|
|
اگر کسی خاتون سے یہ پوچھا جائے کہ اس کی زندگی کا سب سے بڑا شوق کیا ہے تو
اسی فی صد خواتین کا ایک ہی جواب ہوگا کہ انہیں سچنے سنورنے میں دلچسپی ہے۔
اچھے کپڑے پہننا اور مہنگا میک اپ خریدنا ان کا سب سے بڑا شوق ہوتا ہے جس
میں وہ اپنے شوہروں کی کمائی کو اڑاتی ہیں۔ اور اس کے ساتھ ساتھ کیمیکل
بھرا میک اپ کا سامان بھی خریدتی ہیں۔ مگر اب ہم آپ کو میک اپ کا سامان گھر
پر بنانے کا ایسا طریقہ بتائيں گے جو کہ ایک جانب تو سستا ہوگا اور دوسری
جانب کسی بھی طرح کے مضر صحت اثرات سے بھی محفوظ ہوگا- |
|
گھر پر میک اپ کا سامان بنانے کا طریقہ |
خواتین کا میک اپ لپ اسٹک کے بغیر ادھورا ہوتا ہے۔ ایک عام لپ اسٹک کی قیمت
پانچ سو سے شروع ہو کر پانچ ہزار تک ہوسکتی ہے۔ مگر آج ہم آپ کو آپ کی مرضی
کے رنگوں کی لپ اسٹک بنانے کا طریقہ بتائيں گے جو کہ بہت سستا ہوگا اور گھر
کے اندر موجود چیزوں سے بنایا جا سکتا ہے - |
|
اجزا |
ناریل کا تیل، ویسلین، رنگین مومی پینسل اور ایک برتن |
|
طریقہ کار |
ناریل کے تیل کو پگھلا کر اس میں تھوڑی سی مقدار ویسلین کی شامل کر دیں۔ جس
رنگ کی لپ اسٹک بنانی ہو اس رنگ کی مومی پینسل کا انتخاب کر لیں اس میں دو
رنگوں کو ملا کر اپنی مرضی کا شیڈ بھی بنایا جا سکتا ہے- اس کے بعد پگھلے
ہوئے مومی رنگوں کو ناریل کے تیل اور ویسلین کے آمیزے میں ملا دیں تاکہ
اپنی مرضی کا رنگ مل سکے۔ اس کے بعد اس کو کسی بوتل میں ڈال کر فریج میں
رکھ دیں اور استعمال کریں۔ |
|
|
2: آئی شیڈو پرائمر |
آئی شیڈو کا استعمال آنکھوں کے اوپر فالتو چکنائی کو کم
کرنے کے لیے اور آنکھوں اور چہرے کو تروتازہ بنانے کے لیے کیا جاتا ہے۔ اس
کو بھی انتہائی آسانی سے گھر پر تیار کیا جا سکتا ہے۔ |
|
اجزا |
اس کی تیاری کے لیے جن اجزا کی ضرورت ہوتی ہے وہ کچھ اس
طرح سے ہے ایلوویرا جیل، فاؤنڈیشن، کنسیلر، ٹوتھ پک اور ایک پلیٹ چاہیے
ہوتی ہے |
|
طریقہ کار |
اس کی تیاری کے لیے ان تمام اشیا کو تھوڑی مقدار میں ایک
دوسرے سے ملا لیں اور ٹوتھ پک کی مدد سے اچھی طرح مکس کر لیں اسکے بعد اس
کا استعمال برش کی مدد سے کریں- |
|
|
سیٹنگ اسپرے |
یہ کافی مہنگا ہوتا ہے اور اس کو چہرے پر اس وقت اسپرے
کیا جاتا ہے جب کہ میک اپ مکمل ہو جاتا ہے اور یہ میک اپ کو دیر تک خراب
ہونے سے روکتا ہے- لیکن اس کو گھر پر بھی تیار کیا جا سکتا ہے- |
|
اجزا |
اس کی تیاری کے لیے ڈسٹل واٹر، سو فی صد گلیسرین، عرق
گلاب اور ایک اسپرے کی بوتل درکار ہوتی ہے- |
|
طریقہ کار |
اس کے لیے آدھی بوتل ڈسٹل واٹر لے لیں اور اس میں
عرق گلاب کو بطور ٹونر شامل کر دیں اور اس کے اندر دس سے پندرہ قطرے کسی
ڈراپر کی مدد سے گلیسرین کے ڈال لیں۔ اچھی طرح مکس کر لیں اور اسپرے کی
صورت میں استعمال کریں- |
|