اگربتی مت جلانا ورنہ--- وہ 6 نقصان دہ چیزیں جو ہم روزانہ کرتے ہیں لیکن ہمیں احساس تک نہیں ہوتا

 
عادات کی تبدیلی نہ صرف ممکن ہے بلکہ ضروری بھی ہے- بہت سی عادات ایسی ہوتی ہیں جو ایک طویل وقت سے ہماری زندگی کا حصہ ہوتی ہیں اور ہم انہیں اپنی بہترین زندگی کی ضمانت تصور کرتے ہیں- جیسے کہ کچھ لوگ جب بھی دن میں باہر نکلتے ہیں تو سن اسکرین یا سن بلاک کا استعمال کرتے ہیں یا پھر صبح سویرے گھر میں اگربتی جلانے کی عادت ہوتی ہے تاکہ گھر میں ہر طرف خوشبو پھیل جائے- لیکن یہ لوگ یہ نہیں جانتے کہ ان چیزوں کے نقصانات بھی ہیں-
 
سن اسکرین
ہم سب جانتے ہیں کہ دھوپ میں باہر نکلتے وقت سن بلاک یا سن اسکرین کا استعمال ہمیں جلد کے کینسر یا پھر ہماری جلد کو وقت سے پہلے بوڑھا ہونے سے بچاتا ہے- لیکن یہ بھی یاد رکھیں کہ سن اسکرین کا بہت زیادہ استعمال نہیں کرنا چاہیے کیونکہ جلد پر پڑنے والی سورج کی روشنی میں کمی اور وٹامن ڈی آپ کو دیگر اقسام کے کینسر کا شکار بنا سکتے ہیں-
 
چکنائی سے پرہیز
یہ حقیقت ہے کہ ہماری غذا میں شامل بہت زیادہ چکنائی ہمارے لیے دل اور وزن کے مسائل پیدا کرسکتی ہے- لیکن چکنائی کو غذا سے مکمل طور پر بھی خارج نہیں کرنا چاہیے- کیونکہ چکنائی وٹامنز کو ہمارے جسم میں جذب ہونے کے حوالے سے مدد فراہم کرتی ہے-
 
بہت زیادہ سبزیوں کو استعمال
یقیناً صحت بخش غذا میں سبزیوں کا شامل ہونا انتہائی ضروری ہے لیکن ایک طویل وقت تک بہت زیادہ سبزیاں استعمال کرنے سے ہمارا جسم تباہ ہوسکتا ہے- ایک دن میں 4 سے 5 مرتبہ سے زیادہ سبزیاں نہیں کھانی چاہئیں اور ہمیشہ تازہ سبزی کھائیں-
 
سیب کو چھلکوں کے بغیر کھانا
سیب کو چھلکوں کے ساتھ کھانا زیادہ فائدہ مند ہے کیونکہ اس کے چھلکوں میں سو فیصد ایسے غذائی اجزاﺀ پائے جاتے ہیں جو ہمیں دل کی بیماریوں سے محفوظ بنا سکتے ہیں- البتہ یہ بھی یاد رکھیں سیب کو چھلکوں کے ساتھ کھاتے ہوئے اسے اچھی طرح دھونا نہ بھولیں-
 
الارم کی بلند آواز
اکثر افراد الارم کو بلند آواز کے ساتھ سیٹ کرتے ہیں تاکہ وہ ہر حالت میں وقت پر جاگ سکیں لیکن یہ صحت کے لیے انتہائی خطرناک ہے- شور کی اونچی آواز دل کی دھڑکن اور بلڈ پریشر کو بڑھا دیتی ہے- چونکہ صبح کے ابتدائی اوقات میں انسان کا جسم بالکل پرسکون ہوتا ہے ایسے میں اس طرح کا شور اسے دباؤ کا شکار بنا سکتا ہے اور صحت پر منفی اثرات مرتب کرسکتا ہے-
 
اگربتی جلانا
اگربتی جلانا ہماری صحت پر مثبت اثرات کرتا ہے اور یہ ہمیں پرسکون بنانے کے ساتھ ساتھ ہمارے دباؤ میں کمی کا باعث بھی بنتا ہے- لیکن ساؤتھ چائنا یونیورسٹی آف ٹیکنالوجی کی ایک تحقیق کے مطابق روزانہ کئی گھنٹوں تک اگربتی کا جلنا پھیپھڑوں کے کینسر یا لیوکیمیا یا پھر برین ٹیومر سے جیسے خطرناک امراض کا شکار بنا سکتا ہے- اس کی وجہ اگربتی میں پائے جانے والے کیمیکل ہوتے ہیں-
Most Viewed (Last 30 Days | All Time)
07 Apr, 2021 Views: 3648

Comments

آپ کی رائے