|
|
سونمیانی ایک ایسا خوبصورت ساحل ہے جس کی سنہری ریت اور صاف شفاف سمندری پانی کسی
کا بھی دل موہ سکتا ہے- یہ ساحل اپنی خوبصورتی اور صفائی کے حوالے سے دنیا کے دیگر
سمندری ساحلوں کے مقابلے میں کسی صورت بھی کم نہیں ہے- |
|
|
|
یہ ساحل پاکستان کے صوبہ بلوچستان کے ضلیع لسبیلہ میں واقع ہے- یہ سمندری
ساحل کراچی سے تقریباً 145 کلومیٹر کی دوری پر ہے- سونمیانی کراچی کے نزدیک
موجود سب سے مقبول ترین ساحلوں میں سے ایک ہے اور سیاحوں کی ایک بڑی تعداد
کو اپنی جانب متوجہ کرتا ہے- |
|
|
|
کراچی سے سونمیانی ساحل تک کا سفر بھی انتہائی دلچسپ ہوتا ہے- اس پورے سفر
میں آپ کا واسطہ کہیں بلند و بالا پہاڑوں سے پڑتا ہے تو کسی کسی مقام پر
موجود ہریالی آپ کے دل کو سکون کا احساس بخشتی ہے- |
|
سونمیانی ساحل کی شہرت کی ایک وجہ یہاں مختلف اقسام کی مچھلیوں کا پایا
جانا بھی ہے جبکہ ساحل پر پایا جانے والا اور عام نظر آنے والا ایک خاص قسم
کا سفید کیکڑا بھی منفرد مقام رکھتا ہے - |
|
|
|
اس کے علاوہ یہ علاقہ خلائی تحقیق اور ترقی کے لیے بھی قابلِ ذکر ہے- یہاں
ایک خلائی مرکز بھی قائم ہے جسے سونمیانی اسپیس پورٹ کے نام سے جانا جاتا
ہے۔ |
|
|
|
مؤرخین کے مطابق کسی زمانے میں سونمیانی کا ساحل ایک بندرگاہ کے طور پر
اپنی خدمات سرانجام دیا کرتا تھا اور کاروبار کا ایک اہم ذریعہ تصور کیا
جاتا تھا- یہاں بحری جہاز لنگر انداز ہوا کرتے تھے اور متعدد افراد کا
روزگار ان سے منسلک تھا- تاہم بعد میں یہ سلسلہ کراچی کی بندرگاہ سے منسلک
ہوگیا- |
|
سونمیانی کا ساحل ہو اور غروبِ آفتاب کا منظر کہیں اور نہ ملنے والی یہ
دونوں چیزیں آپ کو اردگرد سے بیگانہ کردیتی ہیں کیونکہ یہ ایک ایسا سحر
انگیز نظارہ ہوتا ہے کہ چند لمحوں کے لیے آپ خود کو بھی بھول جاتے ہیں- |
|
|
|
سونمیانی کے ساحل کی سیر نہ صرف تفریح سے بھرپور ہے بلکہ کئی اعتبار سے
معلوماتی بھی ثابت ہوتی ہے- اور یہ ایسے یادگار اور قیمتی لمحات ہوتے ہیں
جنہیں آپ کبھی فراموش نہیں کرسکتے- |
|
|