ٹک ٹاک ویڈیو کا انوکھا استعمال سامنے آگیا، ماں نے اپنی پانچ سالہ گمشدہ بیٹی کے لیے ایسی ویڈیو بنائی جو دیکھتے ہی دیکھتے وائرل ہوگئی

ٹک ٹاک ویڈیوز کے حوالے سے دنیا بھر میں مختلف رائے رکھی جاتی ہے ۔ درحقیقت ٹک ٹاک چین کی بنائی گئی ایک ایسی ایپ ہے جس کے ذریعے عام انسان بھی آسانی سے اپنی ویڈيو بنا کر سوشل میڈیا پر شئير کر سکتا ہے - اس ویڈیو کے آسان ترین استعمال کے سبب بڑی تعداد میں لوگ اپنی ویڈیوز بنا کر سوشل میڈيا پر شئير کرتے ہیں اور ان میں سے بہت سارے لوگ لاکھوں کی تعداد میں فالورز کی موجودگی کے سبب اس ایپ کے ذریعے پیسے کما رہے ہیں-

امریکہ میں ٹک ٹاک ویڈیو کا منفرد استعمال

حالیہ دنوں میں امریکہ کی ریاست ٹینیس میں سے ایک پانچ سالہ ثمر ویلز گم ہو گئی جس کی گمشدگی کی رپورٹ اس کے والدین نے پولیس میں بھی کروائی مگر تمام تر کوششوں کے باوجود اس کا کچھ بھی پتہ نہ چل سکا-

@canduswells
♬ Missing Person - Hollywood Film Music Orchestra

سولہ جون کو لاپتہ ہونے والی ثمر کے حوالے سے پولیس انویسٹی گیشن ڈپارٹمنٹ کے چیف کا کہنا ہے کہ وہ لوگ تحقیقات کر رہے ہیں لیکن اس بچی کے لاپتہ ہونے کے حوالے سے اب تک کوئی خبر نہیں مل سکی ہے-

ثمر کی گمشدگی کی رپورٹ ان کی والدہ کینڈس ویل نے کروائی تھی ۔ مگر بچی کی گمشدگی نے اس کی والدہ کو بہت بےچین کر دیا تھا اور انہوں نے اپنی بچی کی تلاش کے لیے ایک منفرد طریقہ اختیار کرنے کا فیصلہ کیا-

انہوں نے اپنے اکاؤنٹ سے ایک ویڈیو بنائی جس میں بچی کی مختلف مواقعوں کی تصاویر کو شامل کیا جس میں وہ مختلف بچوں کے ساتھ کھیلتے ہوئے اور ہنستے مسکراتی ہوئی نظر آرہی تھی- ان تصاویر کے ساتھ ساتھ بچی کی والدہ نے ایک نوٹ بھی تحریر کیا جس میں انہوں نے ایک دکھی اور پریشان ماں کے دل کا حال کھول کر رکھ دیا-

"میری پیاری بچی ماما اور ڈيڈی تمھیں بہت مس کر رہے ہیں۔ہم تمھیں ہر جگہ ڈھونڈ رہے ہیں اور اس وقت تک چین سے نہیں بیٹھیں گے جب تک تم کو ڈھونڈ نہیں لیں گے "-

کینڈس ویل کی یہ ویڈیو ٹا ٹاک پر لگتے ساتھ ہی وائرل ہو گئی اس ویڈیو کو صرف دو دن کے اندر 86 ہزار افراد نے نہ صرف دیکھا بلکہ ہزارہا لوگوں نے اس ویڈيو پر کمنٹ اور شئير بھی کیے-

تاہم ابھی تک پولیس ڈپارٹمنٹ کے مطابق 5 سالہ بچی کے حوالے سے کچھ پتہ نہیں چل سکا مگر امید کی جا رہی ہے کہ اس ٹک ٹاک ویڈيو کے ذریعے جلد ہی اس کے ماں باپ کو ثمر کے حوالے سے کوئی نہ کوئی خوشخبری ضرور مل جائے گی-

< Previous یہ اب کس کام کی ہے --- کچھ بےکار چیزیں جو اکثر افراد سالوں سنبھال کر رکھتے ہیں NEXT > ان تصویروں میں ایک جانور چھپا ہوا ہے اس کو تلاش کریں، اگر آپ نے 10 میں سے 8 نمبر لے لیے تو آپ کامیاب ٹھہرے - جوابات