سر آپ کو اجازت نہیں ہے... وہ 7 چیزیں جو آپ تو کر سکتے ہیں لیکن امریکی صدر نہیں کرسکتا

ہم سب سے جانتے ہیں کسی بھی ملک کا صدر یا وزیراعظم سب سے اہم شخصیت ہوتے ہیں اور یہی وجہ ہے کہ ان شخصیات کی سیکورٹی بھی اعلیٰ درجے کی ہوتی ہے- تاہم اس سیکورٹی کے نام پر بعض ایسے کام بھی ہوتے ہیں جو سننے میں انتہائی حیران کن معلوم ہوتے ہیں- اسی مناسبت سے ہم آپ کو 7 ایسے عام کاموں کے بارے میں بتا رہے ہیں جو آپ جب چاہے کرسکتے ہیں لیکن امریکی صدر کو ان کی اجازت نہیں ہوتی-

دوست کو فون کرنا

یقیناً کسی دوست کا فون کرنا ایک عام سی بات ہے اور آپ جب دل چاہے اپنے دوست کو کال کرسکتے ہیں- لیکن امریکی صدر کے لیے یہ عام سا کام آسان نہیں ہے- امریکی صدر سے پرائیوٹ لائن سے ہی کال کرسکتے ہیں- اگر وہ اپنے کسی دوست کو فون کرنا چاہتے ہیں تو انہیں پہلے سیکورٹی پر مامور خفیہ ایجنسی کو آگاہ کرنا ہوگا-

تھیٹر جانا

امریکہ کے صدر پر فلم دیکھنے کے لیے تھیٹر جانے پر بھی پابندی ہوتی ہے- ان کے لیے فلم ان کے ذاتی تھیٹر میں ہی مہیا کی جاتی ہے اور یہ تھیٹر وائٹ ہاؤس میں ہی واقع ہوتا ہے-

باہر کھانا کھانے جانا

امریکی صدر جب چاہے کھانے کے لیے باہر نہیں جاسکتا انہیں پہلے سیکرٹ سروس کو آگاہ کرنا ہوتا ہے جو کہ مطلوبہ ریسٹورنٹ کی سیکورٹی کو یقینی بناتی ہے- اس کے علاوہ ریسٹورنٹ پہلے ایک ایسا شخص بھی موجود ہوتا ہے جو پہلے کھانے کو چکھ کر اس بات کو یقینی بناتا ہے کہ کھانا محفوظ ہے اور اسے کھایا جاسکتا ہے-

کار ڈرائیو کرنا

امریکہ کے صدر کو گاڑی چلانے کی اجازت بھی نہیں ہوتی- وہ ایسی گاڑی میں سفر کرتے ہیں جو بھاری اسلحہ سے لیس ہوتی ہے جبکہ ڈرائیور انتہائی تجربہ کار ہوتا ہے- تاہم انہیں اپنی ذاتی لوکیشن پر پیدل چلنے اور بائیک چلانے کی اجازت ضرور ہوتی ہے-

بچوں کی تقریبات میں شرکت

سابقہ امریکی صدور کے مطابق انہیں ایسے اسپورٹس ایونٹ وغیرہ میں شرکت کی اجازت بھی نہیں ہوتی جن میں ان کے بچے بھی حصہ لے رہے ہوں- اور اس سب کے منفی اثرات امریکی صدور کی فیملی پر بھی پڑتے ہیں-

کھڑکی نہیں کھل سکتی

یقیناً اپنے کمرے یا گھر کی کوئی کھڑکی کھولنا کوئی بڑی بات نہیں لیکن امریکی صدر کو اس بات کی بھی اجازت نہیں ہوتی- سیکورٹی وجوہات کی بنا پر کسی امریکی صدر کو بھی وائٹ ہاؤس یا پھر گاڑی کی کھڑکی کھولنے کی اجازت نہیں دی جاتی-

صفائی نہ کریں

صدر سے خصوصی طور پر کہا جاتا ہے کہ وہ اپنے دفتر یا خطوط کی صفائی نہ کریں- کوئی بھی لیٹر یا کاغذ کچرا دان میں پھینکنے سے قبل عملہ اس کی اچھی طرح جانچ کرتا ہے اور اس کے بعد کچرا دان میں پھینکتا ہے-