ایک بینگن کے اندر ایک سگریٹ کے برابر نشہ ہوتا ہے، عام استعمال کی اشیا کے بارے میں کچھ باتیں جو آپ یقیناً نہیں جانتے

کوئی بھی انسان اس بات کا دعویٰ نہیں کر سکتا ہے کہ وہ سب کچھ جانتا ہے آج بھی دنیا میں کوئی بھی ایسا نہیں ہے جو کہ سب کچھ جانتا ہو۔ دنیا کے اندر ایسے بہت ساری ایسی چیزیں موجود ہوتی ہیں جو کہ اگرچہ ہماری نظروں کے سامنے ہوتی ہیں مگر ہم ان کے اندر چھپی ہوئي باتوں اور حیرت انگیز پہلوؤں سے آگاہی نہیں رکھتے ہیں ایسی ہی کچھ حیرت انگیز باتیں آج ہم آپ کو بتائيں گے-

گائے کا نام رکھنے سے زيادہ دودھ دیتی ہے

برطانوی ریسرچ سینٹر کے مطابق 516 کسانوں پر کیے جانے والے ایک سروے کے مطابق جن کسانوں نے اپنی گائے کا نام رکھا ہوا تھا اور اس کو کسی نہ کسی نام سے پکارتے تھے وہ ان گائے کے مقابلے میں زیادہ دودھ دیتی ہیں جو کہ بے نام ہوتی ہیں۔ ریسرچ کے مطابق نام سے پکارے جانے والی گائے نے دس مہینوں میں 7938 لیٹر دودھ دیا جب کہ بے نام گائے میں یہ مقدار 7680 لیٹر تھی-

ملکہ الزبتھ ماضی میں ایک مکینک تھیں

یہ بات بہت حیرت انگیز ہے کہ دوسری جنگ عظیم کے دوران جب ملکہ الزبتھ صرف اٹھارہ سال کی ایک نوجوان دوشیزہ تھیں اس دوران انہوں نے وومن آگزیلری سروس جوائن کی تھی جس میں انہیں لندن میں بطور مکینک ٹریننگ دی گئی تھی اور ملٹری کے ٹرک بھی ڈرائیو کرتی تھیں-

نئے پیدا ہونے والے بچوں کو دھندلا نظر آتا ہے

جب بھی کوئی بچہ اس دنیا میں آتا ہے تو وہ دنیا کو واضح طور پر نہیں دیکھ سکتا ہے ۔ وہ صرف دس انچ کے فاصلے سے چیزوں کو فوکس کر سکتے ہیں- مگر اسکے علاوہ وہ باقی کچھ بھی فوکس کر کے دیکھنے سے قاصر ہوتے ہیں ان کی یہ بینائی ایک سال کے عرصے میں مکمل طور پر بحال ہوتی ہے-

بینگن میں بڑی مقدار میں نکوٹین کا انکشاف

بینگن ایک ایسی سبزی ہے جس کو ہر کوئی ہی استعمال کرتا ہے۔ مگر اب ماہرین نے اس بات کا انکشاف کیا ہے کہ بینگن کے بیچوں میں نکوٹین کی بڑی مقدار موجود ہوتی ہے۔ دس گرام ایک بینگن کے اندر اتنی نکوٹین موجود ہوتی ہے جو کہ ایک سگریٹ کے اندر ہوتی ہے- نکوٹین کی یہ مقدار اتنی زیادہ ہوتی ہے کہ اگر کوئی انسان اگر ایک کلو تک بینگن بیچوں سمیت کھالے تو اس کو نکوٹین کی زیادتی کی وجہ سے ہسپتال تک جانا پڑ سکتا ہے-

انسان کے جسم میں سونا بھی ہوتا ہے

کیا آپ جانتے ہیں کہ انسان کے خون میں دوسری دھاتوں کے ساتھ ساتھ سونا بھی موجود ہوتا ہے اور یہ اس کے جوڑوں کے لیے ضروری ہوتا ہے۔ اس کے علاوہ جسم کے اندر اعصابی نظام کو کام کرنے کے لیے بھی اس سونے کی ضرورت ہوتی ہے- ایک عام قدوقامت والے شخص میں جس کا وزن 70 کلو گرام تک ہوتا ہے اس شخص کے اندر اعشاریہ 2 ملی گرام تک سونا موجود ہوتا ہے اگر یہ سونا ٹھوس حالت میں تبدیل کیا جائے تو یہ اعشاریہ 2 ملی میٹر کے ایک ٹکڑے کی صورت میں ہو سکتا ہے-