|
|
بعض اوقات چند کاموں میں بہت زیادہ وقت لگتا ہے اور یہ
اکثر ہوتا ہے کیونکہ ہم انہیں آسان بنانا نہیں جانتے- کیا آپ نے کبھی ہیئر
اسٹائل کی مصنوعات کے ساتھ مارکر کے نشانات کو ہٹانے کی کوشش کی ہے؟ جی ہاں
ایسے کئی ٹوٹکے ہیں جو ہماری زندگی کو آسان بنا سکتے ہیں- |
|
موم کیسے صاف کریں؟ |
فرنیچر یا کپڑے سے موم کو ہٹانے کا عمل ان چیزوں کی
سطحوں کو نقصان پہنچا سکتا ہے۔ اگر کبھی کسی چیز پر موم گر جائے تو سب سے
پہلے آئس کیوب یا برف سے بھرا پلاسٹک کا بیگ موم کے قطرے پر چند منٹ کے لیے
رکھ دیں۔ جب موم جم جاتا ہے اور سخت ہو جاتا ہے، تو آپ اسے آسانی سے کپڑے
یا فرنیچر پر سے صاف کرسکتے ہیں۔ |
|
|
مائیکروو ویو اوون کی بو
ختم کرنے کا طریقہ |
مائیکروو ویو اوون کی صفائی اور بو ختم کرنا ہمیشہ سے ہی
ایک پیچیدہ مسئلہ رہا ہے- لیکن ہمارے بتائے گئے طریقے سے آپ ان دونوں مسائل
سے باآسانی چھٹکارا حاصل کرسکتے ہیں- ایک پیالے میں دو کپ پانی ڈال کر اس
میں دو چمچ سرکہ ملا کر اوون میں رکھ کر چھوڑ دیں- پیالہ رکھنے کے بعد اوون
کو 5 منٹ کے لیے آن کر دیں- سرکے کے بخارات اوون سے بو کو ختم اور گندگی کو
نرم کردیں گے جسے بعد میں آسانی سے کپڑے سے صاف کیا جاسکتا ہے- |
|
|
قالین سے چکنائی کی
صفائی |
آپ قالین پر سے چکنائی بڑی آسانی سے مکئی کے نشاستے کے
ذریعے ہٹا سکتے ہیں-نشاستے کو چکنی جگہ پر چھڑکیں اور 15 سے 20 منٹ کے لیے
چھوڑ دیں- اس کے بعد اس جگہ کو صاف کرلیں آپ دیکھیں گے کہ دھبے بھی غائب
ہوچکے ہوں گے- |
|
|
پرمننٹ مارکر کے نشانات
کی صفائی |
اکثر بچے مارکر سے میز پر نشانات لگا دیتے ہیں لیکن
پریشان ہونے کی ضرورت نہیں- کوئی ہئیر اسٹائلنگ پروڈکٹ جیسے گھنگھریالے
بالوں کو سیدھا کرنے والا اسپرے لیں اور ان نشانات پر کر دیں- اس کے بعد اس
جگہ کو روئی یا نیپکن سے صاف کرلیں- |
|
|
چھوٹا کچرا ڈسٹ پین میں
جمع کرنا مشکل |
دھول، ریت اور چھوٹا ملبہ ہمیشہ ڈسٹ پین میں جمع کرنا
مشکل ہوتا ہے، چاہے آپ برش کو کتنی محنت سے استعمال کریں۔ لیکن ڈکٹ ٹیپ اس
میں مدد کر سکتی ہے۔ اگر آپ اسے ڈسٹ پین کے کنارے سے چپکاتے ہیں تو چھوٹا
کچرا اس میں آسانی سے آ جائے گا۔ |
|
|
لیکویڈ صابن کا ضیاع |
اگر آپ کے بچے ہمیشہ ڈسپنسر سے بہت زیادہ مائع صابن دبا کر نکال لیتے ہیں
تو یہ آسان طریقہ استعمال کریں۔ ڈسپنسر کے گلے میں چںد ربڑ بینڈ لپیٹ دیں
اس طرح پمپ کو نیچے تک دبایا نہیں جا سکتا، اور آپ کو ضرورت کے مطابق صابن
مل جائے گا۔ |
|