|
|
گرمی کے موسم سے بچنے کے لئے لوگ اے سی تو لگوالیتے ہیں
لیکن معلومات نا ہونےکی وجہ سے مختلف پریشانیوں کا شکار بھی ہوجاتے ہیں۔
کبھی کہتے ہیں کہ اے سی کے باوجود کمرا صحیح سے ٹھنڈا نہیں ہوپارہا تو کبھی
یہ فیصلہ نہیں کرپاتے کہ کس کمرے کے لئے کتنا بڑا اے سی لینا چاہئیے۔ اے سی
کے متعلق ان تمام مسائل کو مدِ نظر رکھتے ہوئے “ہماری ویب“ کی ٹیم نے
“الحرم الیکٹرونکس“ میں اے سی کی خریدوفروخت کرنے والے نمائندے سے انٹرویو
لیا اور ان کے تجربات کی روشنی میں اے سی کے بارے میں بنیادی سوالات کیے جن
کے جواب ہم قارئین کی نظر کررہے ہیں۔ |
|
کتنا بڑا اے سی لینا
چاہئیے؟ |
اے سی لیتے ہوئے کتنا بڑا اے سی خریدیں اس بات کا فیصلہ
کرنے کے لئے بس ایک کیلکولیٹر کی ضرورت ہے۔ کمرے کی لمبائی اور چوڑائی کو
آپس میں ضرب دیں اور جو جواب آئے اسے 144 سے تقسیم کردیں۔ مثال کے طور پر
ایک عام کمرے کی لمبائی اور چوڑائی 12 فیٹ ہوتی ہے تو 12 کو 12 سے ضرب دیں
گے جس کا جواب 144 آئے گا۔ اب اس کو 144 سے ہی تقسیم کریں گے تو جواب “1“
آئے گا۔ جس کا مطلب ہے آپ کے کمرے میں ایک ٹن کا اے سی کافی ہوگا۔ |
|
|
|
اسی طرح اگر کمرے کی لمبائی 12 اور چوڑائی 14 فیٹ ہے تو
اسے 12*14 سے ضرب دیں گے ۔ جس کا جواب 168 آئے گا۔ اب 168 کو 144 سے تقسیم
کیا جائے گا جس کا جواب 1.1 آئے گا اس کا مطلب ابھی بھی کمرے کے لئے ایک ٹن
کا اے سی کافی ہوگا۔ البتہ اگر جواب 1.4 یا اس سے زیادہ آئے تو اس کا مطلب
آپ کو ڈیڑھ ٹن کا اے سی لگوانے کی ضرورت ہے۔ اے سی کے سائز کا انحصار اس
بات پر بھی ہوتا ہے کہ آپ کے کمرے کا رخ دھوپ کی طرف ہے یا سائے کی طرف۔
اگر کمرہ دن بھر دھوپ کی تپش میں رہتا ہے تو ایک ٹن سے زائد کا اے سی لینا
ہی بہتر ہے۔ اے سی کا سائز نکالنے کے لئے 144سے تقسیم کرنا اسٹینڈرڈ
فارمولا ہے |
|
|
|
اے سی کس جگہ لگائیں |
محمد اشرف نے اس بارے میں بات کرتے ہوئے بتایا کہ اگر کم
ٹن کا اے سی ہے اور کمرہ بھرپور طریقے سے ٹھنڈا نہیں ہورہا تو اے سی کو بیڈ
کے اوپر والی دیوار پر لگائیں۔ اس طرح کمرہ ٹھنڈا ہو یا نہیں لیکن اے سے
ملنے والی ہوا آپ تک ضرور پہنچے گی۔ اسی طریقے پر عمل کرتے ہوئے اگر ہم
ڈرائینگ روم یا لاؤنج میں اسی جگہ اے سی لگوائیں جہاں لوگ بیٹھتے ہیں تو اس
سے اے سی کے کمرہ ٹھنڈا نا ہونے کی شکایت کم ہوجائے گی۔ |
|
|
|
کونسا اے سی کتنے فیصد
بچت کرتا ہے |
اکثر اے سی کے اوپر 70 فیصد یا 50 فیصد بچت کا اسٹیکر
لگا ہوا ہوتا ہے۔ لیکن محمد اشرف کے مطابق اس اسٹیکر سے مراد یہ ہوتی ہے کہ
فلاں اے سی زیادہ سے زیادہ سے اسٹیکر میں موجود عدد جتنی بچت کرسکتا ہے
لیکن ایسا ہوتا نہیں کیونکہ اے سی کی بچت کا دارومدار کمرے اور صارف کی
ضروریات پر انحصار کرتا ہے۔ |
|
|
|
میگا ٹی تھری انورٹر کیا
ہے |
ہماری ویب کے نمائندے کے سوال پر محمد اشرف نے بتایا کہ
میگا تھری دراصل ایک جدید طرز کا کمپریسر ہے جو گزشتہ سالوں کی گرمی اور
شدید ترین لو کے مشاہدے کے بعد بنایا گیا۔ میگا تھری کمپریسر شدید گرمی میں
بھی کمرے کو ٹھنڈا رکھنے کی صلاحیت رکھتا ہے۔ |
|
اے سی خریدتے ہوئے یہ
باتیں مدِنظر رکھیں |
محمد اشرف کے مطبق اے سی خریدتے ہوئے سب سے پہلے اس کا
برانڈ اور پھر وارنٹی دیکھنی چاہئیے۔ اگر برانڈ پرانا اور بھروسے مند ہوگا
تو وارنٹی پر عمل بھی ممکن ہوگا البتہ اگر کوئی نیا برانڈ ہے تو اس کی دی
گئی بڑی سے بڑی وارنٹی پر یقین کرنا بھی قدرے رسکی کام ہوگا |
|