|
|
|
|
|
آج کی تیز رفتار زندگی میں مائیکرو ویو اوون ایک ایسی سہولت ہے جس سے ہم
فریزر میں رکھا ٹھنڈا پتھر بنا کھانا گھنٹوں کے بجائے منٹوں میں گرم کر
سکتے ہیں اور اپنا قیمتی وقت بھی بچا سکتے ہیں۔ لیکن ہر سہولت کے ساتھ جڑی
افواہوں کی طرح مائیکروویو کے ساتھ بھی کچھ افواہیں گردش کرتی ہیں۔ |
|
|
|
مائیکرو ویو اون صحت کے لئے نقصان دہ ہے؟ |
|
کیا یہ وہی جملہ نہیں جو ہر بار مائیکروویو میں کھانا گرم کرنے کے ذکر پر
آپ کو سننے کو ملتا ہے؟ یہاں تک کہ یہ بھی کہا جاتا ہے کہ مائیکروویو کی
شعاعوں سے کینسر کے خلیات بن سکتے ہیں۔جبکہ حقیقت یہ ہے کہ مائیکروویو سے
وہی برقی مقناطیسی لہریں پیدا ہوتی ہیں جو ٹیلیویژن، ریڈیو اور الیکٹرک
شیورز پیدا کرتے ہیں۔ یہ لہریں کم توانائی کا استعمال کرتے ہوئے کھانے کو
زیادہ مؤثر انداز میں گرم کرنے میں مدد دیتی ہیں۔ |
|
|
| |
|
مائیکروویو عام چولہوں کے مقابلے میں بہت
مہنگے ہیں |
| روایتی بجلی یا گیس کے چولہوں کے مقابلے میں مائیکروویو
توانائی سے بھرپور ہوتے ہیں جس سے توانائی کی بچت ہوتی ہے۔ اگر عام چولہے
پر کسی چیز کو پکانے یا گرم کرنے میں 60 منٹ لگتے ہیں تو مائیکروویو پر
مشکل سے 15 سے بیس منٹ درکار ہوں گے۔ ماحولیاتی تحفظ کی ایجینسی کے مطابق
مائیکروویو میں کھانا گرم کرتے ہوئے 80 فیصد کم توانائی خرچ ہوتی ہے ۔ |
|
|
| |
|
مائیکروویو کھانے سے غذائیت چھین لیتے ہیں |
| ایک منفی تاثر یہ بھی عام ہے کہ مائیکروویو میں کھانا
گرم کرتے ہوئے کھانا کے غذائی اجزاء ٹوٹ پھوٹ کا شکار ہوجاتے ہیں یہاں تک
کہ مائیکروویو مائع حالت میں موجود خوراک کی غذائیت بھی چھین لیتا ہے۔ جبکہ
حقیقت یہ ہے کہ یہ کھانا گرم کرنے کی نہایت آسان اور تیز سہولت فراہم کرتا
ہے اس فائدے کے ساتھ کہ عام چولہوں میں غذائی اجناس جلانے کی نسبت
مائیکروویو میں غذائیت زیادہ محفوظ رہتی ہے۔ |
|
|
| |
|
سارے مائیکروویو بیکنگ اور گرلنگ کرسکتے
ہیں |
| مائیکروویو لیتے ہوئے اس بات کو مدِنظر رکھیں کہ بیکنگ
اور گرلنگ کے لئے مائیکروویوز نہیں بلکہ دوسرے کھانا پکانے کے مخصوص اوون
درکار ہوتے ہیں۔ مائیکروویو صرف کھانا گرم کرنے، ڈیفروسٹ کرنے یا پھر پاپ
کورن وغیرہ بنا سکتا ہے۔ |
|
|
| |
|
مائیکروویو جدید دور میں وقت کی بچت کا بہترین زریعہ ہے ۔ اپنے باورچی خانے
میں مائیکروویو کا اضافہ کر کے آپ یقینی طور پر اپنے پیسے، محنت اور وقت
بچاسکتے ہیں۔ |