|
|
سیاسی بحث عام طور پر پبلک مقامات پر سختی سے منع ہوتی ہے جس کا بنیادی سبب یہ قرار
دیا جاتا ہے کہ اکثر لوگ سیاسی اور نظریاتی اختلافات برداشت نہیں کر سکتے ہیں جس کے
نتیجے میں جذبات اس حد تک بڑھ جاتے ہیں کہ اکثر افراد میں نوبت گالم گلوچ سے شروع
ہو کر مار پیٹ تک پہنچ جاتی ہے- |
|
مگر پنجاب کے ایک شہر بہاولپور میں ایک ایسی جگہ بھی ہے جہاں پر نہ صرف آپ کو بٹھا
کر چائے پلائی جاتی ہے بلکہ خصوصی موقع فراہم کیا جاتا ہے کہ آپ اپنے سیاسی نظریات
کا پرچار سامنے والے فرد کے سامنے نہ صرف کر سکیں بلکہ اختلاف کی بنیاد پر اپنا
نقطہ نظر چیخ پکار کر کے بھی منوا سکیں- |
|
بہاولپور کا سیاسی ڈھابہ |
عام طور پر چائے کے ڈھابے ایک ایسی جگہ ہوتی ہے جہاں پر مرد حضرات اپنے
دوستوں کے ساتھ فارغ وقت میں بیٹھتے ہیں اور حالات حاضرہ پر بحث وغیرہ بھی
کرتے ہیں- مگر عام طور پر ان ڈھابوں کے مالکان ایک بورڈ لگا کر رکھتے ہیں
جس پر لکھا ہوتا ہےکہ یہاں پر سیاسی گفتگو منع ہے- جبکہ بہاولپور میں بنایا
جانے والا یہ ڈھابہ اس حوالے سے اپنے اندر انفرادیت کا حامل ہے کہ اس کا
نام ہی سیاسی ڈھابہ ہے اس کے علاوہ اس ڈھابے میں لگے ہوۓ تمام پینافلیکس
بورڈ بھی لوگوں کو سیاسی تعلیم و ترغیب دیتے نظر آتے ہیں- |
|
اب تو گھبرانے کی اجازت ہے |
وزیر اعظم عمران خان نے وزیر اعظم بننے کے بعد کی ابتدائی تقریروں میں آج
سے تین سال قبل عوام کو پیغام دیتے ہوئے کہا تھا کہ اگرچہ ملک کی معیشت بہت
مسائل کا شکار ہے مگر آپ نے گھبرانا نہیں ہے کیوں کہ جلد ہی ملک کو اس
بحران سے نکال لیں گے- |
|
مگر اب تین سال بعد جب ملک کا سب سے بڑا مسئلہ مہنگائی کی صورت میں سامنے
آرہا ہے اور چینی کی قیمت بھی سو روپے کلو زیادہ تک جا پہنچی ہے تو سیاسی
ڈھابے والے وزیر اعظم سے پوچھ رہے ہیں کہ کیا اب عوام گھبرا سکتی ہے؟ |
|
|
پی ڈی ایم کو متحد کرنے کا طریقہ |
متحدہ اپوزیشن آج کل پیپلز پارٹی کی علیحدگی کے بعد انتشار کا شکار ہے مگر
سیاسی ڈھابے پر ایک جلسہ ان کو دوبارہ متحد بھی کر سکتا ہے یہ ہم نہیں کہہ
رہے بلکہ اس پینا فلیکس میں لکھا ہے- |
|
|
اپوزیشن استعفی نہیں دے گی |
اپوزیشن میں ہونے والی دراڑ کا بنیادی سبب اجتماعی استعفوں کو قرار دیا جا
رہا ہے اس بارے میں سیاسی ڈھابہ کیا مشورہ دیتا ہے جانیں- |
|
|
کیا پیپلز پارٹی سے مسلم لیگ ن کو دھوکہ
دیا |
مسلم لیگ ن کو پیپلز پارٹی سے بہت شکایتیں ہیں جن کا علاج سیاسی ڈھابے کا
بروسٹ کھانا ہے- |
|
|
جب زيادہ چائے اتا ہے تو زيادہ مزہ آتا ہے
|
بلاول کے بیان جب زیادہ بارش آتا ہے تو زیادہ پانی آتا ہے کو سیاسی ڈھابے
والوں نے کیسے استعمال کیا خود دیکھ لیں- |
|
|
انہوں نے تو مولانا صاحب کو بھی نہیں بخشا |
متحدہ اپوزیشن کی قیادت کا قرعہ مولانا فضل الرحمن کےنام نکلا ہے اور سیاسی
بحث ہو اور ان کا ذکر نہ ہو یہ تو ممکن نہیں ہے لہٰذا تہتر کے آئیں کے
تناظر میں ان کا ذکر ملاحظہ فرمائیں- |
|
|
سیاسی ڈھابے کی ان تصاویر کو دیکھ کر آپ کا بھی سیاسی بحث کرنے کا دل چاہ
رہا ہوگا تو کمنٹ سیکشن میں آپ بھی اس بحث میں حصہ لے سکتے ہیں- |