کرونا کا نام اس طرح لکھ کر دروازے پر لٹکا دو تو… بھارتی ماہرِ شماریات جو خراب اسپیلنگ سے دنیا کو کرونا سے نجات دلوانا چاہتا ہے

دنیا بھر کے سائنسدان تقریباً دو سالوں سے کرونا کے پھیلاؤ پر قابو پانے کے حوالے سے جدوجہد کر رہے ہیں جبکہ علم الاعداد و شمار کے ایک بھارتی ماہر کا خیال ہے کہ صرف کرونا کی اسپیلنگ میں ردو بدل کر کے ہم بڑی آسانی سے اس پر قابو پا سکتے ہیں-

جی ہاں ایسے وقت میں جب پورا بھارت کرونا سے شدید متاثر ہے یہ مضحکہ خیز دعویٰ خود ان کے ایک شہری اسٹینو گرافر اور شماریات کے ماہر آنند راؤ کا ہے جو کہ اتر پردیش سے تعلق رکھتے ہیں-

آنند راؤ کا ماننا ہے کہ انگریزی زبان میں “covid” اور “corona” کی اسپیلنگ تبدیل کر کے نہ صرف اپنے گھر سے کرونا کا خاتمہ ممکن ہے بلکہ دنیا بھر میں اس وبا پر قابو پایا جاسکتا ہے-

آنند راؤ نے ٹائمز آف انڈیا کو بتایا کہ “ موجودہ نام corona نے ایک خطرناک تعداد میں اضافہ کیا ہے جس نے پوری دنیا میں تباہی مچائی ہے- لیکن اگر ہم اعداد و شمار کو دیکھتے ہوئے اس کے نام میں طاقتور حروف کا اضافہ کر کے تبدیلی لاتے ہیں تو یہ وبا دنیا بھر سے غائب ہوجائے گی- اس کے لیے ہمیں Covid-19 کے بجائے ‘Covviyd-19’ لکھنا ہوگا“-

آنند راؤ شوقیہ طور پر علم شماریات سے وابستہ ہے اور انہوں نے خوش قسمتی کے لیے انگریزی زبان میں اپنے نام میں بھی 2 حروف کا اضافہ کر رکھا ہے- آنند نے کورونا کے نام میں تبدیلی کے حوالے سے ایک بینر بھی لگا رکھا ہے جس پر تم تفصیلات درج ہیں کہ کیسے کرونا سے بچاؤ ممکن ہے-

آنند کے مطابق اگر ایک بینر پر کرونا یا کوویڈ کے لفظوں کو انگلش میں اسپیلنگ کی تبدیلی کے ساتھ لکھ کر گھر کے دروازے یا عوامی مقامات پر لٹکا دیا جائے تو کرونا فوراً غائب ہوجائے گا- کیونکہ علم شماریات میں بہت زیادہ طاقت موجود ہے-

دوسری جانب سے اکثر افراد نے جہاں ایک جانب آنند کے اس مضحکہ خیز دعویٰ کو بےکار بات قرار دیا ہے تو دوسری طرف بعض لوگوں کا یہ بھی کہنا ہے کہ کیوں نہ اس طریقہ کار کو کرپٹ سیاستدانوں سے نجات کے لیے استعمال کیا جائے-

اسی طرح ایک ٹوئٹر صارف نے یہ بھی لکھا ہے کہ “ ان دنوں آپ کو مزاح کہیں بھی مل سکتا ہے“-

< Previous پاکستانی والدین کے بچوں کو ڈرانے کے چند دلچسپ انداز NEXT > ان تصویروں میں ایک جانور چھپا ہوا ہے اس کو تلاش کریں، اگر آپ نے 10 میں سے 8 نمبر لے لیے تو آپ کامیاب ٹھہرے - جوابات