|
|
| |
| اسکاچ ٹیپ کے نام سے یہ محسوس ہوتا ہے کہ یہ ٹیپ اسکاٹ
لینڈ میں پہلی بار بنائی گئی تھی تبھی اس کو اس نام سے پکارا جاتا ہے۔ جب
کہ حقیقت یہ ہے کہ اس ٹیپ کو سب سے پہلے پیرس میں 1930 میں رچرڈ ڈریو نامی
بندے نے بنایا تھا۔ وہ لوگوں کے جسم پر مختلف انداز کے ٹیٹو بناتا تھا اور
اس کے لیے اس کو ایسی ٹیپ کی ضرورت پڑتی تھی جس سے وہ جسم کے ان حصوں پر
ٹیپ لگا سکے جہاں اس کو ٹیٹو نہیں بنانے ہوتے تھے- اس وجہ سے اس نے پتلی
پتلی پٹیاں کاٹ کر ان کے اوپر چپکنے والی گوند لگا کر ان کا استعمال کیا ۔
وقت کے ساتھ ساتھ اس ٹیپ کو چیزوں کو جوڑنے اور کاغذ یا نوٹوں کو جوڑنے کے
لیے استعمال کیا جانے لگا اس کے علاوہ پیکنگ کے لیۓ بھی مختلف گفٹ شیٹ کو
چپکانے کے لیے بھی اس شفاف ٹیپ کو استعمال میں لایا جانے لگا- مگر وقت نے
یہ ثابت کیا کہ یہ ٹیپ صرف چیزوں کو جوڑنے کے علاوہ بھی بہت سے کاموں میں
استعمال کی جاسکتی ہے جس کے بارے میں ہم آپ کو آج بتائيں گے- |
| |
| کمپیوٹر کی بورڈ کی
صفائی کے لیے |
| عام طور پر کمپیوٹر کی بورڈ کے بٹنوں کے درمیان میں جو
ریت کے ذرات چپک جاتے ہیں ان کو صاف کرنا بہت ہی دشوار ہوتا ہے۔ اس کی
صفائی کے لیے ان بٹنوں کے درمیان ٹیپ کو لگائیں اور اس کے بعد جب اس کو
اتاریں گے تو سارے ریت کے ذرات اس ٹیپ کے ساتھ چپک جائيں گے اور اس سے کی
بورڈ اچھی طرح صاف ہو جائے گا- |
|
|
| |
| پرانے کپڑوں کو نیا
بنائیں |
| زیادہ استعمال سے کپڑوں پر رواں آجاتا ہے اور اس سے وہ
پرانے لگنے لگتے ہیں۔ اسکاچ ٹیپ پرانے کپڑوں کا رواں صاف کرنے میں بھی
مددگار ثابت ہو سکتی ہے اس کے لیے کپڑے کے اس حصے میں جہاں پر رواں آرہا ہو
اس جگہ پر ٹیپ لگا دیں اس کے بعد جب آپ اس ٹیپ کو اتاریں گے تو اس سے وہ
رواں اس ٹیپ کے ساتھ چپک جائے گا اور کپڑا صاف ہو جائے گا- |
|
|
| |
| ٹوٹے کانچ اٹھانے کے لیے
|
| کانچ کے ٹوٹنے کے بعد ان کے باریک ذرات کو سمیٹنا کافی
دشوار ہوتا ہے اور اس میں یہ اندیشہ ہوتا ہے کہ یہ ہاتھوں میں چبھ بھی سکتا
ہے اور اس سے چوٹ بھی لگ سکتی ہے- اس وجہ سے جس جگہ پر کانچ نظر آرہے ہوں
ان کو ہاتھ سے اٹھانے کے بجائے اس جگہ پر ٹیپ لگا دیں یہ سارے کانچ کے ٹکڑے
اس ٹیپ کے ساتھ چپک جائيں گے اور صاف ہو جائیں گے- |
|
|
| |
| کچے پھل پکانے کے لیے
|
| کچے پھل پکانے کے لیے کاغذوں میں لپیٹنے کے بجائے ان کے
اوپر اگر ٹیپ لپیٹ کر رکھ دیں تو اس کی گرمائش سے وہ جلدی پک جائيں گے۔ یہ
طریقہ عام طور پر آم ، چیکو ، تربوز اور خربوزہ کو پکانے کے لیے استعمال
کیا جاتا ہے اس سے یہ پھل جلدی پک جاتے ہیں۔ |
|
|
| |
| جوتوں کے پرانے تسموں کو
نیا کریں |
| بعض اوقات تسمے والے جوتوں کے تسمے پرانے ہو جاتے ہیں
اور ان میں سے دھاگے نکلنے شروع ہو جاتے ہیں۔ اور اس طرح سے جوتے بد نما
اور خراب لگنے لگتے ہیں ۔ اس کو روکنے کے لیے اس جگہ پر جہاں سے دھاگے نکل
رہے ہوتے ہیں اسکاچ ٹیپ لگا لی جائے تو اس سے یہ تسمے مزید خراب ہونے سے بچ
جاتے ہیں- |
|
|