|
|
جاپان ایک منفرد ثقافت والا ملک ہے جس کے بارے میں دوسرے
ممالک کے باشندے کبھی بھی پوری طرح سے نہیں جان پاتے ہیں۔ انٹرنیٹ پر شائع
ہونے والی جاپان کی اکثر تصاویر جاپانی طرز زندگی اور ثقافت کی عکاسی کرتی
دکھائی دیتی ہیں- آج ہم آپ کو جاپان سے متعلق 6 ایسی منفرد چیزوں کے بارے
میں بتائیں گے جو کہ اس ملک کو پوری دنیا سے الگ ظاہر کرتی ہیں- |
|
صاف و شفاف نالیاں |
بعض جاپانی شہروں کی نالیوں سے گزرنے والا پانی اتنا صاف
و شفاف ہوتا ہے کہ ان میں koi نامی مچھلیاں خوشی خوشی تیرتی دکھائی دیتی
ہیں-مثال کے طور پر ، جاپان کے کیشو جزیرے پر واقع شمابرا شہر میں سیکڑوں
مچھلیاں ہیں جو گلی میں موجود نکاسی آب کے راستوں پر تیراکی کرتی نظر آتی
ہیں۔ |
|
|
چوکور تربوز |
بہت سے لوگ جانتے ہیں جاپان میں ایسے تربوز کاشت کیے
جارہے ہیں جو گول کے بجائے چوکور شکل کے ہوتے ہیں- لیکن بہت کم لوگ یہ
جانتے ہیں کہ یہ تربوز کھائے نہیں جاسکتے بلکہ صرف سجانے کے کام آتے ہیں-
یہ تربوز تحفے کے طور پر ایک دوسرے کو دیے جاتے ہیں- اس کے علاوہ جنہوں نے
ان تربوزوں کو ذائقہ چکھا بھی ہے وہ انہیں ناپسندیدہ قرار دیتے ہیں- |
|
|
سفید اسٹرابیری |
آپ نے یقیناً ہمیشہ صرف لال رنگ کی اسٹرابیری ہی دیکھی
ہوگی- لیکن آپ کو یہ جان کر حیرت ہوگی کہ جاپان میں ایک ایسی اسٹرابیری بھی
پائی جاتی ہے جس کا رنگ سفید ہوتا ہے- اس خاص اسٹرابیری کا ذائقہ انناس کے
ذائقے سے ملتا جلتا ہوتا ہے- اس اسٹرابیری کا صرف ایک ٹکڑا 4 سے 5 ڈالر میں
فروخت کیا جاتا ہے- |
|
|
کوئی گارڈ نہیں |
جاپان میں اکثر اسٹورز اپنا سامان باہر سڑک پر ہی ایک
بکس کے ساتھ رکھ دیتے ہیں- یہاں خریدار اپنی مطلوبہ شے حاصل کر کے قیمت اس
بکس میں جمع کروا دیتا ہے- اس سامان کی حفاظت کے لیے کوئی گارڈ نہیں رکھا
جاتا- |
|
|
ریورس
پارکنگ |
جاپانی شہروں میں کار پارکنگ کی جگہیں اکثر تنگ ہوتی ہیں،
اس لیے کار کو ریورس پارک کرنا زیادہ آرام دہ ہوتا ہے۔ دراصل ، آگے کی سمت
میں حرکت کرنا زیادہ آسان ہے کیونکہ ڈرائیور فوری طور پر سڑک دیکھتا ہے ،
جس کا مطلب ہے کہ حادثے کا امکان کم سے کم ہے۔ |
|
|
وینڈنگ مشین |
جاپان اس حقیقت کے حوالے سے بھی مشہور ہے کہ اس ملک میں ہر جگہ وینڈنگ
مشینیں نصب ہوتی ہیں۔ یقیناً، زیادہ تر، آپ ان سے مشروبات خرید سکتے ہیں،
لیکن یہاں مشینیں گرم کھانے،کینڈی، آئسکریم، کتابیں، اخبارات، پھول، کپڑے
یہاں تک کہ چھتری فروخت کرنے والی وینڈنگ مشینیں بھی موجود ہیں۔ |
|