|
|
موٹاپا یا وزن کا بڑھ جانا عام طور پر ان ہی افراد کے
ساتھ ہوتا ہے جو کہ کھانے پینے کے شوقین ہوتے ہیں- اس کے علاوہ ایسے افراد
عام طور پر سستی پسند بھی ہوتے ہیں اور ان کو کھانے پینے کے بعد اس کو ہضم
کرنے کے بجائے آرام سے پاؤں پسار کر لیٹنا پسند ہوتا ہے یہی وجہ ہے کہ ایسے
افراد موٹاپے کا شکار ہو جاتے ہیں-ایسے افراد کو اگر وزن کم کرنے کے لیے یہ
کہا جائے کہ وہ اپنا پسندیدہ کھانا چھوڑیں اور سخت ترین ڈائٹنگ کریں اس کے
ساتھ ساتھ باقاعدگی سے دن میں کئی گھنٹوں تک باقاعدگی کے ساتھ ورزش کریں
تاکہ ان کا وزن کم ہو سکے تو زيادہ تر موٹے افراد تو یہ سب کچھ سنتے ہی
حوصلہ چھوڑ بیٹھتے ہیں- آج ہم آپ کو ایسے ہی کچھ آسان طریقے بتائيں گے جن
کے ذریعے نہ تو آپ کو ڈائٹنگ کرنی پڑے گی اور نہ ہی ایکسرسائز اور وزن تیزی
سے کم ہوگا- |
|
سانس لینے کی مشق |
ہمارے پورے جسم میں سانس کا کردار زندگی میں سب سے زیادہ
ہوتا ہے- ہم عام روز مرہ کے معمولات میں جس طرح سانس لیتے ہیں اس کا اثر
ہمارے پورے جسم کی صحت پر براہ راست پڑتا ہے۔ اس حوالے سے سابقہ چینی
اداکار مکی ریوسوک کا یہ دعویٰ ہے کہ انہوں نے دن میں پانچ منٹ سے سات منٹ
تک سانس لینے کی مشق کے ذریعے صرف سات ہفتوں میں 13 کلو تک وزن کم کیا۔ اس
مشق کے لیے ان کا یہ کہنا تھا کہ عام طور پر ہم اپنے پھیپھڑوں سے سانس لیتے
ہیں مگر اس مشق کے لیے ہمیں دن میں پانچ سے سات منٹ تک پیٹ سے سانس لینا
ہوتا ہے- ان کا کہنا ہے کہ اس کے لیۓ سیدھا کھڑا ہو کر ایک ٹانگ بلند کر
لیں اور جسم کا سارا وزن پچھلی ٹانگ پر ڈال کر جسم کے تمام مسلز کو اکڑا
لیں اور 5 سے سات سیکنڈ تک پیٹ کے راستے سانس لیں اس کے بعد نارمل حالت میں
آجائيں- یہ مشق دن میں دو سے تین بار کرنے سے جسم کے میٹا بولزم کا عمل تیز
ہوتا ہے اور چربی کے ذخائر پگھلنا شروع ہو جاتا ہے اور موٹاپے میں واضح کمی
نظر آتی ہے- |
|
|
ٹھنڈے اور گرم شاور کے
ذریعے |
یہ بات بہت حیرت انگیز محسوس ہوتی ہے کہ نہانے سے وزن کم
کیا جا سکتا ہے مگر یہ ایک حقیقت ہے کہ ٹھنڈے اور گرم پانی سے نہانے سے بھی
وزن کم کیا جا سکتا ہے- ہمارے جسم کے اندر خون کی حیثیت ذرائع نقل و حمل کے
ایک ذریعے کی ہوتی ہے خون کا کام پورے جسم میں مختلف چیزوں کی سپلائی ہوتا
ہے- ایک اچھا دوران خون ہمارے جسم کی صحت کے نظام کو بہتر بنانے میں
انتہائی اہم کردار ادا کرتا ہے- جسم میں جمع شدہ چربی کو پگھلانے اور وزن
کم کرنے میں میٹابولزم کا بہت اہم کردار ہوتا ہے جس کو گرم اور ٹھنڈے شاور
کے ذریعے بہتر بنایا جا سکتا ہے- اس طریقہ کار کے مطابق عام شاور لینے کے
بعد شاور میں تیز گرم پانی کھول لیں اور تین منٹ تک اس بہت گرم پانی سے
شاور لیں ۔ تین منٹ کے بعد گرم پانی کو بند کر دیں اور اب مکمل ٹھنڈا پانی
کھول لیں اور ایک منٹ تک ٹھنڈا پانی کھلا رہنے دیں- یہ عمل 3 سے 5 بار
دہرائيں اور اس کے بعد نہانا ختم کر دیں کچھ ہی عرصے میں واضح طور پر وزن
میں کمی دیکھیں- |
|
|
مساج یا مالش |
یہ عمل آپ گھر بیٹھے خود بھی کر سکتے ہیں اس کے ذریعے
جسم کے جن حصوں میں چربی جمع ہو چکی ہے ان جگہوں کا مساج کر کے وہاں موجود
چربی کے قریب کا دوران خون تیز کیا جاتا ہے جس سے چربی تیزی سے پگھلتی ہے
اور موٹاپے میں کمی واقع ہوتی ہے- یہ مساج کسی بھی تیل کی مدد سے خود گھر
پر بھی کیا جا سکتا ہے اور اس کو کرنے کے لیے مساج کے ماہرین کی مدد بھی لی
جاسکتی ہے یہ جسم میں جمع شدہ چربی کو پگھلا کر آرام سے وزن کم کرتا ہے- |
|