گوگل میپ نے دولہا کو کسی اور خاتون کی تقریب میں پہنچا دیا--- جانیں پھر دولہا اور اس کے باراتیوں کے ساتھ کیا ہوا؟

 
یوں تو اس وقت گوگل میپ مختلف راستوں کی تلاش کے حوالے سے لوگوں کی رہنمائی کے معاملے میں ایک اہم کردار ادا کررہا ہے لیکن گزشتہ دنوں اسی گوگل میپ کی بدولت ایک دولہا اپنی شادی کی تقریب کے بجائے بارات لے کر کسی اور ہی خاتون کی منگنی کی تقریب میں پہنچ گیا-
 
جی ہاں حال ہی میں انڈونیشیا میں گوگل میپ پر دیا ہوا پتہ تلاش کرتے ہوئے ایک دولہا بارات سمیت غلط پتے پر کسی اور خاتون کی شادی والے گھر پہنچ گیا۔
 
اس روز گاؤں میں ایک جگہ شادی جبکہ دوسری جگہ منگنی کی تقریب منعقد کی جارہی تھی جس کی وجہ سے دولہا الجھ گیا اور اس گھر میں پہنچ گیا جہاں منگنی ہونے والی تھی۔
 
 
الفا نامی خاتون جن کی منگنی کی تقریب چل رہی تھی کے مطابق جب انہوں نے دولہا اور اس کے مہمانوں کو دیکھا تو انہیں اس بات پر شدید حیرت ہوئی کہ وہ ان میں سے کسی کو بھی نہیں جانتی تھی-
 
الفا کے مطابق ' میرے اہل خانہ نے دولہا اور دیگر مہمانوں کا احترام کے ساتھ خیرمقدم کیا۔ تاہم جلد ہی دولہا کے ساتھ آنے والے ایک مہمان کو اس بات کا احساس ہوگیا وہ غلطی سے ایک غلط مقام پر پہنچ گئے ہیں۔'
 
جس کے بعد دولہا اور اس کے باراتیوں نے الفا کے گھر والوں سے نہ صرف معافی مانگی بلکہ انہی کی مدد سے صحیح مقام تک رسائی بھی حاصل کی-
Most Viewed (Last 30 Days | All Time)
14 Apr, 2021 Views: 1897

Comments

آپ کی رائے