|
|
| |
| اکثر لوگ پرفیوم خریدنے جاتے ہیں تو ان کی خواہش ہوتی ہے
کہ خوشبو اچھی ہونے کے ساتھ ساتھ پرفیوم ایسا ہو جس کی خوشبو بہت دیر تک ان
کا ساتھ دے اور بار بار پرفیوم لگانے کی ضرورت نہ پڑے۔ |
| |
| لیکن مہنگے سے مہنگا اور بہترین سے بہترین خوشبو والا
پرفیوم خرید کر بھی لوگوں کی تسلی نہیں ہوتی کیونکہ وہ تھوڑی دیر میں ہی اڑ
جاتا ہے۔ دراصل پرفیوم کو زیادہ دیر تک ٹہرنے کے لیے زیادہ خوشبودار تیل کی
ضرورت ہوتی ہے جتنا زیادہ پھولوں کا یا خوشبو دار اشیاء کا تیل پرفیوم میں
شامل ہوگا اتنی دیر وہ آپ کا ساتھ دے گا۔ اس آرٹیکل میں ہم آپ کو ایسے
فرینچ لیبلز کے بارے میں بتائیں گے جو پرفیوم کی بوتل پر نمایاں طور پر
لکھے ہوتے ہیں جن سے آپ ان میں خوشبو کی سطح کا اندازہ کرکے یہ پتا چلا
سکتے ہیں کہ یہ والا پرفیوم کتنی دیر آپ کا ساتھ نبھا سکے گا |
| |
|
|
| |
| 1- Eau De Parfum |
| سب سے زیادہ دیر تک ٹھہرنے والی خوشبو میں سے ایک Eau De
Parfum کی ہے۔ اس میں 15 سے 20 فیصد تک خوشبودار تیل شامل کیے جاتے ہیں جس
کی وجہ سے یہ 4 سے 5 گھنٹے تک ٹہر سکتی ہے۔ پرفیوم کی طرح اس میں بھی باقی
اقسام کے مقابلے میں کم الکوحل شامل ہوتا ہے اس لئے حساس جلد والوں کو اس
سے بھی زیادہ الرجی نہیں ہوتی۔ روزمرہ کے استعمال کے لئے قیمت کے اعتبار سے
بھی موزوں ترین قسم ہے |
|
|
| |
| 2- Eau de Toilette |
| یہ پرفیوم کی سب سے عام قسم ہے اور زیادہ تر لوگ معلومات
نہ ہونے کی وجہ سے اسی قسم کو زیادہ دیر ٹہرنے والا پرفیوم سمجھ کرخریدتے
ہیں جبکہ اس میں خوشبودار آئل کی مقدار 5 تا 15 فیصد ہوتی ہے اسی وجہ سے اس
کی خوشبو تین گھنٹے سے زیادہ نہیں ٹہر سکتی۔ یہ تیاری کے دوران اور گھر سے
نکلتے ہوئے خوشبو دیتی ہے اس کے بعد اڑ جاتی ہے |
|
|
| |
| 3- Eau De Cologne |
| اس میں آئل 2 سے 4 فیصد ہوتا ہے۔ الکوحل کی مقدار زیادہ
ہونے کی وجہ سے یہ قسم کافی سستی اور بڑی بوتلوں میں دستیاب ہوتی ہے اس کی
خوشبو زیادہ سے زیادہ 2 گھنٹے تک رہتی ہے |
|
|
| |
| 4- Eau Fraiche, Mist
اور Aftershave |
| یہ Eau De Cologne کی طرح ہی زیادہ سے زیادہ 2 گھنٹے تک
خوشبو برقرار رکھ سکتے ہیں لیکن ان میں آئل کنسنٹریشن 2 سے 3 فیصد یعنی Eau
De Cologne سے بھی کم ہوتی ہے اور ان میں الکوحل کے بجائے پانی شامل ہوتا
ہے |
|
|