|
|
| |
| کسی بھی خاندان کے لیے یہ خبر بہت خوشی کی ہوتی ہے کہ اس
میں اضافہ ہونے جا رہا ہے۔ یہ خبر صرف نئے بننے والے ماں باپ کے لیے ہی
خوشی کا باعث نہیں ہوتی ہے بلکہ اس سے جڑے ہر رشتے جن میں دادی، نانی، خالہ،
پھپھو سب شامل ہوتی ہیں یہی وجہ ہے کہ حاملہ ماں کے لیے مشوروں کی ایک لائن
لگ جاتی ہے- اگرچہ میڈیکل ماہرین بارہا اس بات کو دہرا چکے ہیں کہ اس دنیا
میں ہر عورت کے حمل کی حالت و علامات دوسری عورت سے مختلف ہوتی ہے مگر اس
کے باوجود ہر عورت اپنے تجربات نئی ماں بننے والی عورت سے لازمی شئير کرتی
ہے اور اپنے تجربات کے نتیجے میں ہدایات جاری کرتی ہے جن میں سے کچھ ہدایات
کے بارے میں ہم آپ کو آج بتائيں گے- |
| |
| ان چیزوں کے کھانے سے
بچہ کالا ہو جائے گا |
| عام طور پر حاملہ ماں کو اس وقت میں زیادہ سے زیادہ آئرن
کی ضرورت ہوتی ہے جوکہ بچے کی نشونما کے لیے ضروری ہوتا ہے اس کمی کو پورا
کرنے کے لیے عام طور پر ڈاکٹر زیادہ آئرن والی اشیا کھانے کا مشورہ دیتے
ہیں جن میں پالک ، کلیجی ، گاجر ، ٹماٹر وغیرہ شامل ہوتے ہیں اور بعض اوقات
ڈاکٹر ایسی خواتین کو آئرن کی گولیاں کھانے کا بھی مشورہ دیتے ہیں- مگر کچھ
خدائی فوجدار قسم کی خواتین ایسی بھی ہوتی ہیں جو کہ حاملہ عورت کو زیادہ
آئرن والی غذاؤں کے استعمال سے منع کرتی ہیں ان کے نزدیک جو عورتیں ایسی
غذائیں استعمال کرتی ہیں ان کے پیدا ہونے والے بچے کالے ہوتے ہیں اس کے
ساتھ ساتھ زیادہ کوک پینے سے بھی بچہ کالا ہوتا ہے- اگر ایسا کچھ ہوتا تو
انگریزوں کی عورتیں سال کے بارہ مہینے کالے بچوں کی خاطر کوک ہی پیتی رہتیں- |
| |
| تنگ کپڑے مت پہنو بچے کا
سانس گھٹے گا |
| حمل کی حالت میں کچھ لوگوں کا یہ بھی ماننا ہے کہ ماں کو
ڈھیلے ڈھالے کپڑے پہننے چاہئیں اگر ماں ٹائٹ یا فٹنگ کے کپڑے پہنے گی تو اس
سے بچے کا دم بھی گھٹ سکتا ہے- |
| |
|
|
| |
| تازہ پھولوں کے گجرے مت
پہنو ورنہ جن آجائے گا |
| عام طور پر نئی شادی شدہ لڑکیوں کو پھولوں کے گجرے پہننے
کا شوق ہوتا ہے مگر جیسے ہی ان کو یہ خبر ملتی ہے کہ وہ ماں بننے والی ہیں
تو اس کو سب لوگ یہ گجرے پہننے سے منع کر دیتے ہیں کہ جو حاملہ عورتیں گجرے
پہنتی ہیں ان کے اوپر جن آجاتے ہیں- |
| |
| میٹھا کھانے سے لڑکا
ہوتا ہے |
| اگر حمل کی حالت میں ماں کا میٹھا کھانے کا دل چاہ رہا
ہو تو یہ ان آنٹیوں کے نزدیک اس بات کی علامت ہے کہ بیٹا پیدا ہوگا جب کہ
اگر ماں کا دل نمکین یا چٹپٹا کھانے کو چاہ رہا ہے تو یہ بیٹی کے پیدا ہونے
کی نشانی ہے - یعنی یہ آنٹیاں تو چلتی پھرتی الٹرا ساونڈ مشین ہو گئیں- |
| |
|
|
| |
| مہندی کا ڈیزائن بچے پر
چھپ جائے گا |
| کچھ خواتین حاملہ عورت کو یہ بھی مشورہ دیتی نظر
آتی ہیں کہ حالت حمل میں مہندی مت لگانی چاہیے کیوں کہ اس مہندی کا ڈیزائن
بچے کی جلد پر چھپ سکتا ہے ویسے ایک راز کی بات ہے کیا آپ نے کبھی کوئی
ایسا بچہ دیکھا جس کے اوپر پیدائشی طور پر مہندی کے ڈیزائن چھپے ہوں اگر
ایسا کچھ ہوا ہو تو شئير کریں- |
| |
| چاند گرہن اور سورج گرہن
میں سیدھا لیٹو |
| یہ مشورہ تو عام طور پر سب ہی نے سنا ہو گا کہ جب بھی
آسمان پر چاند گرہن یا سورج گرہن لگے تو ایسی صور ت میں حاملہ ماں کو بس
لیٹے رہنا چاہیے اگر وہ چھری یا قینچی سے کوئی کام کرے گی تو اس سے بچہ کی
آنکھوں میں شعاعیں جائیں گی جو اس کو اندھا بھی کر سکتی ہیں یا پھر پیدائشی
طور پر اس کے ہونٹ کٹ جائيں گے یا جسم پر کالے نشان پڑ سکتے ہیں اس وجہ سے
اس وقت میں بس لیٹے رہنا چاہیے- |
| |
| جب کہ سائنسی طور پر اس
بات میں کوئی بھی حقیقت نہیں ہے |
| اگرچہ یہ تمام نصیحتیں اور مشورے لوگوں کے ذاتی تجربات
کی روشنی میں بیان کیے جاتے ہیں مگر یہ لازمی نہیں ہے کہ یہ حتمی طور پر
درست بھی ہوں- |