|
|
بیڈ روم صرف رات کو سونے کا ہی کمرہ نہیں ہوتا بلکہ ایسی
جگہ ہوتا ہے جہاں ہم گھر میں سب سے زیادہ وقت گزارتے ہیں۔ اس لحاظ سے اس
کمرے کو پورے گھر میں آپ کی پسندیدہ ترین جگہ ہونا چاہئے اور ساتھ ہی آرام
دہ بھی۔ ذیل میں "ہماری ویب" کے قارئین کو ایسے ضروری ٹپس بتائے جائیں گے
جن سے وہ اپنے بیڈروم کو اپنی پسند کے رنگ میں ڈھال کر آرام دہ بنا سکتے
ہیں اور یہ تمام. تبدیلیاں جیب پر زیادی بھاری بھی نہیں پڑیں گی۔ |
|
فرنیچر |
لگژری قسم کے بیڈروم کے لیے َلکڑی کا فرنیچر بہترین ہے
لیکن اگر کمرے میں زیادہ جگہ نہیں ہے تو لکڑی کا ہلکا فرنیچر یا پھر راڈ
آئرن کا فرنیچر منتخب کریں جو کہ کم جگہ گھیرتا ہے اور اس کے علاوہ صفائی
کرنے کے لئے بھی آسان رہتا ہے۔ فرنیچر کے علاوہ گدے کا استعمال ہمیشہ
بہترین کریں اور اس میں کسی قسم کی بچت سے زیادہ آرام کو ترجیح دیں |
|
|
قالین کے بجائے رگ |
مغرب کی دیکھا دیکھی یہاں بھی گھر اور بیڈروم میں قالین
بچانے کا رواج ہوگیا ہے جو کمرے کو گھٹن زدہ بنا دیتا ہے۔ لوگوں کو اس نکتے
کو ذہن میں رکھنا چاہئے کہ مغرب کے ممالک سرد موسم رکھتے ہیں جبکہ پاکستان
میں سال کے زیادہ تر مہینے گرم ہوتے ہیں اس لیے کمروں میں قالین رکھنا کوئی
عقلمندانہ فیصلہ نہیں بلکہ اس کے بجائے خوبصورت رگ رکھ جائیں تو زیادہ بہتر
ہے کیونکہ یہ کمرے میں رنگ پیدا کرنے کے علاوہ مختلف جگہوں پر بچھا کر پورا
لک تبدیل کرنے میں مدد کرتے ہیں |
|
|
ہریالی کے لیے ایک کونا
مختص کریں |
کچھ باذوق لوگوں کو بیڈروم میں انڈور پلانٹ رکھنا پسند
ہوتا ہے لیکن بچوں والے گھر میں ٹیبل پر بھاری پودا رکھنا مناسب نہیں ہوگا
اس لئے کمرے کے چار میں سے ایک کونے کو صرف پودے رکھنے کے لئے مختص کردیں
اس سے کمرے میں پر سکون تاثر ابھرے گا |
|
|
رنگوں کا امتزاج |
رنگ منتخب کرنے کے لئے یہ دیکھنا ضروری ہے کہ کمرہ کسی
بچے کا ہے یا بڑے کا۔ بچوں کے کمرے میں پیلا اور نارنجی رنگ بھی خوبصورت
لگتا ہے البتہ بڑوں کے کمرے میں ہلکے اور ٹھنڈے گہرے رنگ کا امتزاج زیادہ
موزوں رہے گا |
|
|
گیلری وال |
کمرے کی سائیڈ کی دیواروں پر مختلف سینری یا پھر گھر
والوں کی تصاویر کو خوبصورت فریم میں لگا کر سجانے سے کمرہ منفرد لگے گا
اور ساتھ ہی آپ کے ذہن و دل پر اچھے اثرات مرتب ہوں گے |
|
|
روشنی |
بنیادی روشنی کے انتظام کے علاوہ نیلی یا سفید چھوٹی
چھوٹی لائٹس کمرے میں ڈرامائی تاثر پیدا کریں گی اس کے علاوہ کمرے کے بیچ
میں ایک درمیانے سائز کا روشندان بھی اچھا لگے گا |
|
|
آرام کرسی |
بیڈ کے علاوہ بھی کمرے میں بیٹھنے کا انتظام ہونا ضروری
ہے جہاں آپ کتاب پڑھ سکیں یا کوئی مہمان آئے تو بیٹھ سکے۔ اس کے لئے آرام
کرسی کے علاوہ ایک ہینگنگ جھولا بھی اچھا اضافہ ہے |
|