وزن میں اضافے سے بچنے کے لیے رات میں ان 5 کھانوں کا انتخاب کریں

 
ماہرین یہ مشورہ دیتے ہیں کہ شام یا رات کو کھانا پینا فائدہ مند بھی ہے اور ضروری بھی ہے۔ لیکن پیٹ کے بھاری پن ، ناقص نیند ، اور وزن میں اضافے سے بچنے کے لیے یہ بھی ضروری ہے کہ اپنے لیے رات میں کھانوں کا انتخاب دانشمندی کے ساتھ انتخاب کریں۔ ہم آپ کے اسی حوالے سے چند غذائیں بتائیں جنہیں رات کو کھانے سے وزن بھی نہیں بڑھتا اور یہ آپ کی صحت کے اور فوائد بھی پہنچاتی ہیں-
 
انڈوں سے تیار کردہ کھانے
انڈوں میں پروٹین اور امینو ایسڈ کی بھاری مقدار پائی جاتی ہے جو آپ کو جلد ہی تھوڑا بہت کھانے کے بعد ہی پیٹ بھر جانے کا احساس دلاتی ہے اور آپ کھانے سے ہاتھ اٹھا لیتے ہیں- ابلے ہوئے انڈے کھانا بہترین انتخاب ثابت ہوسکتا ہے- آپ آملیٹ بھی کھا سکتے ہیں لیکن اس بات کو یقینی بنائیں کہ اسے کم سے کم تیل میں پکایا جائے- اس طرح رات میں ایک متوازن غذا کے استعمال سے آپ کو نیند بھی اچھی آئے گی اور وزن میں اضافہ بھی نہیں ہوگا-
 
پنیر اور انگور
پنیر کا ایک چھوٹا سا حصہ صرف 100 کیلوریز کے قریب رکھتا ہے، لیکن اس میں موجود tryptophan ، پروٹین اور casein جیسے اہم غذائی اجزاﺀ آپ کو کئی قیمتی فوائد پہنچا سکتے ہیں۔ خاص طور پر ، کیسین آپ کو زیادہ اطمینان بخش محسوس کرنے میں مدد کرسکتا ہے اور سونے سے پہلے کھانا پٹھوں کی صحت کے لئے اچھا ہے۔ انگور کے چند دانے بھی melatonin سے مالا مال ہوتا ہے جو آپ کو بہترین نیند میں مدد دے سکتا ہے۔
 
ہمس وہ بھی سبزیوں کے ساتھ
Hummus نامی اس ڈش کی بنیاد درحقیقت چنے ہیں- چنوں میں وٹامن بی 6 کی بھاری مقدار پائی جاتی ہے- اس ڈش کو اگر رات گئے کھاتے ہیں تو اس میں آپ کھیرے اور گاجروں کا اضافہ کرلیجیے- اس طرح یہ ڈش آپ کو مزید فائدہ پہنچائے گی-
 
ذائقہ دار مکئی
رات کو اگر مکئی کھا کر فائدہ اٹھانا چاہتے ہیں تو بہتر ہے کہ پہلے سے تیار شدہ مکئی کے بجائے ابلی ہوئی مکئی کا انتخاب کریں- اس سے آپ کے جسم میں موجود اضافی کولیسٹرول خارج ہونے مدد حاصل ہوگی- تاہم یاد رکھیں اسے کھاتے ہوئے زیادہ نمک اور مکن کا استعمال ہرگز نہیں کرنا-
 
مچھلی
رات کے کھانے میں صرف مچھلی کا استعمال بھی ایک بہترین انتخاب ہے- مچھلی موجود غذائی اجزاﺀ چربی گھلانے کے حوالے سے بےپناہ شہرت رکھتے ہیں- اس کے علاوہ مچھلی میں پایا جانے والا پروٹین میٹابولزم کے لیے بھی بہترین قرار دیا جاتا ہے-
Most Viewed (Last 30 Days | All Time)

Comments

آپ کی رائے
Language: