ایک دوسرے کا ہاتھ پکڑنے کی وجہ سے ہم بچ گئے… دنیا کے خوش قسمت ترین افراد جو خوفناک حادثات میں محفوظ رہے، وائرل ویڈیوز

کچھ لوگ پیدائشی خوش قسمت ہوتے ہیں کہ دنیا میں ان کا سامنا صرف اچھی چیزوں سے ہوتا ہے لیکن بعض لوگ ایسے بھی ہوتے ہیں جو ان سے زیادہ خوش قسمت ہوتے ہیں- کیونکہ یہ مشکل حالات میں گھرے ہونے کے باوجود بھی محفوظ رہتے ہیں یہاں تک کہ کئی بار موت کے قریب پہنچ کر بھی واپس آجاتے ہیں-

سائیکل سوار گاڑی اور ٹرک کے درمیان سینڈوچ بن گیا

سائیکل سواروں کو کسی بھی دوسرے قسم کے ڈرائیور کے مقابلے میں سڑک پر زیادہ خطرہ ہوتا ہے۔ اس سے کوئی فرق نہیں پڑتا کہ سائیکل سوار کتنا ہی چوکس کیوں نہ ہو، آپ حادثات کا شکار ہو سکتے ہیں جب دوسرے ڈرائیور بے بس اور غیر ذمہ دار ہوں۔ روس میں ایک خاص سائیکل سوار اس وقت ڈیلیوری ٹرک اور کار کے درمیان سینڈوچ بن گیا جب دونوں گاڑیاں ایک چوراہے پر ٹکرا گئیں۔ سی سی ٹی وی کیمروں میں دیکھا جاسکتا ہے کہ حادثہ کیسے پیش آیا- تاہم سائیکل سوار خوش قمست ثابت ہوا اور اس کی زندگی محفوظ رہی-

جب دادی اور پوتے پر گاڑی چڑھ دوڑی

برازیل میں ایک سڑک پر دو گاڑیوں میں تصادم کی وجہ سے ایک کھڑی گاڑی 56 سالہ خاتون اور اس کے 5 سالہ پوتے پر چڑھ دوڑی جو فٹ پاتھ پر چل رہے تھے۔ حیرت انگیز طور پر ، گاڑی کے نیچے آ جانے کے باوجود، بچہ بالکل محفوظ رہا اور وہ فورا اپنی دادی کے پاس آیا ہے جو گاڑی کی ٹکر سے زمین پر گر گئی تھی۔ دونوں اس حادثے کے نتیجے میں بچ جانے پر حیران ہیں۔

طیارہ حادثہ لیکن سب محفوظ

ہم نے اب تک کچھ کار حادثات کے بارے میں بات کی- لیکن ہوائی جہاز کے حادثات کے بارے میں کیا خیال ہے؟ یقیناً یہ بہت زیادہ خوفناک ہوتے ہیں اور اکثر مسافر ان میں جان سے ہاتھ دھو بیٹھتے ہیں۔ مئی 2014 میں، ایک پائلٹ جہاز پر کنٹرول کھو بیٹھار اور جہاز کولوراڈو کے علاقے نارتھگلین میں ایک گھر سے ٹکرا گیا۔ لیکن خوش قسمتی سے اس حادثے میں سب محفوظ رہے جبکہ گھر کے مکین بھی اس وقت گھر پر نہیں تھے-

آسمانی بجلی گرنے کے باوجود بچ جانے والا جوڑا

اگرچہ آسمانی بجلی کے گرنے سے ہونے والی اموات کے واقعات کم ہیں، لیکن پھر بھی ہر سال تقریباً 20 ہزار افراد مارے جاتے ہیں۔ کیلیفورنیا، ایک جوڑا گھر سے باہر تھا جب انہیں شدید آندھی کا سامنا کرنا پڑا اور وہ پھنس گئے۔ اسی وقت ان پر آسمانی بجلی گر گئی، لیکن خوش قسمتی سے وہ بچ گئے۔ انہیں ہسپتال لے جایا گیا جہاں ڈاکٹروں نے انہیں بتایا کہ ایک دوسرے کا ہاتھ پکڑنے سے ان کی جان بچ گئی ہے، کیونکہ اس سے ان کے جسموں سے گزرنے والے برقی کرنٹ کو پھیلنے میں مدد ملی۔

گاڑی دو حصوں میں تقسیم ہوگئی

ایک وینابی ریس کار ڈرائیور قریب قریب موت کا شکار ہونے سے اس وقت بچ گیا جب تھائی لینڈ میں ریس کے دوران اس کی لیمبورگینی گیلارڈو کو حادثہ پیش آیا اور وہ دو حصوں میں ٹوٹ گئی۔ حیرت انگیز طور پر، ڈرائیور اپنی کار کے دو حصوں میں تقسیم ہونے کے باوجود محفوظ اور ٹھیک رہا۔ یہاں تک کہ وہ حادثے کے چند منٹ بعد اپنے موبائل فون پر بات کرتے ہوئے دیکھا گیا۔