سبز جلیبی کھانے سے بہتر ہے میں مر جاؤں، سبز جلیبی میں ایسا کیا ہے جو لوگوں نے اس کو کھانے سے انکار کردیا

ہماری قوم کھانے پینے کی شوقین ہونے کےساتھ ساتھ کھانے پینے کے معاملے میں کافی حد تک قدامت پرست ہیں۔ بہت کم افراد ایسے ہیں جو کہ کھانے پینے کے معاملے میں کسی بھی قسم کے نئے تجربے کو قبول کر سکتے ہیں مثال کےطور پر ہم کو لڈو پیلے اور چکن ہمیشہ مصالحہ دار نمکین ہی کھانا ہوتا ہے اس میں کسی قسم کی تبدیلی چاہے وہ رنگ میں ہو یا ذائقے میں ہمارے لیے قابل قبول نہیں ہوتی-

جلیبی ہماری قومی سوئٹ ڈش

جلیبی کو قومی سوئٹ ڈش کہا جائے تو یہ کچھ غلط نہ ہوگا شام کی چائے کے ساتھ سموسے کھانے کے بعد ان کے ساتھ گرما گرم اورنج رنگ کی میٹھی کڑک جلیبیاں نہ ہوں تو کچھ ادھورا ادھورا محسوس ہوتا ہے- لیکن سوال یہ ہے کہ اگر ان جلیبیوں کا رنگ اورنج کے بجائے سبز کر دیا جائے تو کیا تب بھی آپ کے اندر اس کو کھانے کی یہی خواہش ہوگی یا اس میں کسی قسم کی تبدیلی واقع ہو جائے گی؟

سبز جلیبی کا آغاز

حلوائی کے پاس اورنج رنگ ختم ہو گیا ہوگا تبھی اس نے ہرے رنگ کی جلیبیاں بنا ڈالی ہوں گی سبز جلیبیوں کو دیکھ کر بہت سارے لوگوں کے ذہنوں میں یہی خیال آتا ہے- مگر حقیقت اس کے برعکس ہے سبز جلیبی کا آغاز ہندوستان کے شہر کرناٹک سے ہوا تھا یہ شہر اپنی سبز پھلیوں کی پیدائش کے لیے مشہور ہے۔ وہاں کے حلوائیوں نے جلیبیوں میں میدے کے ساتھ ساتھ سبز پھلیوں کا استعمال کر کے سبز جلیبیاں بنانی شروع کیں جن کو شکر اور شہد کے آمیزے میں بھگویا جاتا ہے اور یہ لذت کے اعتبار سے عام جلیبی سے کئی گنا زیادل لذيذ ہوتی ہیں-

سبز جلیبیوں کو دیکھ کر سوشل میڈیا صارفین کا ردعمل

سبز جلیبیوں کی تصاویر جب سوشل میڈیا پر عوام کے سامنے آئی تو اس کو دیکھ کر ان کے اندر کا کھانے سے محبت کرنے والا شیر بیدار ہو گیا اور انہوں نے جلیبیوں کے روائتی رنگ کو خراب کرنے پر چنگھاڑنا شروع کر دیا-

کچھ لوگوں نے ان جلیبیوں کو ماونٹن ڈيو جلیبیوں کا نام دے ڈالا-

جب کہ کچھ کے نزدیک یہ معروف ماڈل بلی ایش کے بالوں کی طرح نظر آرہی ہیں-