میری پہلی شادی ناکام نہ ہوتی اگر میرا شوہر ۔۔ فیشن ڈیزائنر ماریہ بی کی زندگی سے متعلق کچھ ایسے سچ جو کوئی بھی نہیں جانتا

پاکستان فیشن انڈسٹری میں یوں تو کئی نام نمایاں ہیں جن میں سے کچھ اپنے کام اور کچھ آئے روز خبروں کی زد میں رہنے کی وجہ سے شہرت رکھتے ہیں۔ لیکن آج ہم بات کریں گے ماریہ بی کی جو کم عمری میں ہی اپنے نام کو پاکستان ہی نہیں بلکہ دبئی کا بھی مہنگا ترین برانڈ بنانے میں کامیاب رہی ہیں۔ تو آئیے جانتے ہیں ماریہ بی کی ذاتی زندگی کے بارے میں وہ باتیں جن کا علم بہت کم لوگوں کو ہے

ماریہ بی کا اصلی نام ماریہ بٹ ہے اور وہ پنجابی کشمیری ہیں۔ ماریہ نے پاکستان اسکول آف فیشن انڈسٹری سے باقاعدہ فیشن ڈیزائننگ کی ڈگری حاصل کرکے عملی میدان میں قدم رکھا۔ ماریہ پاکستان فیشن انڈسٹری میں تو کئی ایوارڈز جیت ہی چکی ہیں لیکن 1997 میں بیلجئیم میں ہونے والے انٹرنیشنل فیشن ڈیزائننگ کے مقابلے میں بھی ایوارڈ جیت چکی ہیں۔

میری پہلی شادی ناکام نہیں ہوتی اگر

اگرچہ ماریہ کی پروفیشنل زندگی کئی کامیابیوں سے ہمکنار رہی ہے لیکن ان کی ذاتی میں کئی اتار چڑھاؤ آئے جن کا انھوں نے بہت ہمت سے مقابلہ کیا۔ ماضی میں جیو نیوز کو دیے گئے انٹرویو میں ماریہ نے اپنی ذاتی زندگی کے بارے میں بتاتے ہوئے کہا کہ “میری پہلی شادی 20 سال کی عمر میں ہوئی اور میرے شوہر مجھ سے عمر میں 20 سال بڑے تھے جس کی وجہ سے ان سے ذہنی مطابقت نہیں ہوسکی۔ میں سوچتی ہوں اگر میں تھوڑی سی بڑی ہوتی تو شاید میری طلاق نا ہوتی۔ میرے سابق شوہر پہلے سے شادی شدہ تھے اس لئے بھی کچھ مسائل تھے“

طلاق اتنی بڑی بات نہیں ہے

ماریہ نے انٹرویو میں مذید کہا کہ جس طرح ہمارے معاشرے میں طلاق کو بہت بڑا مسئلہ سمجھا جاتا ہے حقیقت میں ایسا نہیں ہے۔ ماریہ کے مطاق ہم کیوں ابھی تک ہندوؤں کے بنائے رسم و رواج پر چلتے ہیں جہاں شوہر کے مرنے پر بیوہ کو ستی کیا جاتا تھا اپنے دین کو کیوں نہیں دیکھتے جس نے اچھی زندگی گزارنے کے راستے بتائے ہوئے ہیں

ماریہ کے پہلے شوہر سے طلاق کے بعد ماریہ نے کافی عرصے بعد دوسری شادی طاہر سعید نامی بزنس سے کی اور اب وہ خوش گوار زندگی گزار رہی ہیں

ایک اچھی ماں

ماریہ کے پہلے شوہر سے ان کی ایک بیٹی “فاطمہ“ اور دوسرے شوہر سے ایک بیٹا ہے۔ ایک سنگل مدر ہونے کی وجہ سے ماریہ کو اپنی بیٹی کے حوالے کئی چیلینجز کا سامنا تھا جس کو انھوں نے بخوبی پورا کیا۔ یہاں تک کہ شدید مصروفیات کے باوجود وہ اپنی بیٹی کو اسکول سے خود لینے جاتی تھیں۔

شادی کے جوڑے اتنے مہنگے نہیں ہونے چاہئیں

ماریہ بی کے برائیڈل وئیر کی قیمت اگرچہ لاکھوں میں ہوتی ہے لیکن ان کا کہنا تھا کہ وہ ذاتی طور پر یہی سمجھتی ہیں کہ شادی کا جوڑا بہت مہنگا نہیں ہونا چاہئیے کیونکہ وہ صرف ایک بار ہی پہنا جاتا ہے

کھانے میں کیا پسند کرتی ہیں

ماریہ اگرچہ کانٹینینٹل کھانے بہت شوق سے کھاتی ہیں اور اپنی ڈائیٹ اور فٹنیس کا خیال رکھتی ہیں لیکن ان کا کہنا تھا کہ پنجابی کشمیری ہونے کی وجہ سے وہ روایتی کھانے بھی شوق سے کھاتی ہیں جیسے سردی میں ان کے ہاں ہریسہ بنتا ہے اس کے علاوہ پراٹھے یہاں تک کہ وہ لوگ اوجھڑی بھی شوق سے کھاتے ہیں

< Previous یہ اب کس کام کی ہے --- کچھ بےکار چیزیں جو اکثر افراد سالوں سنبھال کر رکھتے ہیں NEXT > ان تصویروں میں ایک جانور چھپا ہوا ہے اس کو تلاش کریں، اگر آپ نے 10 میں سے 8 نمبر لے لیے تو آپ کامیاب ٹھہرے - جوابات