|
|
| |
| کسی بھی نوکری کو جوائن کرنے سے پہلے بتا دیا جاتا ہے کہ
ملازم کی ذمہ داریاں کیا ہیں اور ان کو ان ذمہ داریوں کے بدلے میں کیا کیا
مراعات حاصل ہوں گی ۔ یہ ایک لازمی سی بات ہے کہ اگر ملازم اپنی ذمہ داریاں
بہتر طور پر ادا نہ کر سکے تو مالک کو یہ اختیار حاصل ہوتا ہے کہ ملازم کو
نوکری سے جواب دے دے- مگر بعض اوقات نوکری سے نکالے جانے کی کچھ ایسی
وجوہات بھی ہوتی ہیں جو کہ حیرت انگیز ہوتی ہیں - |
| |
| نوکری کے اوقات میں جمائياں لینے پر جواب مل گیا
|
| عام طور پر مختلف بڑے ہوٹل اور ریسٹورنٹ میں سیکیورٹی کا
مناسب ہونا بہت ضروری ہوتا ہے کیونکہ وہاں بہت سارے سیلیبریٹی اور خاص
افراد آتے ہیں جن کی سیکیورٹی ہوٹل والوں کی ذمہ داری ہوتی ہے- رٹز کارلٹن
نامی کمپنی امریکہ میں مختلف لگژری ہوٹل کے چین چلانے والی کمپنی ہے اس
کمپنی نے اپنے ایک سیکیورٹی گارڈ کو نوکری سے صرف اس لیے نکال دیا کہ وہ
جاب کے دوران مستقل جمائیاں لے رہا تھا- اس کی یہ سستی جب سی سی ٹی وی
کیمروں میں دیکھی گئی تو مالکوں نے اس کو دوسرا موقع دیے بغیر نوکری سے
نکالنا بہتر سمجھا- |
|
|
| |
| ساتھ کام کرنے والے کو بے تکلفی سے پکارنے پر نوکری ختم
|
| میکڈونلڈ جو کہ مشہور فاسٹ فوڈ کمپنی چین کے طور پر دنیا
بھر میں مشہور ہے اس کے ایک ملازم کو صرف اس وجہ سے نوکری سے باہر کر دیا
گیا کہ وہ اپنے ساتھیوں کے ساتھ اس حد تک بے تکلف ہو گیا کہ ان کو ان کے نک
سے پکارنے لگا جس پر کمپنی کے مالکان نےاس کو نوکری سے جواب دے کر فارغ کر
دیا- |
|
|
| |
| کاغذات درست اسٹیپل نہ کر سکنا نوکری سے جواب کا سبب
ٹہرا |
| ایسا ہی ایک ملازم نے سوشل میڈیا پر شئیر کیا جس میں ان
کا یہ کہنا تھا کہ ان کو نوکری سے جواب ملنے کی وجہ نہ تو ان کا کام ٹھیک
سے نہ کر سکنا تھا اور نہ ہی کام پر دیر سے آنا تھا- بلکہ ان کی مالک کو وہ
انداز پسند نہیں تھا جس سے وہ کاغذات کو اسٹیپل کرتی تھیں اور اس بنیاد پر
ان کی مالکن نے ان کو نوکری سے جواب دے دیا- |
|
|
|
|
|
ٹوائلٹ میں زیادہ دیر گزارنا نوکری چھڑانے کا سبب ٹہرا
|
|
ٹوائلٹ جانا حوائج ضروریہ کا وہ کام ہے جس سے کسی بھی ملازم کو روکا نہیں
جا سکتا ہے مگر ٹوائلٹ میں زیادہ دیر تک رہنا کام چوری سمجھ کر جواب دینے
کا واقع بھی ہو چکا ہے جس کے مطابق ایک ملازم کو صرف اس وجہ سے نوکری سے
جواب دے دیا گیا کہ وہ رش کے اوقات میں دس منٹ تک ٹوائلٹ میں گزار کر آیا
جس پر اس کے مالک کو اتنا اشتعال آیا کہ اس نے اس کو نوکری سے ہی جواب دے
دیا- |
|
|