وسعت دیتی ہے- مسام کے کھلنے سے ان میں موجود گندگی باہر آجاتی ہے اور چہرہ صاف ہوجاتا ہے-


جراثیم اور مردہ خلیے
جلد ہمارے جسم کا وہ عضو ہوتا ہے جو مسلسل نیا پیدا ہوتا رہتا ہے جس کی وجہ سے پرانی جلد کے مردہ خلیے جلد پر ہی چپکے رہےتے ہیں- لیکن چہرے کو بھاپ دینے سے جلد مردہ جراثیم سے پاک ہوجاتی ہے- یہ مردہ چراثیم چہرے کی ملنے والی آکسیجن کی راہ میں رکاوٹ بنتے ہیں-


آکسیجن کی فراہمی
بعض افراد بھاپ سے گریز کرتے ہیں جیسے کہ الرجی کے شکار افراد- لیکن یاد رکھیں بھاپ ایک بہترین چیز ہے- بھاپ آپ کے چہرے کو ملنے والی آکسیجن میں نمایاں فروغ دیتی ہے- اگر بھاپ لینے کے بعد آپ کے چہرے کی جلد سرخ ہوجاتی ہے تو اس کا مطلب ہے کہ آپ نے بالکل درست انداز میں اپنے چہرے کو بھاپ فراہم کی ہے جو آپ کے لیے بےپناہ فائد مند ثابت ہوگی-


جھریوں میں تاخیر
ہر عورت کی خواہش ہوتی ہے کہ اس کے چہرے میں جھریاں نہ آئیں- لیکن عمر گزرنے کے ساتھ ساتھ ان کی آمد کا آغاز بھی ہوجاتا ہے- لیکن اگر آپ ہفتے میں ایک بار چہرے کو بھاپ دیں تو جھریاں آنے کا عمل سست اور تاخیر کا شکار ہوسکتا ہے-


قدرتی طور پر نمی
بھاپ لینے کا عمل آپ کے جسم کو زیادہ قدرتی تیل تیار کرنے پر مجبور کرتا ہے جو جلد کو نمی بخشتا ہے اور آپ کی ہائیڈریشن لیول تک بڑھاتا ہے۔

Most Viewed (Last 30 Days | All Time)

Comments

آپ کی رائے
Language: