سچ تو یہ ہے (۴۳واں حصہ)

 منظر۳۰۱
جاوید، رحمتاں ،ان کی بیٹیاں اوراحمدبخش ایک ساتھ چارپائیوں پربیٹھے ہوئے ہیں۔
رحمتاں۔۔۔۔صابراں سے۔۔۔۔۔مقابلے میں چنددن رہ گئے ہیں تمہاری تیاری کیسی ہے
صابراں۔۔۔۔ہماری تیاری اچھی ہے
رحمتاں۔۔۔۔اورتیری بہنوں کی
صابراں۔۔۔۔ان کی تیاری بھی اچھی ہے
رحمتاں۔۔۔۔کل سے تم تینوں بہنوں کاآپس میں مقابلہ ہوگا
جاوید۔۔۔۔۔یہ فیصلہ کیسے ہوگا کس کاکھانااچھابناہے
رحمتاں۔۔۔۔اس کافیصلہ میں کروں گی
احمدبخش اورصابراں کی بہنیں خاموشی سے سن رہی ہیں
جاوید۔۔۔اس کافیصلہ تم نہیں کروگی اریبہ اورراشدہ کریں گی
رحمتاں۔۔۔۔۔مجھے کوئی اعتراض نہیں
جاوید۔۔۔۔انعام کیادوگی
رحمتاں۔۔۔۔۔کس لیے
جاوید۔۔۔۔مقابلے جوکرارہی ہو انعام بھی دینے ہوں گے
رحمتاں۔۔۔۔۔احمدبخش ہمارے گھرمیں ہی رہے گا یااپنے گھرجائے گا
احمدبخش۔۔۔۔۔میں اپنے گھرجاناچاہتاہوں ابومجھے ماریں گے
جاوید۔۔۔۔۔یہ اپنے گھرجائے گا لیکن ایسے نہیں آٹھ پہرہوگئے ہیں یہ ابھی تک ڈراہواہے
رحمتاں۔۔۔۔ایسے نہیں توکیسے جانے دیں گے
جاوید۔۔۔۔اس کافیصلہ بشیراحمداورعبدالمجیدکے مہمانوں سے مشاورت کے بعدکریں گے
٭٭٭٭٭٭٭٭٭
منظر۳۰۲
راشدہ دروازے کے باہربے چینی سے انتظارکررہی ہے۔ عبدالمجیددروازہ کھولتاہے
راشدہ۔۔۔۔السلام علیکم
عبدالمجید۔۔۔۔وعلیکم السلام یہ وقت ہے تیرے آنے کا بغیربتائے توکہاں چلی گئی تھی گھرکاکوئی خیال بھی ہے یانہیں
راشدہ۔۔۔۔سارے سوالوں کاجواب دوں گی گھرمیں توآنے دو سارے سوال دروازے پرہی پوچھوگے
عبدالمجید۔۔۔۔۔میں جب چاہوں تجھ سے جوچاہوں پوچھ سکتاہوں
راشدہ۔۔۔۔بچے بھوکے ہیں ان کوکھاناکھلانے دو
عبدالمجید۔۔۔۔۔اب تجھے بچوں کابڑا خیال آرہاہے
اسی دوران عبدالرحیم اورسلطانہ بھی آجاتے ہیں
عبدالمجید۔۔۔۔تم کیوں آگئے ہو گھربیٹھو
سلطانہ۔۔۔۔امی بھوک لگی ہے کھانادے دو
عبدالرحیم۔۔۔۔۔جب سے سکول سے آئے ہیں کچھ نہیں کھایا
راشدہ۔۔۔۔عبدالمجیدسے۔۔۔۔کیسے باپ ہیں آپ بچے دوپہرسے بھوکے ہیں آپ نے ابھی تک بچوں کوکھانانہیں دیا
عبدالمجید۔۔۔۔۔کھاناتونے نہیں بنایا سارادن پتہ نہیں کہاں رہی
راشدہ۔۔۔۔۔میں دوپہرکاکھانابناکرگئی تھی
عبدالمجید۔۔۔۔ایک اورجھوٹ
راشدہ۔۔۔۔۔مجھے دروازے پرروک رکھاہے گھرمیں آنے دو پھرثابت کروں گی کہ میں جھوٹ بول رہی ہوں یا آپ کوغلط فہمی ہوئی ہے
عبدالمجیددروازہ کھول دیتاہے راشدہ کمرے میں چلی جاتی ہے
عبدالرحیم۔۔۔۔۔امی توکہتی ہیں وہ کھانابناکرگئی تھیں
عبدالمجید۔۔۔۔تمہاری ماں جھوٹ بول رہی ہے
عبدالرحیم۔۔۔۔امی جھوٹ نہیں بولتیں ہم کہتے رہے کھانادے دو کھانادے دو آپ نے ہمیں کھانانہیں دیا
عبدالمجید۔۔۔۔۔کھاناگھرمیں ہوتا تومیں تمہیں دیتا
اسی دوران راشدہ کھانالے آتی ہے اورکہتی ہے میرے پیارے بچو تم منہ ہاتھ دھو لو میں کھاناگرم کرکے دے رہی ہوں
٭٭٭٭٭٭٭٭٭
منظر۳۰۳
نورالعین اورکریم بخش الگ الگ چارپائیوں پرسورہے ہیں ۔نورالعین کی چارپائی پرافضل بیٹھاہے
کریم بخش۔۔۔۔افضل سے۔۔۔۔تونے سکول کاکام کرلیاہے
افضل۔۔۔۔جی
نورالعین۔۔۔۔جاکر سوجا
افضل۔۔۔۔۔بھائی کی یاد آرہی ہے وہ کب آئے گا
کریم بخش۔۔۔۔وہ جمعرات کوآئے گا
افضل۔۔۔۔ابو بھائی کولینے میں آپ کے ساتھ جاؤں گا
کریم بخش۔۔۔۔اس جمعرات کوطارق خودآئے گا میں اسے لینے نہیں جاؤں گا
افضل اٹھ کرچلاجاتاہے
کریم بخش۔۔۔۔۔میں سوچ رہاہوں ہماری زمین پرجوپرانے درخت ہیں ان میں سے دودرخت کاٹ کربیچ دوں
نورالعین۔۔۔۔وہ کیوں پرانے درخت آپ کوکیاکہہ رہے ہیں
کریم بخش ۔۔۔۔اخراجات کے لیے پیسے نہیں ہیں دودرخت کاٹ کربیچ دیں گے توایک مہینے کاگزارہ ہوجائے گا تب تک اﷲ کوئی اورسبب بنادے گا
نورالعین۔۔۔۔۔اب درخت بیچنے کی کیاضرورت ہے
کریم بخش۔۔۔۔میرے پاس کون ساخزانہ ہے جومیں
نورالعین۔۔۔۔طارق کومہینہ ہونے والاہے اس جمعرات کواسے تنخواہ مل جائے گی
کریم بخش۔۔۔۔۔اس کوابھی تنخواہ نہیں ملے گی
نورالعین۔۔۔۔وہ دکان پرکام جوکرتاہے اس کوتنخواہ نہیں ملے گی کیا
کریم بخش۔۔۔۔ابھی ایک ماہ بعداس کوصرف جیب خرچ ملے گا اس کے دوماہ بعدتنخواہ ملے گی
نورالعین۔۔۔۔۔میں توسمجھ رہی تھی
کریم بخش۔۔۔۔ویسے بھی میں نہیں چاہتا کہ اس کی آمدنی سے ہم گھرکے اخراجات کریں
نورالعین۔۔۔۔طارق ہماراہی بیٹاہے اس کی آمدنی ہماری آمدنی ہے
کریم بخش۔۔۔۔اس کی آمدنی ہم الگ رکھیں گے اس نے دکان بھی توبنانی ہے اوراس کی شادی بھی کرنی ہے
٭٭٭٭٭٭٭٭٭
منظر۳۰۴
بشیراحمد۔۔۔۔اتنی رات ہوگئی ہے ابھی تک تم لوگوں نے کھانانہیں کھایا
اریبہ۔۔۔۔۔میں توباربارکہتی رہی کھاناکھالو کھاناکھالو دونوں بہن بھائی ایک ہی جواب دیتے ابوآئیں گے توہم کھاناکھائیں گے
بشیراحمد۔۔۔۔میں بھی راستے میں یہ سوچ کرپریشان ہورہاتھا کہ میرے بغیربچے کھانانہیں کھاتے گھرکی طرف آتے ہوئے کچھ سامان مل گیاتھا اس لیے دیرہوگئی
اریبہ۔۔۔۔۔میں تواس لیے پریشان ہورہی تھی کہ آپ دیرسے گئے ہیں کام ملتابھی ہے یانہیں
بشیراحمد۔۔۔۔ساتھ والی بستی سے شہرکاچکرمل گیاتھا اورایک چکرواپسی کامل گیا
اریبہ۔۔۔۔رزق کاوعدہ اﷲ نے کیاہے اﷲ کسی نہ کسی وسیلے سے رزق دے ہی دیتاہے
بشیراحمد۔۔۔۔مقابلے میں تھوڑے دن رہ گئے ہیں تونے بیٹی کاامتحان لیاہے یانہیں
اریبہ۔۔۔۔ہماری بیٹی اچھاکھانابنالیتی ہیں
بشیراحمد۔۔۔۔مقابلے میں اورلڑکیاں بھی پکوان لے آئیں گی میں چاہتاہوں میری بیٹی کے پکوان کی لوگ تعریف کریں
اریبہ۔۔۔۔اس کے لیے اس کاامتحان ضروری ہے کیا
بشیراحمد۔۔۔۔جوپکوان اس نے مقابلے میں بنانے ہیں وہ اس سے ایک ایک کرکے بنواؤ اس کواچھی طرح چیک کرو کوئی کمی بیشی ہوتودورکراؤ
اریبہ۔۔۔۔کل سے اس کاامتحان شروع
فیاض۔۔۔۔۔پاس ہوجائے توکیاانعام ملے گا
بشیراحمد۔۔۔۔۔تیری بہن نے پکوان تیارکرکے مجھے خوش کردیاتواس کوانعام دوں گا
فیاض۔۔۔۔سمیراسے۔۔۔۔۔میں پکوان بنانے میں آپ کی مددکروں گا ابوجوانعام دیں گے اس میں سے مجھے بھی حصہ دوگی
سمیرا۔۔۔۔ٹھیک ہے
اریبہ۔۔۔۔بشیراحمدسے۔۔۔۔۔سن رہے ہیں آپ بہن بھائی میں مک مکاہورہاہے
بشیراحمد۔۔۔۔۔یہ مک مکانہیں ہورہا بلکہ معاملات طے ہورہے ہیں
بشیراحمد۔۔۔۔احمدبخش کی کوئی خبر
اریبہ۔۔۔۔اس کی ماں آئی ہوئی تھی
٭٭٭٭٭٭٭٭٭
منظر۳۰۵
عبدالمجید۔۔۔۔راشدہ سے۔۔۔۔۔سب نے کھاناکھالیاہے اورتونے ابھی تک میرے سوالوں کے جواب نہیں دیے
راشدہ۔۔۔۔کون سے سوال میں نے کون سے سوالوں کے جواب نہیں دیے
عبدالمجید۔۔۔۔میرے ساتھ چالاکی دکھانے کی کوشش بھی نہ کرنا میں نے جوپوچھا ہے وہ بتا
راشدہ۔۔۔۔چالاکی توآپ دکھارہے ہیں یابھول رہے ہیں
عبدالمجید۔۔۔۔۔توٹال مٹول سے کام لے رہی ہے
راشدہ۔۔۔۔۔میں ٹال مٹول سے کام نہیں لے رہی میں آپ کوبتاکرگئی تھی کہ میں کہاں جارہی ہوں
عبدالمجید۔۔۔۔میں تواس وقت سورہاتھا جب توگھرسے گئی تھی مجھے کب بتایاتھا
راشدہ۔۔۔۔جس وقت آپ مہمانوں سے بات کرکے گھرآئے تھے اس وقت میں نے کہاتھا میں بیٹے کے پاس جارہی ہوں
عبدالمجید۔۔۔۔۔بیٹے کے پاس گئی تھی توا س کوگھرکیوں نہیں لے آئی
راشدہ۔۔۔۔۔میں تواس کے چچاسے کہتی رہی میں اسے گھرلے کرجارہی ہوں احمدبخش خودبھی آناچاہتاہے آپ کے بھائی کاکہناہے کہ اب یہ ان کے گھرمیں رہے گا وہ اس کابہت خیال بھی رکھ رہے ہیں
عبدالمجید۔۔۔۔تونے کہاہی نہیں توخودنہیں چاہتی کہ تیرابیٹا گھرمیں آئے
راشدہ۔۔۔۔۔میں کیوں نہیں چاہتی میرابیٹاکسی اورکے گھرمیں رہے میں یہ برداشت نہیں کرسکتی
عبدالمجید۔۔۔۔ایساہوتا توتواسے لے کرآتی احمدبخش ہمارابیٹا ہے وہ اسے کیسے روک سکتے ہیں
راشدہ۔۔۔۔وہ کہتے ہیں وہ اس کاعلاج کرائیں گے
عبدالمجید۔۔۔۔۔کتناکام پڑاہے کھیتوں میں اوروہ ہے کہ چچاکے گھرمیں چھپ کربیٹھا ہے
راشدہ۔۔۔۔آپ کواپنے بیٹے کی فکرسے زیادہ کھیتوں کی فکرہے
عبدالمجید۔۔۔۔۔میں اچھی طرح جانتاہوں کہ مجھے کیاکرناہے اورکیانہیں کرنا مجھے سمجھانے کی ضرورت نہیں
راشدہ۔۔۔۔۔آپ کوسمجھابھی کوئی نہیں سکتا
عبدالمجید۔۔۔۔کل دن میں احمدبخش کولے کرآنا مغرب سے پہلے وہ گھرمیں نہ آیا تو توجانتی ہے کہ میں کیاکرسکتاہوں
(۲۶۳)
٭٭٭٭٭٭٭٭٭
منظر۳۰۶
ابھی سورج طلوع نہیں ہوا
رحمتاں۔۔۔۔صابراں سے۔۔۔۔احمدبخش اپنے کمرے میں نمازپڑھ رہاتھا جاکردیکھ آ وہ کیاکررہاہے یاپھرسوگیاہے
صابراں احمدبخش کے کمرے کی طرف چلی جاتی ہے۔
رحمتاں۔۔۔۔اپنی دوسری بیٹی سے۔۔۔۔چولھے کے ساتھ صفائی کردے اورلکڑیاں بھی اٹھاکرلے آ
صابراں واپس آجاتی ہے
رحمتاں۔۔۔۔۔کیاکررہاہے احمدبخش جاگ رہاہے یاسورہاہے
صابراں۔۔۔۔۔وہ تواپنے کمرے میں نہیں ہے
رحمتاں۔۔۔۔۔احمدبخش کمرے میں نہیں ہے کہاں چلاگیاہے جلدی سے ابوکوبتاؤ
صابراں اپنے باپ کے پاس جاتی ہے۔ جاویداس وقت تسبیح پڑھ رہاہے صابراں خاموشی سے کھڑی ہوجاتی ہے
جاوید۔۔۔۔صابراں کی طرف دیکھ کر۔۔۔۔۔کیابات ہے احمدبخش نے نمازپڑھ لی ہے یانہیں
صابراں۔۔۔۔امی نے اسے نمازپڑھتے ہوئے دیکھاہے اب وہ اپنے کمرے میں نہیں ہے
جاوید۔۔۔۔کہاں چلاگیاہے گھرمیں ادھرادھردیکھو میں دعامانگ کرآرہاہوں
صابراں۔۔۔۔رحمتاں سے۔۔۔۔ابوآرہے ہیں
رحمتاں۔۔۔۔دوسرے کمروں میں دیکھو
صابراں اوراس کی بہن کمروں میں دیکھتی ہیں اسی دوران جاویدبھی آجاتاہے
جاوید۔۔۔۔کہاں چلاگیاہے میرابھتیجا
رحمتاں۔۔۔۔۔پتہ نہیں
صابراں اوراس کی بہن بھی آجاتی ہیں
صابراں۔۔۔۔۔وہ کسی بھی کمرے میں نہیں ہے
رحمتاں۔۔۔۔وہ کل سارادن کہتارہا کہ اس نے گھرجاناہے ہم نے اسے نہیں جانے دیا کہیں وہ اپنے گھرتونہیں چلاگیا
صابراں۔۔۔۔اس کے گھرجاکرپتہ کرلیں
جاوید۔۔۔۔۔ابھی نہیں وہ وہاں نہ ہواتو
رحمتاں۔۔۔۔۔اس طرح توایک اورمسئلہ کھڑاہوجائے گا
جاوید۔۔۔۔اپنی ایک بیٹی سے۔۔۔۔۔بکریوں کے رسے جاکرسیدھے کر
وہ چلی جاتی ہے
رحمتاں۔۔۔۔ایک اوربیٹی سے۔۔۔۔۔توبکریاں باندھنے کی جگہ پرپڑی ہوئی مٹی برابرکردے
جس بیٹی کوجاویدنے بھیجاتھا وہ بکریوں کے پاس آتی ہے تودیکھتی ہے کہ احمدبخش بکریوں کے رسے سیدھے کررہاہے و ہ آوازدے کرکہتی ہے احمدبخش ادھرہے بکریوں کے پاس
٭٭٭٭٭٭٭٭٭
منظر۳۰۷
دھوپ نکل آئی ہے عبدالمجیدگھرکادروازہ کھولتا ہے تو عرفان اوراشرف سامنے کھڑے ہیں عبدالمجید احمدبخش کے دوستوں کودیکھ کرغصہ میں آجاتاہے۔
عرفان ،اشرف۔۔۔۔۔بیک زبان ہوکر۔۔۔۔۔السلام علیکم
عبدالمجید۔۔۔۔وعلیکم السلام تم یہاں کس لیے آئے ہو جاؤ ابھی چلے جاؤ
اشرف۔۔۔۔چچاجی اتناغصہ نہ کریں
عبدالمجید۔۔۔۔۔دورہوجاؤ میری نظروں سے
عرفان۔۔۔۔۔ہم احمدبخش سے ملنے آئے ہیں اس کوبلادیں ہم اس سے مل کرچلے جائیں گے
عبدالمجید۔۔۔۔اب اس کوکون سی پٹیاں پڑھانے آئے ہو
اشرف۔۔۔۔۔ہم نے اسے پہلے کبھی پٹیاں پڑھائی ہیں نہ اب پڑھانے آئے ہیں
عبدالمجید۔۔۔۔تم نے ہی میرے بیٹے کوبگاڑدیاہے
عرفان۔۔۔۔۔یہ آپ کی غلط فہمی ہے ایساکچھ نہیں ہے
اشرف۔۔۔۔۔ہم نے سکول بھی جانا ہے احمدبخش کوبلائیں
عبدالمجید۔۔۔۔تم اس سے نہیں مل سکتے
راشدہ۔۔۔۔۔آوازدے کر۔۔۔۔کون ہے دروازے پر
عبدالمجید۔۔۔۔۔کوئی نہیں ہے
راشدہ۔۔۔۔اتنی دیرسے کیادروازے سے بحث کررہے ہیں
عرفان ،اشرف۔۔۔۔بلندآوازسے۔۔۔۔۔ہم آئے ہیں چچی
راشدہ۔۔۔۔دروازے کے پاس پہنچ کر۔۔۔۔۔بچوں کوکیوں روکاہواہے آنے دوان کو
عبدالمجید۔۔۔۔۔اب یہ ہمارے گھرمیں نہیں آسکتے
راشدہ۔۔۔۔۔مکمل دروازہ کھول کر۔۔۔۔۔آجاؤ
عبدالمجیدراشدہ کوہاتھ سے دھکادینے لگتاہے توراشدہ دورہوجاتی ہے اسی دوران عرفان اوراشرف گھرمیں آجاتے ہیں راشدہ دونوں کوچارپائی پربٹھاتی ہے
راشدہ۔۔۔۔آوازدے کر۔۔۔۔عبدالرحیم جگ میں پانی لے آنا ساتھ دوگلاس بھی لے آنا
راشدہ۔۔۔۔عرفان، اشرف۔۔۔۔۔تم اپنے دوست سے ملنے آئے ہو وہ گھرمیں نہیں ہے
عرفان۔۔۔۔۔سکول سے اس کی چھٹیاں ہیں وہ صبح صبح کہاں چلاگیاہے
شرف۔۔۔۔کہیں چچانے اسے کھیتوں میں تونہیں بھیج دیا
راشدہ۔۔۔۔وہ دودن سے چچاجاویدکے گھرمیں ہے چھٹی کے بعدآجانا میں تمہیں اس کے پاس لے جاؤں گی
عرفان۔۔۔۔اب ہمیں سکول سے دیرہورہی ہے ہم چلتے ہیں
راشدہ۔۔۔۔۔پانی پی لو پھرچلے جانا
٭٭٭٭٭٭٭٭٭