|
|
| |
| آج کے دور میں اپنے وزن کو نظر میں رکھنا یا پھر بڑھتے
وزن کو کم کرنا ایک چیلنج کی صورت اختیار کر چکا ہے- ہم وزن کو کم کرنے یا
اسے کنٹرول میں رکھنے کے حوالے سے بہت سے اقدامات کرتے ہیں لیکن پھر بھی
کئی ایسی چیزیں ہیں جنہیں ہم اپنی دانست میں وزن میں اضافے کی وجہ سمجھتے
ہی نہیں ہیں- لیکن حقیقت یہ ہے کہ چند چیزیں ایسی موجود ہیں جو ہمارے وزن
میں اضافہ کرتی ہیں لیکن ہم اس کا تصور بھی نہیں کرسکتے- |
| |
| صحت بخش غذائیں |
| کچھ صحت بخش کھانے بھی دراصل جنک فوڈ کی طرح ہوتے ہیں۔
چکنائی سے پاک دہی سے لے کر ناشتے میں موجود چینی سے بھرے دلیے تک، بہت سے
کھانوں کو صحت مند قرار دیا جاتا ہے لیکن درحقیقت ہماری غذا میں ناقص اضافہ
ہوتے ہیں۔ اس لیے یہ بعض اوقات وزن میں اضافے کا سبب بن جاتے ہیں- |
|
|
| |
| آرام نہ کرنا |
| تناؤ آپ کو موٹا بنا سکتا ہے۔ یہ آپ میں زیادہ چینی اور
زیادہ چکنائی والے کھانوں کی خواہش پیدا کرتا ہے۔ اس وجہ سے، اپنی زندگی
میں تناؤ کو کم کرنے اور کچھ وقت آرام کرنے کا کوئی طریقہ تلاش کرنا بہت
ضروری ہے۔ |
|
|
| |
| آپ کا گھر گندا ہے |
| محققین نے پایا ہے کہ کچھ گھریلو دھول میں ایسے کیمیکل
ہوتے ہیں جو چربی کے خلیوں کی نشوونما کو فروغ دیتے ہیں۔ اور یوں آپ کچھ نہ
کر کے بھی موٹاپے کا شکار بن جاتے ہیں- |
|
|
| |
| طویل وقت تک بیٹھے رہنا |
| اگر آپ کسی آفس میں کام کرتے ہیں تو یقیناً آپ کے 6 سے 8
گھنٹے بیٹھ کر گزرتے ہیں- لیکن اس طرح نہ صرف آپ کا میٹابولزم سست پڑتا ہے
بلکہ آپ اضافی وزن کا شکار بھی بن جاتے ہیں اور یہ شرح اموات سے بھی منسلک
ہے- اس لیے کچھ وقت بعد ضرور ٹہلیے- |
|
|
| |
| خراب نیند |
| متعدد جسمانی عمل کی بہتری کے لیے سونا ضروری ہے جو صحت
مند وزن کو برقرار رکھنے کے حوالے سے کافی اثر انداز ہوتے ہیں۔ نیند کی کمی
وزن میں اضافے کا باعث بن سکتی ہے۔ |
|
|
|
بڑے شہر میں رہنا |
|
اگرچہ ابھی مزید تحقیق کی ضرورت ہے، لیکن یہ حقیقت ہے کہ ایک دھوئیں سے اٹے
ہوئے شہر میں رہنے اور موٹاپے کے درمیان تعلق پایا گیا ہے۔ یہ زیادہ تر
ماحولیاتی آلودگیوں کی وجہ سے ہے۔ |
|
|
|