|
|
|
|
|
خواتین کے سنگھار میں ویسے تو بہت ساری چیزیں شامل ہیں مگر آنکھ کے کاجل کو
ان میں بنیادی حیثيت حاصل ہوتی ہے- سیاہ کاجل کی دھار کے بغیر کسی بھی قسم
کا سنگھار ادھورا لگتا ہے آنکھوں کے سنگھار کے لیے ویسے تو کاجل کے ساتھ
ساتھ آئی لائنر اور مسکارے نے بھی لے لی ہے مگر اس سب کے باوجود کاجل کی
حیثیت اور اہمیت کو ختم نہیں کیا جا سکا- مگر چونکہ آنکھ انسانی جسم کا بہت
نازک حصہ ہوتا ہے اور کیمیکل ملے کا جل کا استعمال انسان کو کئی بیماریوں
میں بھی مبتلا کر سکتا ہے- اس وجہ سے ہم آپ کو گھر ہی میں کاجل بنانے کا
طریقہ بتائيں گے جس کی مدد سے آپ مصنوعی اشیا سے پاک کاجل گھر پر ہی بنا
سکتے ہیں- |
|
|
|
کاجل کا گھر پر بنانے کا طریقہ |
|
گھر پر کاجل بنانے کے لیے اشیا |
|
|
|
|
|
|
|
چند دانے بادام یا صندل کی لکڑی کا پسا ہوا پاؤڈر ، بادام کا یا ارنڈی کا
تیل ، تھوڑی سی روئی یا میڈیکل بیینڈيج- اس کے علاوہ جس سامان کی ضرورت
ہوتی ہے ان میں ایک دیا جو مٹی کا بھی ہو سکتا ہے یا پھر دھاتی ہو تب بھی
ٹھیک ہے- اس کے علاوہ ایک پتیلی جس کے اندر پانی ڈال کر رکھنا ہے اور ایک
اسٹینڈ جو پتیلی کو دیے کے اوپر رکھنے کے کام آئے گا- |
|
|
|
|
| |
| طریقہ کار |
| بادام یا صندل کی لکڑی کو اچھی طرح پیس کر اس کا پاؤڈر
بنا لیں اور اس پاؤڈر میں چند قطرے بادام یا ارنڈی کے تیل کو شامل کر لیں
تیل کی مقدار اتنی ہونی چاہیے کہ یہ آمیزہ ایک پیسٹ کی شکل اختیار کر لے-اس
کے بعد پٹی یا روئی کو لے کر اس کی ایک لمبی بتی سی بنا لیں جیسی دیے میں
جلانے کے لیے بنائی جاتی ہے- اس بتی کو اس پیسٹ میں اچھی طرح بھگو لیں اس
کے بعد اس کو دیے میں لگا دیں- |
|
|
|
|
| |
| ایک پتیلی میں اتنی مقدار میں پانی بھر لیں کہ وہ آدھی
خالی ہو اس کے بعد اسٹینڈ کے اوپر پتیلی رکھیں یاد رہے کہ اسٹینڈ کی بلندی
اتنی ہونی چاہیے کہ دیے کی بتی کو جب آگ لگائی جائے تو اس کی آنچ پتلی کو
چھو رہی ہو- |
| |
|
|
| |
| |
| |
|
|
| |
| |
| |
|
|
| |
| دیے کی بتی کو آگ لگا دیں اور اس کی آنچ پتیلی کو نیچے
سے چھو رہی ہو اور اس کی کالک پتیلی کے نچلے حصے پر جمع ہو رہی ہو یہ عمل
اس وقت تک جاری رکھیں جب تک کہ بتی مکمل طور پر جل نہ جائے- |
| |
|
|
|
|
|
|
|
|
|
|
| |
| |
| |
|
|
| |
| اس کے بعد پتیلی کے پیندے پر جمع شدہ راکھ کو
کسی صاف برتن میں جمع کر لیں یہ ایک سیاہ رنگ کے سفوف کی شکل میں ہو گی اس
میں تھوڑی مقدار میں ویسلین یا بادام کا یا ارنڈی کا تیل شامل کر کے ایک
گاڑھے پیسٹ کی شکل میں کسی چھوٹی سے ڈبیا میں جمع کر لیں- |
| |
|
|
| |
| کیمیکل سے پاک کاجل تیار ہے یہ واٹر پروف
ہوگا اور بازار میں ملنے والے عام کاجل سے زیادہ سیاہ ہوگا اس کا استعمال
آنکھوں میں کریں یہ کسی بھی قسم کے مضر اثرات سے پاک ہو گا اور آنکھوں کی
صحت کے لیے بھی بہتر ہو گا - |