|
|
شادی کا مطلب خوشی ہوتا ہے اور اس موقع پر صرف دولہا
دلہن ہی نہیں ہر فرد یہ کوشش کرتا ہے کہ اس کا لباس دوسروں سے منفرد اور
خوبصورت ترین ہو تاکہ وہ سب کی توجہ کا مرکز بن سکیں- اور جو لوگ پہلے ہی
خوش لباس ہوں کسی عزیز کی شادی کا موقع ان کے لیے ایک چیلنج بن جاتا ہے اس
وجہ سے ان کی تیاری بے مثال ہوتی ہے- حالیہ دنوں میں مریم نواز اپنے اکلوتے
بیٹے جنید صفدر کی شادی میں شرکت میں بھرپور تیاری کے ساتھ نظر آئيں-
اکلوتے بیٹے کی شادی یقیناً ایسا موقع ہوتا ہے جس میں ہر ماں خوش ہوتی ہے
اور یہ خوشی ان کی تیاری سے بھی نظر آرہی تھی بہترین اور شاندار لباس کے
چناؤ نے ان کی مقبولیت میں بہت اضافہ کر دیا ہے- مگر صرف مریم نواز ہی نہیں
بلکہ ہماری سیاست میں کچھ اور خواتین بھی ایسی ہیں جن کا لباس کا انتخاب ہر
موقع پر شاندار ہوتا ہے ایسی ہی کچھ خواتین کے بارے میں ہم آپ کو آج بتائيں
گے- |
|
حنا ربانی کھر |
پاکستان کی سابق وزیر خارجہ حنا ربانی کھر کا نام کسی
تعارف کا محتاج نہیں ہے۔ ان کے حوالے سے اس بات کو سب ہی تسلیم کرتے ہیں کہ
ہر موقع پر ان کا لباس کا انتخاب بے مثال ہوتا ہے۔ ان کے لباس کے ساتھ ساتھ
ان کے مہنگے ترین پرس اور جوتے اور متناسب جیولری ان کی خوبصورتی کو مزید
بڑھا دیتی ہے- |
|
|
حنا پرویز بٹ |
حنا پرویز بٹ مسلم لیگ ن کے سابقہ دور میں صوبائی اسمبلی
کی رکن کے طور پر پہلی بار سامنے آئی تھیں اس کے بعد حالیہ دور میں اکثر ٹی
وی چینلز پر مسلم لیگ کی ترجمان کے طور پر نظر آتی ہیں ۔ مریم نواز کی قربت
کے سبب جنید صفدر کی شادی کی ہر تقریب میں انہوں نے شرکت کی اعلیٰ تعلیم
یافتہ حنا پرویز پیشے کے اعتبار سے فیشن ڈیزائنر ہیں- یہی سبب ہے کہ لباس
کے انتخاب اور منفرد نظر آنے کے معاملے میں کسی سے پیچھے نہیں رہتی ہیں جس
کا ثبوت جنید صفدرکی شادی کے مختلف مراحل میں انہوں نے دیا- |
|
|
شرمیلا فاروقی |
پاکستان پیپلز پارٹی سے تعلق رکھنے والی شرمیلا فاروقی
کا شمار بھی پاکستان کی خوش لباس خواتین میں ہوتا ہے- ان کے لباس کا انتخاب
بہت قیمتی اور منفرد ہوتا ہے اس کے علاوہ مہنگے ترین زیورات کا شوق ان کی
اضافی خاصیت ہے- |
|
|
کشمالہ طارق |
کشمالہ طارق کا شمار پاکستان کی ان خواتین سیاستدانوں میں ہوتا ہے جن کو
خبروں میں ان رہنے کا ہنرآتا ہے اور خبروں میں رہنے کے ساتھ ساتھ ان کو
بولنے کا اور بہترین لباس پہننے کا ہنر بھی خوب آتا ہے- یہی وجہ ہے کہ جب
بھی خوش لباسی کی بات چلی ہے کشمالہ طارق کی مثال دی جاتی ہے- |
|
|
عائلہ ملک |
پاکستان تحریک انصاف کی مرکزی رہنما اور سابقہ قومی اسمبلی کی رکن عائلہ
ملک کا شمار وزیر اعظم عمران خان کی قریبی ساتھیوں میں ہوتا ہے- خوبصورت
ہونے کے ساتھ ساتھ عائلہ ملک ذہین بھی ہیں اور اپنی پارٹی کے نقطہ نظرکو
بہترین ترین انداز میں پیش کرنے کا ہنر جانتی ہیں اس کے علاوہ لباس کے
بہترین انتخاب بھی ان کو سب سے ممتاز کرتا ہے- |
|