صرف چند سال میں اتنا کچھ بدل گیا-- چند حیران کن تصاویر جو ظاہر کرتی ہیں کہ دنیا کتنی تبدیل ہوچکی ہے؟

زلزلے، آتش فشاں، سونامی اور طوفان جیسے قدرتی واقعات کے نتیجے میں ہمارا سیارہ کافی تبدیل ہوچکا ہے جبکہ بعض جگہ پر تبدیلی انسانوں کی وجہ سے بھی ہے- آج ہم آپ کو دعوت دیتے ہیں، یہ دیکھنے کی کہ حالیہ دہائیوں میں ہماری پیاری زمین کے کچھ کونے کس طرح بدل چکے ہیں۔ بدقسمتی سے، ان میں سے زیادہ تر تبدیلیاں انسانی سرگرمی کا نتیجہ ہیں۔

نقشے پر نئے جزائر

دبئی شہر میں حالیہ چند سالوں کے دوران بڑے پیمانے پر توسیع کی گئی ہے- اور اس دوران اس کی آبادی میں بھی تیزی سے اضافہ ہوا ہے- ایک سیاحتی شہر ہے اور اسی وجہ سے سیاحوں کی تفریح کے لیے یہاں کئی مصنوعی جزیرے پر تعمیر کیے گئے ہیں-

رنگ تبدیل کرتا پانی

پہلی نظر میں تنزانیہ کی نائٹرون جھیل کی 1984 کی اس تصویر کو دیکھ کر ایسا لگتا ہے کہ جیسے یہ زمین ہے جبکہ یہ گلابی رنگ کا پانی ہے جس کی وجہ نمک کی زیادتی ہے- تاہم سالوں کے دوران اس میں جراثیم اور الجائی کے پھیلنے کی وجہ سے یہ پانی اپنا رنگ تبدیل کر چکا ہے-

جنگلات کی کٹائی

بولیویا کے سان جولین میں سویا بین کی کاشت کے لیے جنگلات کی کٹائی کی وجہ سے پیدا ہونے والی صورتحال کا اندازہ ان تصاویر سے لگایا جاسکتا ہے- یقیناً منفی ماحولیاتی تبدیلیوں کی ایک بڑی وجہ جنگلات کی بےدریغ کٹائی بھی ہے-

گلوبل وارمنگ کا مقابلہ

چین میں بڑے پیمانے پر بجلی کے حصول کے لیے سولر پینل نصب ہیں- اور یہ توانائی حاصل کرنے کا ایک ماحول دوست طریقہ ہے جس سے آلودگی سے بھی بچا جاسکتا ہے- زیادہ سے زیادہ قدرتی طریقے سے توانائی حاصل کرنے والے ممالک میں چین کے علاوہ امریکہ اور جاپان بھی شامل ہیں-

پگھلتے گلیشیر

دنیا بھر کے گلیشیر پگھلنے کی وجہ سے بتدریج غائب ہوتے جارہے ہیں- یہ تصاویر امریکہ کے کولمبیا گلیشیر کی ہیں جن میں دیکھا جاسکتا ہے کہ دہائیوں قبل اپنا وجود رکھنے والا گلیشر اب پانی میں تبدیل ہوچکا ہے- یہ گلیشیر درجہ حرارت کی وجہ سے سب سے زیادہ متاثر ہونے والے گلیشیرز میں سے ایک ہے-

ازبکستان اور قازقستان کے درمیان بحیرہ ارال

یہ ایک اور واضح مثال ہے کہ انسانی لالچ کس قدر تباہ کن ہوسکتی ہے۔ سن 1960 میں، صحرا کے وسط میں کپاس اور دیگر فصلوں کی تیاری کے لئے بحیرہ ارال (جو حقیقت میں ایک جھیل ہے) کے پانی کو موڑنے اور ندی بنانے کے لئے ایک منصوبہ شروع کیا گیا تھا۔ اس منصوبے نے جھیل کو تقریباً مکمل طور پر خشک کردیا کیونکہ کپاس دنیا میں پانی کا سب سے زیادہ استعمال کرنے والی سب سے بڑی فصلوں میں سے ایک ہے۔

زمین پر نیا سرسبز مقام

امید ہے کہ، اگلی 4 دہائیوں میں، ہم زمین کی تزئین میں اس قسم کی مزید تبدیلیاں دیکھیں گے۔ ان تصاویر میں ماحولیاتی ذخائر کی بحالی کو دیکھا جاسکتا ہے ہے جو چین میں گزشتہ صدی کے دوران خشک ہو رہے تھے۔ "گریٹ گرین وال" کہلانے والے اس اقدام کا مقصد ، پورے علاقے میں اربوں درخت لگا کر زمین کو دوبارہ سے سرسبز بنانا ہے۔