|
|
| |
آم کو پھلوں کا بادشاہ کہا جاتا ہے اس کا سبب اگر ایک
جانب اس کا لذيذ اور ذائقہ دار ہونا ہے تو دوسری جانب اس کے طبی فوائد سے
بھی کسی صورت انکار نہیں کیا جا سکتا ہے یہاں تک کہ آم کے پودے کا ہر حصہ
کسی نہ کسی حوالے سے اہم ہوتا ہے
آم کی گھٹلی بھی اس کا ایک ایسا ہی حصہ ہے جو کہ کچی حالت میں تو چبا کر
کھایا جا سکتا ہے مگر اس کی کڑواہٹ کے سبب اس کو کوئی نہیں کھاتا ہے جب کہ
دوسری جانب جب یہ گھٹلی پھل کے ساتھ پک جاتی ہے تو اس کے اوپر ایک لکڑی کا
چھلکا سا آجاتا ہے جس کے بعد یہ عام انداز میں کھانے کے قابل نہیں رہتی ہے
|
| |
| آم کی گھٹلی
کے استعمال کا طریقہ |
| آم کی گھٹلی کے اوپر سخت والے حصے کو جب چھری سے کاٹا
جاتا ہے تو اس کے اندر سےایک نرم گھٹلی نمودار ہوتی ہے جو کہ بیش بہا
فائدوں کی حامل ہوتی ہے اس کو اچھی طرح سے پیس کر پاوڈر کی صورت میں
استعمال کیا جا سکتا ہے |
| |
| آم کی گھٹلی کے فوائد
|
| |
| سر کی خشکی
دور بھگاۓ |
| آم کی گھٹلی سر کی خشکی کے خاتمے کے لیۓ بہت مفید ثابت
ہو سکتی ہے ۔اس کے لیۓ بیچوں کا تیل نکال لیں اور اس کو سر پر لگائیں اس سے
نہ صرف سر کی خشکی کا خاتمہ ہوتا ہے بلکہ اس کے ساتھ ساتھ بال بھی لمبے اور
چمکدار ہوتے ہیں |
| |
| اس حوالے سے مذید بہتر نتائج کے لیۓ آم کی گھٹلی کے تیل
میں ہم وزن سرسوں کا تیل ملا لیں اور اس آمیزے کو ایک ہفتے تک دھوپ میں
رکھیں اس کے بعد اس کو بالوں پر لگائیں ۔ اس سے وقت سے پہلے بالوں کو سفید
ہونے سےبھی روکا جا سکتا ہے اس کے ساتھ ساتھ بالوں کی چمک دمک بھی بحال
ہوتی ہے |
| |
|
|
| |
| جلد کو بہتر بناۓ
|
| آم کی گھٹلی ایک قدرتی موسچرائزر کہلائی جاتی ہے یہ جلد
کو قدرتی نمی فراہم کر کے اس کی چمک دمک کو بحال کرتی ہے اور صحت مند بناتی
ہے جلد کے اوپر داغ دھبوں اور چھائیوں کا خاتمہ کر کے خوبصورتی میں اضافہ
کرتی ہے |
| |
| آم کھانے کےبعد اس کی گھٹلی کا منہ پر دس منٹ تک مساج
کریں اور اس کے بعد سادہ پانی سے منہ دھولیں اس سے جلد چمک دار ہو گی |
| |
| اس کےعلاوہ آم کی گھٹلی کے پاوڈر سے ہر روز صبح منہ
دھونے سے نہ صرف رنگ گورا بلکہ جھریوں کا بھی خاتمہ ہوتا ہے |
| |
| ذیابطیس کے مریضوں کے
لیۓ مفید |
| آم کے موسم میں ذیابطیس کے مریضوں کا آدھا وقت گھر والوں
سے لڑتے گزرتا ہے کیوں کہ آم زیادہ کھانا شوگر لیول کو بڑھانے کا باعث بن
سکتا ہے ۔ آم کی گھٹلی کے پاوڈر کے استعمال سے جسم میں موجود وہ ہارمون
ایکٹو ہو جاتے ہیں جو خون میں موجود شوگر کو توانائی میں تبدیل کرتے ہیں اس
وجہ سے خون میں شوگر لیول میں کمی کا باعث بنتے ہیں |
| |
| بدہضمی سے نجات دلاۓ
|
| عام طور پر گرمی کے موسم میں ہاضمےکے مسائل پیدا ہونا
شروع ہو جاتے ہیں جس کا ایک سبب گرمی کے سبب بیکٹیریا کی بڑھتی ہوئی نشو
نما ہوتی ہے اور دوسرا سبب مکھیوں کا بڑھ جانا بھی ہوتا ہے |
| |
|
|
| |
| گرمی کے موسم میں اگر چٹکی بھر آم کی گھٹلی کے پاوڈر کو
دن میں دو بار استعمال کریں تو اس سے معدے کو وہ طاقت مل سکتی ہے جس سے وہ
اس معدے کی خرابی کا مقابلہ کر سکتا ہے |