یہ تو اپنا بچہ ہی بھول گئے، کچھ قیمتی چیزیں جو لوگ سفر کے دوران ٹیکسی میں بھول گئے

سفر وسیلہ ظفر کہا جاتا ہے عام طور پر آج کل لوگ سفر کے لیۓ مختلف پرائیویٹ کمپنیوں کی کیب استعمال کرتے ہیں ۔ یہ کیب جہاں عوام کو سفر کی سہولت فراہم کرتے ہیں وہیں پر اب ایک اور آسانی جو اس کی وجہ سےصارفین کو حاصل ہو گئی ہے وہ یہ بھی ہے کہ اگر وہ اپنا کوئی قیمتی سامان دوران سفر کیب میں بھول جائيں تو گاڑی کے ڈرائيور سے دوبارہ رابطہ کر کے اپنا سامان واپس حاصل بھی کر سکتے ہیں اس حوالے سے جب ان کیب کے ڈرائيورز سے یہ دریافت کیا گیا کہ لوگ گاڑی میں اکثر اپنی کون کون سی چیزیں بھول جاتے ہیں تو اپنی شناخت کمپنی کی شرائط کے مطابق پوشیدہ رکھتے ہوۓ ان کے جوابات نے سب ہی کو حیران کر دیا

نقلی دانتوں کی بتیسی

بڑھاپے میں جب انسان کی یاداشت اس کا ساتھ چھوڑ جاتی ہے ایسی صورت میں اس کے دانت بھی کمزور ہو جاتے ہیں جن کی کمی کو پورا کرنے کے لیۓ وہ نقلی بتیسی دکھانے کے دانتوں کے طور پر لگا تو لیتے ہیں لیکن ایک کیب ڈرائيور نے اپنی یاداشتیں بیان کرتے ہوۓ یہ بھی بتایا کہ ایک بار اس کی گاڑی کی پچھلی نشست پر کوئی مسافر اپنے دانتوں کی بتیسی کا پورا سیٹ چھوڑ گیا ۔

اس واقعے کا سب سے حیرت انگیز پہلو یہ ہے کہ دوبارہ اس بتیسی کو لینےکے لیۓ کوئی نہیں آیا ممکن ہے کہ مسافر کے پاس دانتوں کا ایک ایکسٹرا سیٹ بھی ہو

پیسوں سے بھرا بیگ

عام طور پر گاڑی میں بیٹھتے ہوۓ اور اترتے ہوۓ لوگ اپنے قیمتی سامان کا سب سے زيادہ خیال رکھتے ہیں لیکن بعض افراد اس حوالے سے بھی بہت لاپرواہ ہوتے ہیں ایسا ہی ایک واقعہ ایک برطانوی شہری ایڈرئن کوئن کے ساتھ پیش آيا جس نے بنک میں اپنا ورثہ میں ملنے والا ایک چیک کیش کروایا جس کی مالیت دس ہزار پاونڈ جو پاکستا ن کے اکیس کروڑ روپے کے مساوی تھی کیش کروایا اور ایک کیب میں ریلوے اسٹیشن کے لیۓ روانہ ہو گیایہ کیب ایک پاکستانی ڈرائیور محمد نثار چلا رہا تھا ۔ اسٹیشن پہنچنے پر کوئن جلدی میں بغیر بیگ لیۓ ٹیکسی سے اتر کر ٹرین میں بیٹھنے کےلیے بھاگے مگر جلد ہی ان کو احساس ہوا کہ وہ ٹیکسی سے اپنا بیگ لینا بھول گیۓ ہیںجب واپس اسٹینڈ پر پہنچے تو کیب جا چکی تھی اس نے ان کو سخت پریشان کردیا اور وہ ادھر ادھر پوچھنے لگے اسی دوران محمد نثار نے جب ان کے بیگ کو ٹیکسی میں دیکھا تو ان کو ڈھونڈتے ہوۓ پہنچ گۓ اور رقم سے بھرا بیگ کوئن کو لوٹا دیا کوئن کے لیۓ یہ ایمانداری حیرت انگیز بھی تھی اور اس نے انہیں بہت شکر گزار بھی کر دیا

گاڑی میں بچہ ہی بھول گۓ

عام طور پر کام کے دباؤ میں انسان اکثر اپنی اہم ترین چیزیں گاڑی میں بھول سکتا ہے مگر اپنے بچے کو کیب میں بھول کر چلے جانا ایک ناقابل تلافی جرم ہے اس حوالے سے جدید ترین تحقیق کے مطابق یہ ایک نفسیاتی عارضہ ہے جس میں کوئی بھی فرد مبتلا ہو سکتا ہے اور اس بیماری کے سبب وہ اپنے بچے کو گاڑی میں بھول کر چلا جاتا ہے اور کافی دیر بعد اس کو اس بات کا احساس ہوتا ہے کہ وہ اپنے بچے کو گاڑی میں ہی بھول گیا ہےایسے ہی کئی واقعات امریکہ میں لوگوں کے ساتھ پیش آۓ اس میں اگر بچے کو کیب میں بھول گۓ ہوں تو وہ کیب والا کسی نہ کسی طرح بچے کو لوٹا دیتا ہے جب کہ اگر یہ حادثہ اپنی گاڑی میں ہو تو ایسے واقعات بھی دیکھۓ گئے ہیں جب کے بچے کی دم گھٹنے سے موت بھی واقع ہو گئی

قیمتی لیب ٹاپ کا بدلہ گھر اور نوکری

فلپائن میں پیش آنے والا واقعہ اس حوالے سے کافی منفرد ہے جب کہ وہاں آسٹریلیا سے تعلق ایک بزنس مین کیب میں اپنا قیمتی لیپ ٹاپ ، ہیڈ فون اور کیش بھول گئے تو 30 سالہ ٹیکسی ڈرائیور ريگی نے ان کو یہ تمام چیزیں بحفاظت لوٹا دیں ۔ریگی کی ایمانداری نے انہیں اس حد تک خوش کیا کہ انہوں نے ریگی کو آسٹریلیا میں تعلیم جاری رکھنے کا نہ صرف موقع فراہم کیا بلکہ اس کے بدلے میں ایک گھر اور پیسوں سے بھی نوازا