|
|
چند بوندیں برستے ہی شہریوں کو جس نئی مصیبت کا سامنا
کرنا پڑتا ہے ان میں سے ایک مکھیوں کی بہتات ہے۔ جگہ جگہ بارش کا کھڑا پانی
اور کچرے کا ڈھیر ان مکھیوں کے لئے خوب ہی سازگار ماحول پیدا کرتا ہے اور
گھر کے اندر باہر جدھر دیکھو ہر شے پر مکھیاں اڑتی دکھائی دیتی ہیں جو
مختلف بیماریوں اور انفیکشنز کا سبب بنتی ہیں۔ اس آرٹیکل میں ہم مکھیاں
بھگانے کے چند سادہ اور آسان طریقے بتانے جارہے ہیں جنھیں آزما کر ان تنگ
کرنے والی مکھیوں کو اپنے گھر سے دور بھگایا جاسکتا ہے۔ |
|
پسی مرچ کا اسپرے |
اس ٹوٹکے کو آزمانے کے لئے آپ کو صرف پسی ہوئی سرخ مرچ،
پانی اور اسپرے بوتل چاہئیے ہوگی۔ اسپرے بوتل میں پانی اور مرچیں ڈال کر
ہلائیں اور سارے گھر میں اچھی طرح اسپرے کردیں۔ ہر بار گھر صاف کرنے کے بعد
اسپرے کرتے رہیں تو مکھیوں سے جان چھٹ جائے گی۔ |
|
|
لونگ اور لیموں |
لونگ کی بو کے آگے مکھیاں نہیں ٹہر سکتیں۔ چند لیموؤں کو
پیچ سے کاٹ کر دو حصوں میں تقسیم کر لیں اور ان پر لونگ لگا کر کمرے کے
مختلفف کونوں میں رکھ دیں۔ یہ طریقہ گھر سے باہر پکنک مناتے ہوئے بھی
استعمال کیا جاسکتا ہے۔ |
|
|
سادے پانی کی تھیلی |
اس کار آمد ٹوٹکے کے لئے آپ کو صرف پلاسٹک کی ایسی تھیلی
چائیے ہوگی جس سے پانی لیک نا ہوتا ہو اس کے بعد تھیلی میں پانی بھر کر اور
اوپر سے اچھی طرح باندھ کر کسی روشن جگہ پر لٹکا دیں۔ روشنی جیسے ہی تھیلی
پر پڑے گی، منعکس ہو کر مکھیوں کی آنکھیں چندھیا دے گی اور مکھی کو تھیلی
مکڑی کے جالے کی مانند دکھائی دے گی اس لئے وہ وہاں سے بھاگ جائیں گی۔ |
|
|
پودینہ |
یہ طریقہ باورچی خانے سے مکھیاں بھگانے کے لئے بہترین ہے۔
چھوٹے چھوٹے ڈبوں میں پودینہ اگائیں اور کچن میں رکھ دیں۔ اس طرح ایک تو آپ
کو تازہ پودینہ میسر آجائے گا اور دوسرا پودینے کی خوشبو چونکہ مکھیوں کو
ناگوار گزرتی ہے اس لئے وہ آپ کے باورچی خانے سے کوچ کرجائیں گی۔ پودینہ
مکھی کے علاوہ باقی کیڑے مکوڑوں کو بھگانے کے لئے مفید ہے |
|