|
|
| |
| حالیہ دنوں میں پاکستان میں سانحہ مینار پاکستان کے بعد
ٹک ٹاک پر ایک بار پھر سے پابندی لگا دی گئی ہے۔ اس کے اثرات کیا ہوتے ہیں
اور یہ پابندی کب تک رہتی ہے اس کے بارے میں ابھی کچھ بھی کہنا قرین قیاس
ہے مگر اس سب کے باوجود اس بات کو تسلیم کرنا پڑے گا کہ ٹک ٹاک ویڈیوز کے
ذریعے بہت سارے لوگ نہ صرف شہرت کی بلندیوں تک پہنچے بلکہ انہوں نے کم عمری
میں بہت دولت بھی کمائی- |
| |
| ایسا ہی ایک نوجوان شامیل زاہد بھی ہے جس کو پاکستان کا
امیر ترین بچہ قرار دیا جاتا ہے اس کے بارے میں کہا جاتا ہے کہ وہ ذاتی طور
پر دو لمبر گنی گاڑیوں کا مالک ہے۔ شامیل کے ٹک ٹاک فالورز کی تعدار 6۔1
ملین جب کہ لائکس کی تعداد 8۔29 ملین ہے- |
| |
| شامیل کی ٹک ٹاک ویڈیوز میں دیکھا جاسکتا تھا کہ وہ
فربہی مائل 103 کلو گرام وزن رکھنے والا بچہ تھا۔ جس کو کھانے میں فاسٹ فوڈ
بہت پسند تھے اور اس وجہ سے اس کا وزن اتنا زیادہ ہو چکا تھا- |
|
|
|
|
| |
| مگر اس کے گھر والوں نے بارہا کوشش کی کہ کسی طرح شامیل
اپنا وزن کم کر لے۔ ہر کوشش میں ناکام ہونے کے بعد انہوں نے شامیل کو ایک
آفر دی کہ اگر وہ اپنے وزن کو کم کر لے تو وہ اس کو بطور پالتو جانور کے
شیر خرید کر دیں گے- |
| |
| شامیل زاہد کے لیے والدین کی یہ آفر بہت اٹریکٹو تھی اس
کو قبول کرتے ہوئے اس نے سب سے پہلے تو فاسٹ فوڈ کھانے چھوڑ دیے اس کے بعد
اس نے وزن کم کرنے کے لیے باقاعدگی سے ایکسرسائز بھی شروع کر دی جس سے اس
کا وزن کم ہونے لگا- |
| |
| یہاں تک کہ اس نے اپنا وزن 103 سے 65 کلو تک کر لیا۔ اس
حوالے سے جب شامیل سے دریافت کیا گیا کہ کیا اتنا وزن کم کرنے پر اس کے
والدین نے اس کو شیر لے کر دیا تو اس کا کہنا تھا کہ اس کے والدین نے اس کو
شیر تو نہیں لے کر دیا مگر ایک کتا ضرور لے کر دے دیا جس کی مشابہت شیر
جیسی تھی- |
|
|
|
|
|
|
|
تاہم اس کا یہ بھی کہنا ہے کہ وہ اب اپنا وزن کم کر کے بہت خوش ہے اور اس
نے تمام ایسے کھانے کھانے چھوڑ دیے ہیں جس سے وزن بڑھ سکتا ہے اس کا یہ بھی
کہنا تھا کہ اس نے وزن بہت مشکلوں سے کم کیا ہے اس وجہ سے اس کی خواہش ہے
کہ وزن دوبارہ نہ بڑھے- |